2 Bibɔrb 18:12 - Uwumbɔr aagbaŋ

¹² Israel yaab aah kaa nan kii Bidindaan Uwumbɔr aamɔb, ki bii tipuur ti u nan puu tii bi na, ki yii ikaal i mɔmɔk Uwumbɔr aatutunn Moses nan di tii bi na pu le Samaria aatiŋ nan ber. Baa nan ŋun kaa kii tii u.

2 Bibɔrb 18:12 ပူးပေါင်းရင်းမြစ်များ

1 Bibɔrb 9:6

Tɔ, si, bee aayaabitiib, yaa yii, kaa dii mi, ki yii ikaal, ni maah bui nimi pu na mɔmɔk, ki dooni ŋiwaa kan,

2 Bibɔrb 21:8

Le Israel aanib yaa ga kii maamɔkm, ni ikaal i mɔmɔk maatutunn Moses nan di tii bi na kan, maan kii ke binib jenn nyan bi kitiŋ ki m nan di tii biyaajatiib na ni.”

Nehemia 9:17

Bi nan yii, kaa kii tii si; bi nan suln saah ŋa tiwan nimɔk na; bi nan suln saah ŋa iwaan aawan nimɔk na. Baanimpoo ni, bi nan nyan uyidaan ubaa ke u di bi giin tinaagbiir ponn ni, Ijipt aatiŋ ni. Le aa ye Uwumbɔr u joo cha pinni titunwanbir na; aa ŋan ti nyaŋ, ki gee binib, le saaŋuul aa fii mala mala. Saanimbaasaln aah nyaŋ sakpen pu na, le saa nan yii bi.

Ilahn 107:17

Binib bibaa nan ye bijɔrb, le ki ji baatunwanbir aafalaa le baabiin aatun pu;

Ilahn 78:10

Baa nan joo tipuur ti bi nan puu tii Uwumbɔr na; bi yii, kaa joo waakaal.

Ilahn 81:12

Kina pu le m cha bi kpa tafalaaŋun le ki ŋani baah gee pu na.

Aisaya 1:19

Ni yaa kii maamɔb kan, ni ga kan tijikaar pam nimi aatiŋ pu.

Jeremia 3:8

Juda aanibol mu nan kan ke m yii Israel aanibol, ki jenn u lii; ba pu? u nan fenn upuwɔb tii mi ki kpaln udagoor. Le Juda, u ye Israel aana aabo u nyan mpuwɔb na aa nan san ijawaan. U mu nan kpaln udagoor,

Jeremia 7:23

Tɔ, m nan tee bui bi ke bi li keei maamɔb, aan m li ye Baawumbɔr, le bi mu li ye maanib. M nan bui bi ke bi li bi maah bui bi ke bi li bi pu na, aan ki li kpa lifuur.

Esekiel 11:12

Ni ga bee ke min le ye Uwumbɔr, ki bee ke naah nan joo ŋitimbol ŋi bi gbɔk nimi na aakaal na, ni nan bii maakaal ma, ki yiil maamɔb la.”

Daniel 9:5

“Ti tun titunwanbir, ki ŋa tiwan ni kaa ŋan na. Ti yii saah len ke ti ŋa pu na, ki fenn tipuwɔb tii tiwan ni aa mɔk ke ni ŋan na.

Amos 2:6

Uwumbɔr ki len ke, “Israel yaab aah tun titunwanbir n‑yoonn mɔmɔk pu na, kina le ga cha m sil daa bitafal. Bi joo bininyaam le kooh ke bi di teen baapɔln, hali bigiim bi kaan ŋmaa pa ŋinaatak aadaak na, bi kooh bi mu la.

Maika 3:4

N‑yoonn choo le ni ga nan wii ban Uwumbɔr chee nterm, le waan gar nimi. Waan ŋun nimi aameel; ba pu? ni tun titunwanbir la.

Nkahm 12:7

Maah len maatutunn Moses chee tibɔr pu na, ni bi nibaa; min le nyan u ke u li lik maanib Israel yaab mɔmɔk.

Ikaal 11:28

Ni mu yaa yii waakaal, ki fenn dooni ŋiwaa kan, ni ga kan tibɔbir la. Teer man ke naa kee dii ŋiwaa, ni taa dii ŋi kpala.

Ikaal 31:16

Uwumbɔr nan bui Moses ke, “Naan yunn le aa ga kpo. Saakun aapuwɔb, binib ngbaan ga fenn cha mi, ki bii tipuur ti m nan puu tii bi na. Bi ga di mi lii, le ki buen ti doon baah ban bi koo kitiŋ ki ni na aanib ngbaan aawaa.

Ikaal 31:17

Bi yaa ŋa kina kan, m ga gee liŋuul bi pu, ki yii bi, le ki ga kuln bi. Tibɔbir pam ga dan bi pu, le ni ga cha bi bee ke min Baawumbɔr aa ki bi bi chee.

Ikaal 34:5

Nima pu na, Moses, u nan ye Uwumbɔr aatutunn na, nan kpo Moab yaab aatiŋ ni, Uwumbɔr aah nan siin pu na.

Ikaal 8:20

Ni yaa kaa kii Uwumbɔr aamɔb kan, ni li nyi ke u ga kuln nimi, ke waah ban u kuln ŋinibol ŋi ni bi tur koo baatiŋ ni na pu na.

2 Tesalonika 1:8

ki li joo ni mmiigaal u nan daa binib aatafal. Binib bi yii Uwumbɔr na, ni binib bi kaa kii Tidindaan Yesu aabɔnyaan tee na, u ga daa bima le aatafal.

2 Timoti 2:24

Tidindaan aatutunn taa li kpak kinikpakpak. Ni ŋan ke u li ŋani binib mɔmɔk tibulchinn, ki tuk bi Yesu aabɔr mbamɔm, ki li kpa limɔr,

Josua 1:1

Uwumbɔr aatutunn Moses aah nan kpo na aapuwɔb, le Uwumbɔr bui Moses aateter Josua u nan ye Nunn aajapɔɔn na ke,

1 Piita 2:8

ki ki len ke, “Binib bibaa ga gbeer litakpal ngbaan ki lir. Litakpal ngbaan pu le bi ga lir.” Baa kii Uwumbɔr aabɔr; nima le cha bi lir, waah siin bi pu na.

1 Piita 4:17

Ni ŋeer Uwumbɔr piin ki ji binib tibɔr. U ga puen ji waanib le tibɔr, le ki nin ji biken tibɔr. U yaa puen ji timi waanib tibɔr kan, binib bi kaa kii waabɔnyaan na aabɔr ga doo kinye?