2 Bibɔrb 18:11 - Uwumbɔr aagbaŋ

¹¹ Asiria aatiŋ aabɔrkpaan ngbaan nan chur Israel aanib tinaagbiir buen Asiria aatiŋ ni, le ki ti di bibaa kaan Hala aatiŋ ni, ki kaan biken Habor Aamɔɔl chee, Gosann aapepel ni, ki kaan biken mu Media aatim ni.

2 Bibɔrb 18:11 ပူးပေါင်းရင်းမြစ်များ

2 Bibɔrb 15:29

Peka aah nan ye Israel yaab aabɔr buyoonn na, le Asiria aatiŋ aabɔrkpaan Tiglaf Pileser nyaŋ Ijonn, ni Abel Bef Maaka, ni Janoa, ni Kedes, ni Hasor aatim, ni Gilead, ni Galilee, ni Naftali aapepel, le ki chur binib tinaagbiir buen Asiria aatiŋ ni.

2 Bibɔrb 17:6

nima le nan ye Hosea aanaan aabiwawaer ni, le Siria aatiŋ aabɔrkpaan ti nyaŋ Samaria aatiŋ, le ki chur Israel aanib tinaagbiir buen Asiria aatiŋ ni, le ki ti di bi ponn ni bibaa kaan Hala aatiŋ ni, le ki kaan biken Habor Aamɔɔl chee, Gosann aapepel ni, le ki kaan biken mu Media aatim ni.

2 Bibɔrb 19:11

Aa ŋun min Asiria aatiŋ aabɔrkpaan aah ŋani litingbaln li m ban ke m kuln li na pu na. Aa dak ke aa ga ŋmaa san ŋmar aa?

2 Bibɔrb 21:8

Le Israel aanib yaa ga kii maamɔkm, ni ikaal i mɔmɔk maatutunn Moses nan di tii bi na kan, maan kii ke binib jenn nyan bi kitiŋ ki m nan di tii biyaajatiib na ni.”

2 Bibɔrb 23:27

Uwumbɔr nan bui ke, “Maah ŋa Israel aatiŋ pu na, kina le m ga ŋa Juda aatiŋ: m ga jenn nyan Juda aanib nnimbiin ni, le ki ga yii Jerusalem aatiŋ ki m lee ki na, ni Uwumbɔr Aadichal li ponn ni m bui ke bi li dooni mi na.”

1 Bibɔrb Aabɔr 5:26

Kina pu le Uwumbɔr nan cha Asiria yaab aabɔrkpaan Pul (u bi nan ki yin u ke Tiglaf Pileser na) bɔ baatingbaln ni. U nan chur Rubenn, ni Gad, ni Manase yaab bi bi liwipuul wɔb na tinaagbiir ki di bi ti kaan Hala, ni Habor, ni Hara aatim ni, ni Gosann Aamɔɔl chee.

Nehemia 9:30

Le ŋibin mɔmɔk aa ji suklaa bi pu ki sak bi, ki cha Saafuur Nyaan gbiini saabɔnabtiib ke bi sak bi, le bi yii ki kpaa bitafal, kina pu le aa cha baadim nyaŋ bi.

Aisaya 10:11

M bii Samaria ni baawaa mɔmɔk doo a, le ki ga ŋa Jerusalem ni waawaa mu kina.”

Aisaya 10:5

Uwumbɔr len ke, “Asiria, maaŋuul yaa ti fii unii u pu na, m joo sin Asiria le gbaa u ke baah joo lichakukul jaa kijaak pu na.

Aisaya 36:2

Baah nyaŋ mu kina na, le u tun waatɔb aajab aaninkpel ke u nya Lakis, ki di bijab bi wiir na buen Jerusalem aatiŋ ni, ki ti bui ubɔrkpaan Hesekia ke u kii tii ke uma Senakerib nyaŋ u a. Bijab aaninkpel ngbaan nan gaa nsan mu bikpaluub tun baatuln na, nin chee nnyunsan mu joo nnyun nyan ni kibɔɔk ki bi paacham na ni na.

Aisaya 37:12

N‑yaajatiib le nan kuln Gosann, ni Harann, ni Resef aatisakpem, le ki ku Bef Edenn aanib bi nan bi Telasar na, le bi mɔmɔk aawaa aa nan ŋman ki gaa bi lii.

Aisaya 7:8

ba pu? Siria aapɔɔn aa fuu Damaskus ki ye Siria aatiyil na aapɔɔn, le Damaskus mu aa pɔɔ ki jer ubɔrkpaan Resinn. Israel aatiŋ ma kan, joo cha ŋibin imonko itaa ni ŋiŋmu na ki mɔmɔk ga kpar yaa tɔb chee, kaan ki ŋmaa sil ke litimbol libaa na.

Aisaya 8:4

Waahr aan u ti ŋa nlan ki ŋmaa len ke ‘Nna’ ni ‘Nte’ na, Asiria aabɔrkpaan ga gaa Damaskus aawangol ni Samaria yaab aah jenn gaa tiwan ni mɔmɔk na.”

Hosea 9:3

Israel aanib aan ki li bi Uwumbɔr aatiŋ pu, bi ga gir buen Ijipt aatiŋ ni, ki ga ti li ji tijikaar ti bi kɔ na Asiria aatiŋ ni.

Amos 2:6

Uwumbɔr ki len ke, “Israel yaab aah tun titunwanbir n‑yoonn mɔmɔk pu na, kina le ga cha m sil daa bitafal. Bi joo bininyaam le kooh ke bi di teen baapɔln, hali bigiim bi kaan ŋmaa pa ŋinaatak aadaak na, bi kooh bi mu la.

Amos 5:6

Li cha man Uwumbɔr chee ki ti kan limɔfal. Ni yaa kaa ŋa kina kan, u ga dan Israel yaab pu ke kimosakpeŋ aamii na la. Mmii ngbaan ga wu Betel yaab, le ubaa aan ŋmaa junn mu.

Lituln 7:43

Ni nan yoor liwaal li bi yin li ke Molek na aabool, ni liwaal Refann li ye liŋmabil aanaŋ na. Ni nan mɔɔ ŋiwaa ŋimina, ke ni li dooni ŋi. Nima pu na, m ga di nimi buen tinaagbiir ni, kitiŋ ki bi Babiloŋ aatiŋ aapuwɔb na ni.’