2 Bibɔrb 17:9 - Uwumbɔr aagbaŋ

⁹ Israel aanib nan tun ŋitun ŋi Bidindaan Uwumbɔr aa nan gee na la. Bi nan maa tiwaadir baatim mɔmɔk ni, bi nan maa ti ntiwaatiir ni, le ki maa ti ntikpaam mu ni.

2 Bibɔrb 17:9 ပူးပေါင်းရင်းမြစ်များ

2 Bibɔrb 18:8

U nan nyaŋ Filistia yaab le ki loon baatiwaatiir ni ntikpaam mɔmɔk. Gasa aatiŋ ni kaapepel mu nan bi waah nan loon ntim mu na ni.

Job Aagbaŋ 31:27

Ubaa aa kee ŋmann mi aan m nyuŋ ni ki moor ŋŋaal ki pak ni.

Ilahn 78:58

Bi nan cha waaŋuul fii baah dooni ŋiwaa nin chee na pu, ki cha usui fii baawaa ngbaan pu.

Aisaya 29:15

Binib bi joo baalandak bɔrni Uwumbɔr na aamɔfal junn a. Bi bɔrni le ki ŋani baatunwanbir ki dak ke ubaa aan kan bi, ubaa mu aan li nyi baah ŋani pu na.

Esekiel 20:28

M nan di bi fuu ni kitiŋ ki m nan puu ke m ga di tii bi na pu. Baah kan ŋigongon ŋi paa na, ni isusoon na, le bi toor kitork ni mɔmɔk chee tii ŋiwaa. Bi nan cha maaŋuul fii kitork ki bi di see mmii ni na, ni ndaan mu bi nan joo nan tii ŋiwaa ipiin na pu.

Esekiel 8:12

Uwumbɔr nan baa mi ke, “Unibɔn, aa kan Israel yaab aah looni ki tun ŋitun ŋi libɔɔl ni na aa? Bi mɔmɔk bi kidiik ki ponn ni ye ŋiwaa ŋmeen na, le ki dooni ŋi. Baah len pu na le ye ke, ‘Uwumbɔr aa waa timi. Waa ki bi timi aatiŋ pu.’”

Hosea 12:11

Tɔ, ŋiwaa le bi dooni ŋi Gilead aatiŋ ponn ni, le binib bi dooni ŋi na ga kpoi. Bi kɔr inaaja Gilgal aatiŋ ni toor kitork, le ŋiwaabimbin ŋi bi nima chee na ga kpaln ŋitakpakpuk le ikpaakon ni.”

Ikaal 13:6

“Hali ni yaa ye aana aabo, bee aajapɔɔn, bee aabisal, bee aapuu u aa gee sakpen na, bee aajɔ u aa ni u aan ŋmaa yakr tɔb chee na, le yaa loon bui si ke ni li dooni ŋiwaa kan, aa taa kii tii u. Aa ni aayaajatiib aa kee dii ŋiwaa ngbaan.

Ikaal 27:15

“‘Uwumbɔr aamɔpuur bi unii umɔk di litakpal, bee ndɔ, bee tikur naan liwaal ki looni dooni li na pu. Uwumbɔr aa gee ŋiwaa kpala.’ “Le binib ngbaan ga kpaan ki kii ke, ‘Amii.’

Ikaal 29:25

Le naatataa ga li ye ke, ‘Binib ngbaan bii tipuur ti Uwumbɔr u ye biyaajatiib Aawumbɔr na nan puu tii bi, buyoonn u nan nyan ni bi Ijipt ni na la.