2 Bibɔrb 18:10 - Uwumbɔr aagbaŋ

¹⁰ Bi nan bi nima ki ti saa ŋibin ŋitaa, le Samaria aatiŋ nan lir; Hesekia aanaan aabin ŋiloob ni le nan bi na, le ki ye Hosea aabiwawaer ni.

2 Bibɔrb 18:10 ပူးပေါင်းရင်းမြစ်များ

2 Bibɔrb 17:6

nima le nan ye Hosea aanaan aabiwawaer ni, le Siria aatiŋ aabɔrkpaan ti nyaŋ Samaria aatiŋ, le ki chur Israel aanib tinaagbiir buen Asiria aatiŋ ni, le ki ti di bi ponn ni bibaa kaan Hala aatiŋ ni, le ki kaan biken Habor Aamɔɔl chee, Gosann aapepel ni, le ki kaan biken mu Media aatim ni.

Aisaya 10:9

M nyaŋ Kalno ni Kakemis aatim mɔmɔk, ki nyaŋ Hamaf ni Apad aatim mɔmɔk. M nyaŋ Samaria ni Damaskus aatim.

Hosea 13:16

Samaria aatiŋ aanib aah yii maamɔb na, bi ŋeer ntafadaan. Bi ga kpoi butɔb ni, le bidim di baabipɔm yur ku, ki saa gber bipudam aapuu.”

Amos 3:11

Kina pu na, baadim le ga mann goln baatiŋ, ki nyaŋ baajab bi to butɔb na, ki gbaa wii baadichal sakpiin ngbaan.”

Amos 6:7

Kina pu na, nimi le ga puen buen tinaagbiir ni. Le nimi aajim mɔmɔk ga doo.

Maika 6:16

Naah dii Ubɔr Omri aajapɔɔn Ubɔr Ahab aatunwanbir aasan na pu, le kina ga ŋa. Ni beenin joo baakaal la, kina pu le m ga bii doo nimi, le unii mɔk ga lik nimi fam. Binib bi bi dulnyaa wee ni na ga lik seen nimi.”

Maika 7:13

Tɔ, kitiŋ kee tee ga kpaln nteer ŋmeen, binib bi bi ki pu na aatunwanbir pu.

Nkahm 32:41

Le Manase aanibol ni aaja u bi nan yin u ke Jair na, buen ti tak itingbaan ibaa ki nyaŋ bi, le ki yin mu ke, “Jair Aatingbaan.”