2 Bibɔrb 17:14 - Uwumbɔr aagbaŋ

¹⁴ Le baan kii tii u; bi nan kpa tafalaaŋun ke biyaajatiib bi kaa nan di naadii tii Bidindaan Uwumbɔr na la.

2 Bibɔrb 17:14 ပူးပေါင်းရင်းမြစ်များ

2 Bibɔrb Aabɔr 24:19

Uwumbɔr nan tun bibɔnabr ke bi ti sak bi ki cha bi gir ni u chee, le binib ngbaan yii, kaan ŋun tii u.

2 Bibɔrb Aabɔr 36:13

Sedekia nan nyan Ubɔr Nebukadnesar, u nan cha u puu Uwumbɔr aayimbil pu ke u ga li si uchaŋ ni mbamɔm na aapuwɔb. U nan kpa tafalaaŋun, le ki yii, kaa kpeln waabimbin ki fenn dan Israel yaab Aadindaan Uwumbɔr chee.

Nehemia 9:29

Aa nan sur bi ke bi kii saah mɔk bi pu na, le bi di kigaak ŋmeen ki yii saakaal; le unii aah ga ŋa pu ki li kpa limɔfal na, le ye ke u li joo saakaal ngbaan. Bi nan di n‑yipɔɔn ki yaar biyil gar gar, ki yii kaa kii saamɔb.

Ilahn 106:24

Le bi nan yii mmɔɔn aatiŋ; ba pu? baa nan pak ke Uwumbɔr ga ŋa waah puu tipuur ti na.

Ilahn 78:22

ba pu? baa nan gaa Uwumbɔr ki kii kaa tii naadii ke u ga ŋmaa gaa bi lii.

Ilahn 78:32

Nimina mɔmɔk aapuwɔb, binib ngbaan nan beenin tun titunwanbir; Waajinjiir aatun na mɔmɔk aapuwɔb na baa nan beenin tii u naadii.

Ilahn 78:8

Baan li bi ke biyaajatiib na, kaan li ye binib bi yii Uwumbɔr aamɔb ki nyan upuwɔb na. Baan li ye binib bi kaa gaa Uwumbɔr ki kii mbamɔm, kaan ŋmaa nyii u pu ki sil n‑yoonn mɔmɔk na.

Nnyam 16:28

Le Uwumbɔr bui Moses ke, “Ni ga yunn ki ti saa bayoonn aan nimi maanib ga nin kii tii mi ki joo maakaal?

Nnyam 32:9

M nyi binib ngbaan aasui aah pɔɔ sakpen pu na.

Nnyam 33:3

Ni cha kitiŋ ki kpa nkpan, ni n‑yaan, ki nyuun na ni la. Min mbaa aan dii nimi buen; ba pu? nitafal aah pɔɔ pu na, nibaakan m ga ti kuln nimi nsan ni.”

Ŋiyataŋak 29:1

Buyoonn bi sur si aa yii ki moo ŋani kalmbaani na kan, daalbaadaal aa ga nan lir, kaan ki fii sil.

Aisaya 48:4

M nan nyi ke nitafal ga li pɔɔ ke kikurk na, kaan li kool ke tikumann aakur na.

Jeremia 3:7

M nan dak ke bi yaa ŋa nimina mɔmɔk kan, bi ga ki gir ni m chee. Le bi yii, kaa gir ni, le bina aabitiib Juda yaab bi kaa kpa gaakii na kan ni mɔmɔk.

Jeremia 34:14

M bui bi ke libilolole mɔk ni kan, bi di baanaagbiib bi ye Israel yaab ki tun ŋibin ŋiloob tii bi na lii. Le niyaajatiib aa nan ŋun tii mi, kaa nan pel maah len pu na.

Jeremia 7:26

Le ubaa aa kpa ntafaŋum. Ni labr kpa tafalaaŋun ki tun titunwanbir ki jer niyaajatiib.

Esekiel 12:2

“Unibɔn, aa koo binib bi ye bimɔyiib na ponn ni la. Baah ye bimɔyiib na le bi kpa ŋinimbil, ki mu aa waa nibaa; bi kpa ŋitafal, ki mu aa ŋun tibɔr tibaa.

Esekiel 2:3

“Unibɔn, m tun si Israel aanib chee la. Bi nya mpuwɔb ki nyan sil m pu, ki beenin ye binib bi yiir maamɔb ke biyaajatiib aah nan bi pu na.

Esekiel 3:19

Aa yaa sak utunwanbirdaan, le u yii, kaa kpeln waabimbin kan, u ga kpo ki beenin ye utunwanbirdaan, le aa ma ga ŋmar.

Daniel 5:20

Tɔ, u nan di kigaak, ni inimpool, ni mbiin di ŋa waawangol na, nima le Uwumbɔr nan nyan u waanaan ni, ni kipak ni.

Hosea 11:2

Tɔ, buyoonn m moo yin u na, le u moo san m chee. Maanib toor kitork tii liwaal Baal la, le ki seer nnyɔknii tii ŋiwaa ŋiken.

Lituln 7:51

Tɔ, Stiifen nan ki len ke, “Nitafal pɔɔ, naa dii Uwumbɔr aasan nisui ni, kaa pel waaliin. N‑yoonn mɔmɔk ni ban ni yii Uwumbɔr Aafuur Nyaan, ke niyaajatiib aah nan yii mu pu na.

Ikaal 1:32

Le maah sur nimi ki len pu na, naa ban ke ni kii tii Uwumbɔr.

Ikaal 31:27

M nyi bisui aah pɔɔ aan bi kpa tafalaaŋun pu na. Maah bi limɔfal ponn ni na, m kan baah bir ki yiir Uwumbɔr pu na, le m yaa kpo kan, bi ga ŋa ni bir ki jer kina na.

Ikaal 9:13

“Uwumbɔr nan ki bui mi ke, ‘M nyi binib ngbaan aah kpa tafalaaŋun pu na.

Hiibru Yaab 3:12

Nnaabitiib, ni li nyi man, ni ponn ni ubaa aasui taa li bir aan u li joo beeni ki yii Uwumbɔr u ye limɔfadaan na.