2 Bibɔrb 18:14 - Uwumbɔr aagbaŋ

¹⁴ Hesekia nan tun ntuun Senakerib, u nan bi Lakis aatiŋ ni na chee ke: “M tun taani; ŋaanii ki di cha, le m ga pa saah ban pu na mɔmɔk.” Ubɔrkpaan ngbaan aagarm le nan ye ke Hesekia tii ni u tikunabr ti aanyunyuun ye njikaabim kuruwaa ŋichur kipiik na, ni salmaa u aanyunyuun ye njikaabim kuruwaa lichur na.

2 Bibɔrb 18:14 ပူးပေါင်းရင်းမြစ်များ

1 Bibɔrb 20:4

Ahab nan gar u ke, “Tuk maaninkpel Ubɔr Ben‑Hadad ke m kii; u ga ŋmaa yoor m ni maah kpa tiwan ni mɔmɔk na ki li joo.”

2 Bibɔrb 10:5

Kina pu le libɔrdichal ni aaninkpel, ni kitiŋ ngbaan aaninkpel, ki di kpee kaanikpaam, ni ubɔr aayaabitiib aajojoob di inaŋ imina tun Jehu chee: “Ti ye saatutum la, le ki ga ŋa saah bui timi ke ti ŋa pu na mɔmɔk. Tɔ, taan ŋmaa di ubaa kaan nnaan, ŋa saah dak aasui ni pu na.”

2 Bibɔrb 14:19

Nkpokl nan bi Jerusalem ni ke bi ku Amasia, le u nan san buen Lakis aatiŋ ni, le waadim nan paan u pu nima chee ki ti ku u.

2 Bibɔrb 15:20

Menahem nan chur Israel yaab bi kpa ŋimombil na mpɔɔn, le ki cha uwankpadaan mɔk too tikunabr aamombil piiŋmu piiŋmu. Le Tiglaf Pileser nan gir kun waatiŋ pu.

2 Bibɔrb 18:7

Kina pu na, Uwumbɔr nan bi u chee, le u nan nyaŋni tiwan ni mɔmɔk u nan ŋa na ni. U nan nyan Asiria aatiŋ aabɔrkpaan aapuwɔb, ki yii kaa di ubaa tii u.

2 Bibɔrb 19:8

Asiria aajab aaninkpel ngbaan ŋun ke waabɔrkpaan nyan Lakis aatiŋ ni aan u ni Libna aatiŋ ki bi gbɔk Lakis aatiŋ na yaab bi jaa kijaak; kina pu le u buen nima u ti kan u.

Ŋiyataŋak 29:25

Aa yaa dii binib aah dak aa pu pu na kan, naa ŋan. Aa yaa tii Uwumbɔr naadii kan, le aa ŋmar.

Jeremia 34:7

buyoonn Babiloŋ aabɔr aajab nan bi tak kitiŋ ngbaan na. Bijab ngbaan ki bi tak Lakis, ni Aseka, Juda aatim mulee mu baanja nan gur ki kpa tijawan aan bi maa ŋigon gob mu na mu.

Tibɔnyaan ti Luk ŋmee ti na 14:32

U yaa nyi ke waan ŋmaa nyaŋ u kan, waah laa bi ni daa na, u ga tun bitutum bi ti tooh u nsan ni, ki bui u ke u pɔɔk ubaa aan bi ti kpokl ki kuln kijaak ngbaan.