2 Bibɔrb 17:16 - Uwumbɔr aagbaŋ

¹⁶ Bi nan bii Bidindaan Uwumbɔr aakaal mɔmɔk, le ki naan tikur aanaajabi ilee ki dooni i; bi nan ki naan liwaapii Asera aanaŋ mu, ki dooni iŋmabi, le ki dii liwaal Baal.

2 Bibɔrb 17:16 ပူးပေါင်းရင်းမြစ်များ

1 Bibɔrb 12:28

Waah moo dakl ti lik na, le u di salmaa ŋa inaajabi ilee, le ki bui waanib ke, “Naah chaa Jerusalem pu ti dooni Uwumbɔr na, ni taa ki buen. Israel aanib, nimi aawaa ŋi nyan ni nimi Ijipt aatiŋ ni na sɔ.”

1 Bibɔrb 14:15

Uwumbɔr ga daa Israel aanib aatafal, le Israel aatiŋ ga deŋ ke kimɔɔmook aah deŋni nkpen ni pu na. U ga ŋɔb Israel yaab kitinyaan ki u nan di tii biyaajatiib na pu, le ki ga cha bi yaa ki puur Yufrates aamɔɔl aapuwɔb, baah naan liwaapii Asera aanaŋ ti ki fiin waaŋuul na pu.

1 Bibɔrb 14:23

Bi nan maa maa nin chee bi dooni ŋiwaa ŋi ye fam na, le ki maa ŋibimbifɔfɔŋ, ni liwaapii Asera aanaŋ ŋigongon paab, ni isui i kpa mboon na taab.

1 Bibɔrb 15:13

Uyaa Maaka aah nan naan timar aawaapii Asera aanaŋ pu na, le u nan nyan u upiibɔr aanaan ni. Asa nan chɔi chɔi liwaal ngbaan ki ti see li mmii Kidronn Aafataŋ ni.

1 Bibɔrb 16:31

Ubɔr Jeroboam aah nan tun titunwanbir pu na nan par u chee, le u nabr paan ki yoor Saidonn Aabɔr Etbaal aabisal Jesebel, le ki nan dooni liwaal Baal.

1 Bibɔrb 16:33

U nan naan liwaapii Asera aanaŋ mu. U nan tun Israel yaab Aadindaan Uwumbɔr titunwanbir, ki jer Israel yaab aabɔrb bi mɔmɔk puen u jin nnaan na, le ki fiin waaŋuul.

1 Bibɔrb 22:53

U nan tun tii liwaal Baal le ki dooni li, ki fiin Israel yaab Aadindaan Uwumbɔr aaŋuul ke ute u nan puen u na aah nan ŋa pu na.

2 Bibɔrb 1:2

Israel yaab aabɔr Ahasia nan si waabɔrdichal aachiln li bi ŋa lidichal ngbaan aapaacham na, le ki ker lir ni, ki kan titotonn pam. Kina pu le u nan tun Filistia yaab aawaal Baal‑Sebub li bi Ekronn aatiŋ ni na chee, ke bi ti baa lik ke u ga ŋmar aan waan ŋmar.

2 Bibɔrb 11:18

Le binib ngbaan buen liwaal Baal aawaadiik ni, ki ti tur ki lii; bi nan gbaa wii laawaabimbin, ni baah maa ŋiwaa ŋi siin ki ponn ni na, le ki ku Matann, u ye liwaal Baal aawaadaan na, laawaabimbin taab. Jehoyada nan kaan bikikiib Uwumbɔr Aadichal taab,

2 Bibɔrb 16:3

le ki dii Israel aatiŋ aabɔrb aasan i kaa ŋan na. U nan kpaan di ujapɔɔn kɔr toor ŋiwaa ki see u mmii ni tii ŋi, le ki tun tijɔŋ aatunwanbir ti binib bi Uwumbɔr nan jenn nyan bi baatiŋ ni buyoonn Israel yaab nan choo na nan tun na.

