2 Bibɔrb 17:18 - Uwumbɔr aagbaŋ

¹⁸ Uwumbɔr aaŋuul nan fii Israel yaab pu, le u nyan bi ubaa chee, ki di cha Juda aanaan baanja.

2 Bibɔrb 17:18 ပူးပေါင်းရင်းမြစ်များ

1 Bibɔrb 11:13

Maan gaa u chee nnaan ngbaan mɔmɔk, maatutunn David pu, ni Jerusalem, kitiŋ ki m lee, ke ki li ye mbaa aatiŋ na pu, m ga gur u linibol libaa.”

1 Bibɔrb 11:32

Solomonn ga li joo linibol libaa; ba pu? u ye maatutunn David aabo. Jerusalem mu ye kitiŋ ki m lee ki, ke ki li ye mbaa aatiŋ, Israel aatim mɔmɔk ponn ni.

1 Bibɔrb 11:36

le ki ga tee cha Solomonn aajapɔɔn li joo linibol libaa, aan ki li kpa maatutunn David aayaabil ubaa n‑yoonn mɔmɔk u li joo Jerusalem aatiŋ, kitiŋ ki m lee ki ke bi li dooni mi nima chee na.

1 Bibɔrb 12:20

Israel aanib aah ŋun ke Jeroboam nyan ni Ijipt aatiŋ ni ki gir ni na, le bi yin u buen nkuun ni, ki di u kaan Israel yaab aabɔr. Juda aanibol baanja le nan beenin si David aayaabitiib aachaŋ ni mbamɔm.

1 Bibɔrb 8:46

“Aa nyi ke unii ubaa aa bi kaa tun titunwanbir, kina pu na, saanib yaa tun si titunwanbir, le saaŋuul ponn ni aa cha baadim nyaŋ bi, ki chuu bi tinaagbiir, ki di bi buen kitiyayaŋ ni, hali kitiŋ ngbaan ni yaa daa kan,

2 Bibɔrb 13:23

le Uwumbɔr nan kpa tibulchinn ki san bi kinimbaak. Waa nan kii ke bi kuln bi, le ki ter bi waah nan puu tipuur ti tii Abraham, ni Aisak, ni Jakob na pu. Waa kee suln waanib bɔr daalbaadaal.

2 Bibɔrb 17:6

nima le nan ye Hosea aanaan aabiwawaer ni, le Siria aatiŋ aabɔrkpaan ti nyaŋ Samaria aatiŋ, le ki chur Israel aanib tinaagbiir buen Asiria aatiŋ ni, le ki ti di bi ponn ni bibaa kaan Hala aatiŋ ni, le ki kaan biken Habor Aamɔɔl chee, Gosann aapepel ni, le ki kaan biken mu Media aatim ni.

2 Bibɔrb 21:14

M ga siir cha binib bi ŋmar na, le ki ga di bi tii baadim, le bi ga nyaŋ bi ki faar baatiŋ aawan mɔmɔk.

2 Bibɔrb 23:27

Uwumbɔr nan bui ke, “Maah ŋa Israel aatiŋ pu na, kina le m ga ŋa Juda aatiŋ: m ga jenn nyan Juda aanib nnimbiin ni, le ki ga yii Jerusalem aatiŋ ki m lee ki na, ni Uwumbɔr Aadichal li ponn ni m bui ke bi li dooni mi na.”

2 Bibɔrb 24:3

Uwumbɔr le nan cha ni ŋa. U nan ŋa kina ke u jenn Juda aanib unimbiin ni, Ubɔr Manase aatunwanbir pu,

Ilahn 51:13

le m ga mɔk titunwanbirdam saakaal aan bi fenn gir ni aa chee.

Jeremia 15:1

Le Uwumbɔr bui mi ke, “Hali Moses ni Samuel le yaa ba si do ki gaŋni mi kan, maa ba ga san binib bee kinimbaak. Cha bi li cha; taa cha nnimbil ki kan bi.

Jeremia 52:3

Uwumbɔr aaŋuul nan fii Jerusalem ni Juda aanib pu, le u kuln bi pel pel. Sedekia nan nyan Babiloŋ Aabɔr Nebukadnesar aapuwɔb,

Jeremia 7:15

M ga jenn nyan nimi nnimbiin ni, ke maah nan jenn nido yaab, Israel aanib pu na. Min Uwumbɔr le len kina.”

Hosea 11:12

Uwumbɔr bui ke, “Israel aanib di inyamɔn ni ŋŋmann le gob mi, le Juda aanib beenin yiil min Uwumbɔr u bi chain ki tun maah len pu na aamɔb.

Hosea 12:3

Biyaaja Jakob ni ujaantɔ Esɔ nan mɔn, bi mɔmɔk bilee aah nan laa bi bina aaponn ni pu na; le Jakob aah nan chikr na, le u ni Uwumbɔr mɔn,

Hosea 9:3

Israel aanib aan ki li bi Uwumbɔr aatiŋ pu, bi ga gir buen Ijipt aatiŋ ni, ki ga ti li ji tijikaar ti bi kɔ na Asiria aatiŋ ni.

Ikaal 32:20

le ki bui ke, ‘Maan ki ter bi kpala, ki lik tiwan ni ga ŋa bi na.’ Bi ye binib bi aasui pɔɔ, kaa ban bi sil mbamɔm na la.

Josua 23:13

ni li nyi ke Nidindaan Uwumbɔr aan jenn nyan ŋinibol ngbaan, naah tur koo bi ponn ni pu na. Bi ga tee li ye ntafadaan le ni pu, ki li ye gaawɔb, ni libuul tii nimi. Le baah ga ŋa nimi falaa u na ga li wu nipuwɔb ke mbambaan na la, ki ga ki li wu ke ikokon le aah saar ninimbil ni na. Le ni ga li bi kina hali ki ti saa buyoonn ni ponn ni ubaa aan ti ki gur kitinyaan kimina ponn ni, kitiŋ ki Nidindaan Uwumbɔr di tii nimi na.

Josua 23:15

Waah cha tipuur ngbaan mɔmɔk gbiin na, kina le u ga cha tifaan ngbaan mɔmɔk mu gbiin.

Bibɔjirb 18:30

Dann aanibol aanib ngbaan nan di liwaal ngbaan siin ki dooni li, le ki di Gesom aajapɔɔn Jonatann ŋa baatotoor. Jonatann aayaaja le nan ye Moses. U ni uyaabitiib nan ye bitotoorb kina le ki ti saa n‑yoonn mu bi nan di bi buen tinaagbiir ni na.