2 Bibɔrb 17:6 - Uwumbɔr aagbaŋ

⁶ nima le nan ye Hosea aanaan aabiwawaer ni, le Siria aatiŋ aabɔrkpaan ti nyaŋ Samaria aatiŋ, le ki chur Israel aanib tinaagbiir buen Asiria aatiŋ ni, le ki ti di bi ponn ni bibaa kaan Hala aatiŋ ni, le ki kaan biken Habor Aamɔɔl chee, Gosann aapepel ni, le ki kaan biken mu Media aatim ni.

2 Bibɔrb 17:6 ပူးပေါင်းရင်းမြစ်များ

Mpiin 10:2

Jafef aajapɔtiib le nan ye Gomer, ni Magog, ni Madai, ni Jafann, ni Tubal, ni Mesek, ni Tiras. Binib bee aamaal nan di biyaajatiib aayimbil, le ki di yin baanibol aayimbil.

1 Bibɔrb 8:46

“Aa nyi ke unii ubaa aa bi kaa tun titunwanbir, kina pu na, saanib yaa tun si titunwanbir, le saaŋuul ponn ni aa cha baadim nyaŋ bi, ki chuu bi tinaagbiir, ki di bi buen kitiyayaŋ ni, hali kitiŋ ngbaan ni yaa daa kan,

2 Bibɔrb 15:29

Peka aah nan ye Israel yaab aabɔr buyoonn na, le Asiria aatiŋ aabɔrkpaan Tiglaf Pileser nyaŋ Ijonn, ni Abel Bef Maaka, ni Janoa, ni Kedes, ni Hasor aatim, ni Gilead, ni Galilee, ni Naftali aapepel, le ki chur binib tinaagbiir buen Asiria aatiŋ ni.

2 Bibɔrb 17:23

le Uwumbɔr ti baan nyan bi ubaa chee, ke waatutum bibɔnabr aah sak bi ke u ga ŋa pu na. Kina pu le Asiria aajab nan chur Israel aanib tinaagbiir buen Asiria aatiŋ ki pu bi beenin bi na.

2 Bibɔrb 18:34

Ŋiwaa ngbaan bi la chee dandana? Hamaf ni Aapad aawaa bi la? Sefafaim, ni Hena, ni Ifa aawaa bi la chee? Ubaa ŋmaa gaa Samaria yaab lii ii?

2 Bibɔrb 19:12

N‑yaajatiib le nan kuln Gosann, ni Harann, ni Resef aatim, le ki ku Bef Edenn aanib bi nan bi Telasar aatiŋ ni na, le bi mɔmɔk aawaa aa nan ŋman ki gaa bi lii.

2 Bibɔrb 21:13

M ga daa Jerusalem yaab aatafal ke maah nan ŋa Samaria aatiŋ, ni Israel yaab aabɔr Ahab ni uyaabitiib pu na. M ga ŋar Jerusalem aatiŋ aanib ŋŋaan chain ke baah ŋir lisambil chain chain ki labr li chiŋni pu na.

1 Bibɔrb Aabɔr 5:22

Butɔb ngbaan aah nan ye Uwumbɔr aageehn na, bi nan ku baadim pam. Bi nan gur koo lipepel ngbaan ni le ki ti saa buyoonn baadim nan nyaŋ bi, ki di bi buen kitiyayan ni.

1 Bibɔrb Aabɔr 5:26

Kina pu le Uwumbɔr nan cha Asiria yaab aabɔrkpaan Pul (u bi nan ki yin u ke Tiglaf Pileser na) bɔ baatingbaln ni. U nan chur Rubenn, ni Gad, ni Manase yaab bi bi liwipuul wɔb na tinaagbiir ki di bi ti kaan Hala, ni Habor, ni Hara aatim ni, ni Gosann Aamɔɔl chee.

Esra 6:2

le bi nan ti kan ki Ekbatana aatiŋ ki bi Media aapepel ni na, le ki ŋmee kina:

Nehemia 9:32

Uwumbɔr, timi Aawumbɔr, saapɔɔn wiir sakpen; Unii mɔk san si ijawaan, le saapɔɔn ti nyaŋ. Aa joo saah nan puu tipuur ti na mbamɔm. Ki nyan buyoonn Asiria aatiŋ aabɔrb nan muk timi na, hali ki nan saa din, taah jin falaa u na nyaŋ a. Timi aabɔrb, ni timi aayidam, ni timi aatotoorb, ni saabɔnabtiib, ni tiyaajatiib, ni timi aanib mɔmɔk jin falaa la. Teer taah jin falaa sakpen pu na.

Aisaya 10:9

M nyaŋ Kalno ni Kakemis aatim mɔmɔk, ki nyaŋ Hamaf ni Apad aatim mɔmɔk. M nyaŋ Samaria ni Damaskus aatim.

Aisaya 13:17

Uwumbɔr ki len ke, “M bi saar Media yaab ke bi ti tak Babiloŋ yaab la. Bitafal aan li bi tikunabr ni, le salmaa mu aan li mɔ bi.

Aisaya 17:4

Uwumbɔr ki len ke, “Nwiin mubaa choo, le Israel aapɔɔn ga doo, le kaawangol ga kpaln igiin.

