2 Bibɔrb 17:7 - Uwumbɔr aagbaŋ

⁷ Israel yaab aah nan tun Bidindaan Uwumbɔr titunwanbir na le nan cha Samaria aatiŋ ber. Uwumbɔr nan gaa bi Ijipt yaab aabɔr aaŋaal ni ki nyan ni bi Ijipt aatiŋ ni na, le bi nan dooni ŋiwaa,

2 Bibɔrb 17:7 ပူးပေါင်းရင်းမြစ်များ

1 Bibɔrb 11:4

le u ni u ti por na, bi cha u gur dooni ŋiwaa. Waa nan kii Udindaan Uwumbɔr aamɔb ke ute David aah nan kii pu na.

1 Bibɔrb 15:3

U nan tun titunwanbir baan ti ute nan tun na, le kaa nan di ubaa tii Udindaan Uwumbɔr kookoo, ke uyaaja David aah nan di tii pu na.

2 Bibɔrb 16:2

U nan ye ŋibin moninko aanii la, le ki nan bi Jerusalem aatiŋ ni ki joo waanib ki ti saa ŋibin kipiik ni ŋiloob. Waa nan dii uyaaja Ubɔr David aah nan dii nsanyaan mu na. Uma nan labr tun Udindaan Uwumbɔr aah kaa gee pu na la,

2 Bibɔrb 17:35

Uwumbɔr nan puu tipuur tii Israel yaab, le ki bui bi ke: “Taa ki dooni ŋiwaa man; ni taa gbaan ŋinimbiin ni, ki taa dii ŋi, ki taa toor kitork tii ŋi.

1 Bibɔrb Aabɔr 5:25

Tɔ, binib ngbaan nan yii Uwumbɔr u biyaajatiib nan dii na, le ki dii ŋitimbol ŋi aanib Uwumbɔr jenn nyan bi baatiŋ pu na aawaa.

2 Bibɔrb Aabɔr 36:5

Jehoyakim nan ye ŋibin moninko ni ŋiŋmu aanii le ki jin Juda aanaan, le ki koo Jerusalem ni, ki joo kitiŋ ki ti saa ŋibin kipiik ni libaa. U nan tun Udindaan Uwumbɔr titunwanbir.

Nehemia 9:26

Le saanib nan yii saamɔb, kaa kii tii si; bi nan fenn bipuwɔb tii saakaal, ki nan ku saabɔnabtiib bi nan sak bi ki bui bi ke bi gir ni aa chee na. N‑yoonn n‑yoonn bi nan seei si;

Ilahn 78:12

Biyaajatiib nan si lik, le Uwumbɔr tun iwaan aatun Soann aapaan mu bi Ijipt aatiŋ ni na.

Nnyam 20:2

“Min le ye Nidindaan Uwumbɔr u nyan ni nimi Ijipt aatiŋ ni, nin chee ni nan ye binaagbiib na.

Aisaya 57:5

Ni doo bipiib chee tiwaachur ni, ke ni dooni ŋiwaa ŋi kpa mmaal na la. Ni joo nimi aabim ti toor kitork titakpalunn ni, ikpen aafataŋ ni.

Jeremia 10:5

Kina aawaa bi ke baah naan tiwan siin kisaak ni ke tiwakorkaan taa dan nan bii tijikaar pu na la. Ŋaa ŋmaa len tibɔr, kaa ŋmaa chuun, see unii le ga yoor ŋi buen waah gee nin chee na. Taa san ŋi ijawaan man, ŋaan ŋmaa ŋa nimi nibaa, kaan ŋmaa tii nimi tinyoor tibaa.”

Esekiel 39:24

M nan tii bi baajɔŋ ni mbiin aah ŋeer pu na, le ki fenn mpuwɔb tii bi.”

Hosea 12:14

Israel aanib cha Uwumbɔr aaŋuul fii ni ti nyaŋ, baatunwanbir ŋeer nkun la. Uwumbɔr ga daa bitafal titunwanbir ti bi di tii u na pu.

Hosea 4:12

Lidɔgeln chee le bi chaa ti baa tibɔkpiirkaan. Ndɔ le tuk bi baah ban ke bi li nyi tiwan ni na. Bi di mi Uwumbɔr di mee. Bi di bibaa tii ŋiwaa ke upii u di ubaa ŋa udagoor na la.

Hosea 4:13

Ŋijoo paab le bi toor ŋiwaa, le ki seer nnyɔknii isui sakpiin i aabon taln buen dandar na taab, ŋigongon pu, isui aaboon aah mɔ ni chee na, kina pu le nibisatiib joo bibaa kooh, le nibipuutiib mu kpaln bidagoob.

Ikaal 31:29

M bee ke m yaa kpo kan, binib ngbaan ga tun titunwanbir, ki yii maah mɔk bi ikaal i na. Le bi yaa ŋa kina kan, n‑yoonn mbaa choo, bi ga nan kan tibɔbir, ba pu? baah ga tun titunwanbir ti na le ga cha Uwumbɔr aaŋuul fii bi pu.”

Josua 23:16

Ni yaa kaa joo nkaal mu Nidindaan Uwumbɔr bui nimi ke ni li joo mu na, ki yaa dooni ŋiwaa kan, waaŋuul ga fii, le u ga daa nitafal, naan yunn le ni mɔmɔk ubaa kina aan ki gur kitinyaan ki u di tii nimi na ponn ni.”

Bibɔjirb 6:10

M nan bui nimi ke min le ye Nidindaan Uwumbɔr, kina pu na, naah koo Amor yaab aatiŋ ni pu na, ni taa dooni baawaa. Le ni yii, kaa ŋun tii mi.”