2 Bibɔrb 17:20 - Uwumbɔr aagbaŋ

²⁰ Le Uwumbɔr nan yii Israel aanib mɔmɔk, ki daa bitafal ki di bi tii baadim bi kpa mbiin sakpen na, le ki ti baan nyan bi ubaa chee.

2 Bibɔrb 17:20 ပူးပေါင်းရင်းမြစ်များ

2 Bibɔrb 13:23

le Uwumbɔr nan kpa tibulchinn ki san bi kinimbaak. Waa nan kii ke bi kuln bi, le ki ter bi waah nan puu tipuur ti tii Abraham, ni Aisak, ni Jakob na pu. Waa kee suln waanib bɔr daalbaadaal.

2 Bibɔrb 13:3

Kina pu le Uwumbɔr aaŋuul nan fii Israel aanib pu, le u cha Siria aatiŋ aabɔr Hasael ni ujapɔɔn Ben‑Hadad nan nyaŋni Israel yaab n‑yoonn mu mɔk bi di biyil kpaa tɔb na.

2 Bibɔrb 13:7

Jehoahas aa nan ki kpa bijab bi kpa tijawan na; bitandam piiŋmu, ni tɔroku tiib kipiik, ni bitaabɔndam ŋichur kipiik baanja le nan gur. Siria aatiŋ aabɔr nan taa taa bi gur na ŋmal titan ni ke kitangbaak na ki kuln bi.

2 Bibɔrb 15:29

Peka aah nan ye Israel yaab aabɔr buyoonn na, le Asiria aatiŋ aabɔrkpaan Tiglaf Pileser nyaŋ Ijonn, ni Abel Bef Maaka, ni Janoa, ni Kedes, ni Hasor aatim, ni Gilead, ni Galilee, ni Naftali aapepel, le ki chur binib tinaagbiir buen Asiria aatiŋ ni.

2 Bibɔrb 17:15

Bi nan yii kaa kii waamɔkm, baa nan joo tipuur ti u nan puu tii biyaajatiib na, le kaa di waah nan sak bi pu na yin nibaa. Bi nan dooni waafam tiib, le ki mu ŋa fam bibaa, le ki nan dii ŋitimbol ŋi mann goln bi na aakaal ki yiil Uwumbɔr aah bui ke bi taa li ŋani ŋitimbol ngbaan aah ŋani pu na.

2 Bibɔrb 17:18

Uwumbɔr aaŋuul nan fii Israel yaab pu, le u nyan bi ubaa chee, ki di cha Juda aanaan baanja.

2 Bibɔrb 18:9

Hesekia aanaan aabinanar ni, Israel yaab aabɔr Hosea aanaan aabilolole ni le bi na, le Asiria aatiŋ Aabɔrkpaan Salmaneser nan ti tak Israel aatiŋ, le ki gob Samaria aatiŋ.

2 Bibɔrb 21:14

M ga siir cha binib bi ŋmar na, le ki ga di bi tii baadim, le bi ga nyaŋ bi ki faar baatiŋ aawan mɔmɔk.

2 Bibɔrb 23:27

Uwumbɔr nan bui ke, “Maah ŋa Israel aatiŋ pu na, kina le m ga ŋa Juda aatiŋ: m ga jenn nyan Juda aanib nnimbiin ni, le ki ga yii Jerusalem aatiŋ ki m lee ki na, ni Uwumbɔr Aadichal li ponn ni m bui ke bi li dooni mi na.”

2 Bibɔrb 24:3

Uwumbɔr le nan cha ni ŋa. U nan ŋa kina ke u jenn Juda aanib unimbiin ni, Ubɔr Manase aatunwanbir pu,

Ilahn 51:13

le m ga mɔk titunwanbirdam saakaal aan bi fenn gir ni aa chee.

Ilahn 53:5

Tɔ, ijawaan mu tee ga chuu bi, ke yaah kaa kee chuu bi pu na; ba pu? Uwumbɔr ga di waanib aadim aakpab yaa. Uwumbɔr yii bi, kina pu le Israel yaab ga nyaŋ bi kookoo.

Ilahn 80:13

ipɔɔgbeer le ga taa taa ŋaasubil pu, le ipeel ga li joo ŋi ŋmɔ.

Aisaya 2:6

Uwumbɔr, aa yii saanib, Jakob aayaabitiib. Ki nya liwipuul wɔb ki ti saa Filistia aatiŋ ni mɔmɔk ye nin chee inyɔk aatuln gbii na la, le Israel aanib mu dii biwɔwɔm ngbaan aakaal.

Aisaya 45:25

Min Uwumbɔr ga gaa Israel aayaabitiib mɔmɔk lii, le bi ga tii mi kipak.

Jeremia 15:1

Le Uwumbɔr bui mi ke, “Hali Moses ni Samuel le yaa ba si do ki gaŋni mi kan, maa ba ga san binib bee kinimbaak. Cha bi li cha; taa cha nnimbil ki kan bi.

Jeremia 46:28

M ga dan ki nan gaa nimi lii. M ga kuln ŋitimbol ŋi mɔmɔk m cha ni yaa ki bi ŋi ponn ni na, le kaa kuln nimi ma. M ga daa nitafal; tɔ, m yaa daa nitafal kan, m ga daa ki ŋeer la. Min Uwumbɔr le len kina.”

