2 Bibɔrb 17:31 - Uwumbɔr aagbaŋ

³¹ le Ifa aanib naan Nibhas, ni Taatak aawaa; le Sefafaim aanib kɔr baabim ki seer mmii ni tii baawaa Adramelek, ni Anamelek.

2 Bibɔrb 17:31 ပူးပေါင်းရင်းမြစ်များ

2 Bibɔrb 17:17

Bi nan kɔr bijapɔtiib ni bibisatiib ki joo seer mmii ni tii ŋiwaa; bi nan buu tibɔɔr bibɔɔb, ni bipɔnijoob chee, le ki di bibaa tii tiwan ni kaa ŋan Uwumbɔr chee na pel pel, le ki fiin waaŋuul.

2 Bibɔrb 17:24

Asiria aatiŋ aabɔrkpaan nan nyan binib Babiloŋ, ni Kuf, ni Ifa, ni Hamaf, ni Sefafaim aatim ni, le ki di bi kaan Samaria aatim ni, waah nan chur Israel aanib bi tinaagbiir nima chee na pu. Bi nan gaa ntim ngbaan le ki koo nima.

2 Bibɔrb 19:37

Nwiin mubaa daal le u nan bi dooni liwaal Nisrok, laawaadiik ni, le ujapɔtiib bilee, Adramelek, ni Sareser, buen ti di baajaak aajum ku u, le ki san ŋmar buen Ararat aatiŋ pu. Le ujapɔɔn uken, u bi yin u ke Esaradonn na, nab waanaan pu.

Esra 4:9

“Kigbaŋ kee nyan ni Rehum, u ye uyidaan na, ni waagbaŋmeer Simsai, ni biŋeen aatɔtiib, bi ye bibɔjirb, ni bininkpiib biken, bi ye Elam aapepel aatim Erek, ni Babiloŋ, ni Susa ni yaab na,

Jeremia 2:28

“Naah naan ŋiwaa ŋi tii nibaa na bi la chee? Ŋi yaa ga ŋman kan, ni cha ŋi nyan nimi tibɔr ni buyoonn ni bi ti ni na. Juda aanib, naah kpa ntim sakpen pu na, kina le ni kpa ŋiwaa mu.

Liifai Yaab 18:21

Taa di nimi aabim tii ke bi di toor kitork tii liwaal Molek, ba pu? ni ga joo ni inimɔɔn Nidindaan Uwumbɔr aayimbil pu.

Ikaal 12:28

Ni li joo ikaal imɔk m di tuk nimi na mbamɔm, le tiwan mɔmɔk ga li ŋan tii nimi, ni niyaabitiib, ki joo cha n‑yoonn mu kaa kpa ndoon na, ba pu? ni yaa ŋani tiwan ni ŋan na kan, Nidindaan Uwumbɔr ga li kpa mpopiin ni pu.

Ikaal 12:31

Ni taa li dooni Nidindaan Uwumbɔr ke baah dooni baawaa pu na, ba pu? bi dooni baawaa ki ŋani tiwan ni kaa ŋan na aabɔŋ, le Uwumbɔr nan kina aabimbin. Hali bi joo baabim le kɔr toor kitork ki seer mmii ni, ŋibimbin paab tii ŋiwaa.