2 Bibɔrb 17:10

Bi nan siin siin ŋigongon mɔmɔk, ni busub bumɔk kpa mboon na taab ŋiwaabimbin ni liwaapii Asera aanaŋ,

2 Bibɔrb 18:6

U nan tii Uwumbɔr naadii le kaa kee yii umɔb daalbaadaal, le ki nan tee joo ikaal i Uwumbɔr nan di tii ni Moses na mbamɔm.

2 Bibɔrb 21:3

U nan ki gir maa tiwaadir ti ute Hesekia nan ber na. U nan maa ŋiwaa aatork aabimbin ke bi li dooni liwaal Baal nima chee, le ki naan liwaapii Asera aanaŋ, ke Israel yaab aabɔr Ahab aah nan ŋani pu na, ki dooni iŋmabi mu.

Nnyam 32:4

Le u gaa tafajɔn ngbaan le ki donn bi, le ki di kpaar ŋa tiwan ni naahn unaa na ni, le ni kpaln salmaa aanaajabo. Le binib ngbaan bui ke, “Timi Israel yaab aawaal li nyan ni timi Ijipt aatiŋ ni na le na.”

Nnyam 32:8

Maah mɔk bi ke bi li dii mi pu na, bi di lii a, le ki donn salmaa ŋa unaajabo ki dooni u, ki toor kitork tii u, le ki len ke baawaal sɔ, uma le nyan ni bi Ijipt aatiŋ ni.

Aisaya 2:8

Ŋiwaa le gbii baatiŋ ngbaan ni, le bi chuun toor tiwan ni bi di bibaa aaŋaal ŋa na.

Jeremia 19:13

Jerusalem aadichal, ni Juda aabɔrb aadichal, ni ŋidichal ŋi mɔmɔk pu bi nan seer tulalee aayon tii iŋmabi, ni nin chee bi nan joo ndaan kpir tii ŋiwaa na mɔmɔk pu, ga li kpa tijɔŋ ke Tofef na la.”

Jeremia 44:17

Ti ga ŋa tiwan ni mɔmɔk ti bui ke ti ŋa na. Ti ga toor kitork tii timi aawaapii, u ye Paacham Aapiibɔr na, ki ga tii u ndaan aapiin, ke timi, ni tiyaajatiib, ni timi aabɔr, ni timi aasalolm aah nan ŋani pu Juda aatim ni, ni Jerusalem aatiŋ ponn ni pu na. N‑yoonn ngbaan ti nan kpa tijikaar sakpen, ki nan kpa liwangol, kaa kpa tibɔr tibaa.

Jeremia 8:2

Baah ba ga kuun i pu ki sub i na, baakpab ga li dɔ kitiŋ ke tinaabin na la. I ga yaa ki dɔ aan nwiin, ni uŋmal, ni iŋmabi li waa i. Nimina ye tiwan ni binib ngbaan nan gee ki tun lituln tii ni, ki buu ni chee tibɔɔr, ki dooni ni na.

Esekiel 23:8

U nan beenin tun waah nan bee uja Ijipt aatiŋ ni ki piin kidagook aatuln li na. Ki nyan waasapɔnn ni le bijab nan doo u chee ki ŋani u ke udagoor na.

Liifai Yaab 26:1

Uwumbɔr nan bui ke, “Ni taa naan ŋiwaa, bee ni maa ŋitakpal aajaatɔlk tiib, bee ni kpii ŋitakpal aawaa ki doon ŋi. Min le ye Nidindaan Uwumbɔr.

Ikaal 16:21

“Ni yaa ŋa nimi aatork aabimbiln kan, ni taa di idɔ ŋa lipiiwaal Asera ki di siin gbaŋ li,

Ikaal 4:19

Ni taa cha nibaa tɔŋ nimi aan ni li dooni tiwan ni ni waa kitaapaak, ni ye nwiin, ni uŋmal, ni iŋmabi na. Nidindaan Uwumbɔr le di tiwan nimina mɔmɔk tii binib bi mɔmɔk bi dulnyaa wee ni na.