Jeremia 52:3

Uwumbɔr aaŋuul nan fii Jerusalem ni Juda aanib pu, le u kuln bi pel pel. Sedekia nan nyan Babiloŋ Aabɔr Nebukadnesar aapuwɔb,

Jeremia 6:30

Min, Uwumbɔr aah yii maanib na, le bi ga li gur yin bi ke tigbengbir ti kaa kpa tinyoor na.”

Jeremia 7:15

M ga jenn nyan nimi nnimbiin ni, ke maah nan jenn nido yaab, Israel aanib pu na. Min Uwumbɔr le len kina.”

Hosea 1:6

Gomer nan ki ma ubo uken, n‑yoonn mumina ma kan, u nan ye upiibo la. Le Uwumbɔr bui Hosea ke, “Yin u ke ‘Maaneen,’ ba pu? maan ki li neen Israel aanib, kaan ki di cha pinn bi.

Hosea 12:3

Biyaaja Jakob ni ujaantɔ Esɔ nan mɔn, bi mɔmɔk bilee aah nan laa bi bina aaponn ni pu na; le Jakob aah nan chikr na, le u ni Uwumbɔr mɔn,

Jona 1:10

Jona nan ki tuk bi ke u bi san bɔrni Uwumbɔr la. Ijawaan nan chuu biŋɔŋaab ngbaan, le bi bui u ke, “Saah ŋa pu na aa ŋan kpala.”

Jona 1:3

Le Jona nan tee fii ki di toŋ nibaa wɔb ke u bɔr Uwumbɔr. U nan di buen Jopa aatiŋ ni la, nima chee le u ti kan buŋɔb bu cha Speenn aatiŋ ni na. U nan pan le ki koo bu ponn ni, biŋɔŋaab chee, ke bi buen Speenn aatiŋ ni, nin chee Uwumbɔr aan ki kan u na.

Matiu 25:41

“Le m ga bui binib bi si ŋŋangan wɔb na, ‘Nimi bi Uwumbɔr puun lii ni pu na, nya m chee man, ki ti koo mmii mu kaan junn, aan Uwumbɔr nan tuur siin kinimbɔŋ ni kaawanbir mɔmɔk na.

Ikaal 11:12

Nidindaan Uwumbɔr le joo kitiŋ ngbaan, ki lik ki n‑yoonn mɔmɔk.

Ikaal 32:20

le ki bui ke, ‘Maan ki ter bi kpala, ki lik tiwan ni ga ŋa bi na.’ Bi ye binib bi aasui pɔɔ, kaa ban bi sil mbamɔm na la.

2 Tesalonika 1:9

Tidindaan ga nyan bi unimbiin ni, waapɔɔn ni waawiihn sakpiin chee. U ga daa bitafal, ki cha bi ji falaa n‑yoonn mu kaa kpa ndoon na.

Josua 23:13

ni li nyi ke Nidindaan Uwumbɔr aan jenn nyan ŋinibol ngbaan, naah tur koo bi ponn ni pu na. Bi ga tee li ye ntafadaan le ni pu, ki li ye gaawɔb, ni libuul tii nimi. Le baah ga ŋa nimi falaa u na ga li wu nipuwɔb ke mbambaan na la, ki ga ki li wu ke ikokon le aah saar ninimbil ni na. Le ni ga li bi kina hali ki ti saa buyoonn ni ponn ni ubaa aan ti ki gur kitinyaan kimina ponn ni, kitiŋ ki Nidindaan Uwumbɔr di tii nimi na.

Bibɔjirb 18:30

Dann aanibol aanib ngbaan nan di liwaal ngbaan siin ki dooni li, le ki di Gesom aajapɔɔn Jonatann ŋa baatotoor. Jonatann aayaaja le nan ye Moses. U ni uyaabitiib nan ye bitotoorb kina le ki ti saa n‑yoonn mu bi nan di bi buen tinaagbiir ni na.

Bibɔjirb 2:14

Kina pu le Uwumbɔr aaŋuul nan fii Israel yaab pu sakpen, le u cha bijab gur looni bi ki su baawan. U nan cha bidim bi mɔmɔk mann goln bi ki ti ton na nyaŋ bi, le Israel yaab aa nan ki ŋmaa kiir bibaa.

1 Samuel 15:23

Aa yaa yii waamɔb kan, ni ye titunwanbir ke kisook na la. Kigaak mu bir ke ŋiwaa aadoon na la. Saah yii Uwumbɔr aamɔb pu na, kina le u mu yii si, ke saan ki li ye ubɔr.”

1 Samuel 15:26

Le Samuel bui u ke, “Maan gir dii si buen. Aa yii Uwumbɔr aamɔb, le u mu yii si, ke saan ki li ye Israel yaab aabɔr.”

1 Samuel 16:1

Uwumbɔr nan bui Samuel ke, “Aa ga li wii Sɔɔl pu ni ti yunn kinye? M yii u ke u taa ki li ye Israel yaab aabɔr. Tɔ, ban olif aakpan ki buen Betlehem ni, uja u bi yin u ke Jese na chee; ba pu? m lee ujapɔɔn ubaa ke u li ye ubɔr.”