2 Bibɔrb 18:30 - Uwumbɔr aagbaŋ

³⁰ Ni taa cha u ŋmann nimi ke ni li lik Uwumbɔr pu. Taa ka dak man ke Uwumbɔr ga gaa nimi lii aan ki kiir Asiria aajab, bi taa ŋmaa nyaŋ nimi aatisakpeŋ ngbaan.

2 Bibɔrb 18:30 ပူးပေါင်းရင်းမြစ်များ

2 Bibɔrb 18:29

U sur nimi ke ni taa cha Hesekia ŋmann nimi. Hesekia aan ŋmaa gaa nimi lii.

2 Bibɔrb 18:31

Taa pel Hesekia aah len pu na man. Asiria aatiŋ aabɔrkpaan bui ke ni nyan ni kitiŋ ngbaan ni, aan ki kii ke u nyaŋ nimi. U ga cha ni mɔmɔk moo ŋisubil nimi aasar ni, ki ŋmɔ nimi aakakan, ki nyu nimi aanyunbun ni aanyun,

2 Bibɔrb 19:10

“Uwumbɔr u aa mak u pu sakpen na bui si ke maan ŋma nyaŋ si, aa mu taa tee cha kina ngbaan ŋmann si.

2 Bibɔrb 19:22

Aa dak ke ŋma aan aa bi seei ki ŋani u mbɔnyun? Saa pak mi, Israel yaab Aawumbɔr u bi chain na kpala.

2 Bibɔrb 19:6

le u giin ngarm mumina ke: “Uwumbɔr bui ke aa taa cha Asiria yaab faan si ke uma Uwumbɔr aan ŋmaa gaa si lii.

Ilahn 11:1

M tii Uwumbɔr aah kii mi pu na naadii. Ni ye kijɔrk le ke aa bui mi ke, “Fii ke unyoon na ki ti bɔr ŋijoo paab,

Ilahn 3:3

Uwumbɔr, le sin le ye kijaak aapeln li kii mi tibɔbir chee na; aa tii mi linyaŋ, ki pɔɔk ntaakpab.

Ilahn 4:2

Nimi binib bimina, ni ga seei mi ki ti saa bayoonn? Ni ga li gee tiwan ni kaa kpa tinyoor tibaa na, ki chuun dii inyamɔn aawan ki ti saa bayoonn?

Ilahn 42:4

M yaa teer n‑yoonn mu jer na aabɔr kan, le nsui bii, n‑yoonn ngbaan le m nan dii kinipaak buen Uwumbɔr do ki loln bi pu nsan na, kinipaak ngbaan aasui nan piin, le bi gaa ilahn ki tar ki pak Uwumbɔr.

Ilahn 71:11

Bi len le ke, “Uwumbɔr siir cha u a; cha ti li dii u man ki ti chuu u, ubaa aa bi ki ga gaa u lii.”

Ilahn 71:9

N‑yoonn mu m por na, taa yii mi; taa yii mi n‑yoonn mu maa ki kpa mpɔɔn na.

Matiu 27:43

U gaa Uwumbɔr ki kii, ki bui ke u ye Uwumbɔr Aajapɔɔn. Uwumbɔr yaa ban u kan, cha u gaa u lii dandana.”

Tibɔnyaan ti Luk ŋmee ti na 23:35

Le kinipaak ngbaan si ki lik u. Le Juu yaab aaninkpiib sii u, ki bui ke, “U gaal biken le bi ŋmar; u yaa ye Kristo u ga gaa timi lii, aan Uwumbɔr nyan u na kan, u gaa ubaa mu lii.”