Aisaya 21:2

M kan libiil aabɔr tibɔkpiirkaan ni, libiil ni ŋŋmannim aabɔr. Elam aajab, ti tak bi man. Media aajab, buen ti gob man ntim ngbaan. Uwumbɔr ga kuln Babiloŋ yaab aah tii nimi falaa u na.

Aisaya 36:17

ki ti saa n‑yoonn mu Asiria aabɔrkpaan ga ki gir kaan nimi litingbaln li bi ke nimi yaan na, nin chee ndaan aasui aasar bi, ni ga kan ndaan nyu na, ni nin chee ŋikalmaan bi, ni ga kan tijikaar ji na.

Aisaya 36:19

Ŋi bi la chee dandana? Hamaf ni Apad yaab aawaa bi la? Sefafaim yaab aawaa bi la? Ubaa ŋmaa gaa Samaria yaab lii ii?

Aisaya 37:18

Uwumbɔr, ti mɔmɔk nyi ke Asiria aabɔrkpaan kuln ŋitimbol pam, ki bii baatim,

Aisaya 8:4

Waahr aan u ti ŋa nlan ki ŋmaa len ke ‘Nna’ ni ‘Nte’ na, Asiria aabɔrkpaan ga gaa Damaskus aawangol ni Samaria yaab aah jenn gaa tiwan ni mɔmɔk na.”

Jeremia 50:17

Uwumbɔr ki len ke, “Israel aanib bi ke ipiih i ichinn jenn yaa i na la. Njan na, Asiria aabɔrkpaan le nan puen tak bi, le Babiloŋ Aabɔr Nebukadnesar nan nyir baakpab.

Daniel 5:28

n‑yakr, u chuu yakr saanaan ki di tii Media ni Pesia yaab.”

Hosea 1:4

le Uwumbɔr bui Hosea ke, “Yin u ke ‘Jesreel,’ ba pu? naan yunn le m ga daa Israel aabɔr aatafal, uyaaja Jehu aah nan ku binib bi bi Jesreel ni na pu. M ban m kuln Jehu aanaan aadichal la.

Hosea 1:6

Gomer nan ki ma ubo uken, n‑yoonn mumina ma kan, u nan ye upiibo la. Le Uwumbɔr bui Hosea ke, “Yin u ke ‘Maaneen,’ ba pu? maan ki li neen Israel aanib, kaan ki di cha pinn bi.

Hosea 1:9

Uwumbɔr nan bui Hosea ke, “Yin u ke ‘Baa‑ye‑maanib,’ ba pu? Israel aanib aan ki li ye maanib, le m mu aan ki li ye Baawumbɔr.”

Hosea 13:16

Samaria aatiŋ aanib aah yii maamɔb na, bi ŋeer ntafadaan. Bi ga kpoi butɔb ni, le bidim di baabipɔm yur ku, ki saa gber bipudam aapuu.”

Hosea 8:8

Israel gur bi ke ŋitimbol ŋiken aah bi pu na la, kaa bi tibaa ni ke libuul li wii na,

Hosea 9:3

Israel aanib aan ki li bi Uwumbɔr aatiŋ pu, bi ga gir buen Ijipt aatiŋ ni, ki ga ti li ji tijikaar ti bi kɔ na Asiria aatiŋ ni.

Liifai Yaab 26:38

Ni ga kpoi tinaagbiir ni la, le nimi aadim aatim ga ji nimi.

Amos 5:27

le m ga di nimi buen tinaagbiir ni, kitiŋ ki bi Damaskus aatiŋ aapuwɔb na ni,” Tidindaan u aayimbil ye Uwumbɔr Mpɔɔnsakpiindaan na le len kina.

Amos 7:17

Kina pu na, Uwumbɔr le len sin Amasia chee na, ‘Aapuu ga kpaln upiidagoor le kitiŋ kimina ponn ni, le bi ga ku saabim mu butɔb ni. Bi ga yakr saatiŋ tii biniyayam, le sin aabaa ga ti kpo kitiyayaŋ ni la. Le bidim ga sil chuu Israel yaab ki di bi buen kitiyayaŋ ni.’”

Ikaal 28:36

“Uwumbɔr ga cha bi di nimi, ni nimi aabɔr buen biwɔwɔm aatim ni, nin chee niyaajatiib, ni nimi nibaa aa kee buen na. Nima chee le ni ga ti li dooni idɔ ni ŋitakpal aawaa.

Ikaal 28:64

“Uwumbɔr ga cha ni yaa buen ŋinibol ŋiken mɔmɔk ponn ni, ki di ti nya dulnyaa aapepel libaa ki ti ker liken, nima chee le ni ga doon ŋitakpal ni idɔ aawaa ŋi nimi ni niyaajatiib aa nan nyi dooni ŋi na.

Ikaal 30:18

u ga kuln nimi. Dandana, m si do le ki bi tuk nimi tibɔr ngbaan. Ni yaa yii waakaal kan, naan yunn Jɔɔdann Aamɔɔdapuul aatiŋ ki ni ban ni puur ki ti gaa ki na ni.