2 Bibɔrb 17:3 - Uwumbɔr aagbaŋ

³ Asiria aatiŋ aabɔrkpaan Salmaneser nan faa u butɔb; le Hosea nan di ubaa tii u ke u nyaŋ u le ki pa tipar tii u libiln mɔmɔk.

2 Bibɔrb 17:3 ပူးပေါင်းရင်းမြစ်များ

2 Samuel 8:2

Le u ki nyaŋ Moab yaab mu. U nan cha waah chur bi tinaagbiir na doon kitiŋ, le u ti nyan binib bitaa ponn ni bilee ki ku bi. Kina pu le Moab yaab gur tun tii u, ki pa lampoo tii u.

2 Samuel 8:6

le ki kaan kaan bijab baatim ni, le bi kpaln waatutum ki pa lampoo tii u. Uwumbɔr nan tii David linyaŋ, ni kookoo.

2 Bibɔrb 15:19

Asiria aatiŋ aabɔrkpaan Tiglaf Pileser nan koo ni Israel aatiŋ ni, le Menahem tii u tikunabr ti aanyunyuun ga pii njikaabim kuruwaa ŋichur piitaa ni ŋinaa aanyunyuun na ke u ter u ki tii u mpɔɔn Israel aatiŋ pu.

2 Bibɔrb 15:20

Menahem nan chur Israel yaab bi kpa ŋimombil na mpɔɔn, le ki cha uwankpadaan mɔk too tikunabr aamombil piiŋmu piiŋmu. Le Tiglaf Pileser nan gir kun waatiŋ pu.

2 Bibɔrb 15:29

Peka aah nan ye Israel yaab aabɔr buyoonn na, le Asiria aatiŋ aabɔrkpaan Tiglaf Pileser nyaŋ Ijonn, ni Abel Bef Maaka, ni Janoa, ni Kedes, ni Hasor aatim, ni Gilead, ni Galilee, ni Naftali aapepel, le ki chur binib tinaagbiir buen Asiria aatiŋ ni.

2 Bibɔrb 17:2

U nan tun Uwumbɔr titunwanbir, u mu aa nan tee pii Israel yaab aabɔrb bi nan puen u kal lijal ngbaan pu na.

2 Bibɔrb 17:4

Tɔ, libiln libaa ni, le Hosea nan tun Ijipt yaab aabɔr So chee, ke u nan ter u, le kaa ki pa libiln libiln aapar tii Asiria aatiŋ aabɔrkpaan. Salmaneser aah ŋun kina na, le u cha bi chuu Hosea ti laŋ kiyondiik ni.

2 Bibɔrb 18:31

Taa pel Hesekia aah len pu na man. Asiria aatiŋ aabɔrkpaan bui ke ni nyan ni kitiŋ ngbaan ni, aan ki kii ke u nyaŋ nimi. U ga cha ni mɔmɔk moo ŋisubil nimi aasar ni, ki ŋmɔ nimi aakakan, ki nyu nimi aanyunbun ni aanyun,

2 Bibɔrb 18:7

Kina pu na, Uwumbɔr nan bi u chee, le u nan nyaŋni tiwan ni mɔmɔk u nan ŋa na ni. U nan nyan Asiria aatiŋ aabɔrkpaan aapuwɔb, ki yii kaa di ubaa tii u.

Nehemia 9:32

Uwumbɔr, timi Aawumbɔr, saapɔɔn wiir sakpen; Unii mɔk san si ijawaan, le saapɔɔn ti nyaŋ. Aa joo saah nan puu tipuur ti na mbamɔm. Ki nyan buyoonn Asiria aatiŋ aabɔrb nan muk timi na, hali ki nan saa din, taah jin falaa u na nyaŋ a. Timi aabɔrb, ni timi aayidam, ni timi aatotoorb, ni saabɔnabtiib, ni tiyaajatiib, ni timi aanib mɔmɔk jin falaa la. Teer taah jin falaa sakpen pu na.

Aisaya 17:4

Uwumbɔr ki len ke, “Nwiin mubaa choo, le Israel aapɔɔn ga doo, le kaawangol ga kpaln igiin.

Aisaya 8:8

Bi ga ŋar Juda ŋŋaan ki biin tiwan mɔmɔk pu ke nwam na.” Tɔ, Uwumbɔr bi ti chee. U ga taln uŋaal ki biin kitiŋ ngbaan pu.

Esekiel 23:5

Ohola nan ye mpuu, le ki mu beenin ye udagoor, ki neen ubɔtiib bi nyan ni Asiria aatiŋ ni na.

Hosea 10:14

le butɔb ga lir nimi aanib pu, le nimi aatim mu kpa tijawan ki pɔɔ na mɔmɔk ga kuln. Ni ga li bi ke ubɔr Salmann aah nan kuln Bef Arbel aatiŋ butɔb ni, ki ku natiib ni baabim pu na la.

Hosea 10:4

Bi len tibɔr ti kaa gbii na, ki puur tipuur kaa gbiini ti, ki ŋani inyamɔn aamɔbaan. Ibamɔn le kpaln inyamɔn, le ki moo kpae ke timoor ti kaa ŋan ki bi baah kon nkpaakon mu na ponn ni pu na.

Hosea 8:10

Le m ga kuun bi ki daa bitafal. Naan yunn le Asiria aabɔrkpaan ga di limukl pii bi, le bi ga lir ki biln kitiŋ iween pu.

Liifai Yaab 26:25

M ni nimi aah nan puu tipuur tii tɔb na, le ni nan bii tipuur ngbaan, nima pu na le m ga cha nimi aadim to nimi butɔb, le ni yaa kuun buen ntim mu ponn ni ke ni koo ki ŋmar na kan, m ga cha iween i kaan sɔŋ na dan ni pu, le kina pu na, ni ga di nibaa tii nimi aadim.