2 Bibɔrb 17:13 - Uwumbɔr aagbaŋ

¹³ Uwumbɔr nan tun ni waatuun, ni waabɔnabr ke bi nan sak Israel ni Juda aanib ke: “Di cha man nimi aatunwanbir aasan, ki kii maakaal i bi ikaal i m nan di tii niyaajatiib na, ni maah di i tii ni maatutum bi ye maabɔnabr na.”

2 Bibɔrb 17:13 ပူးပေါင်းရင်းမြစ်များ

1 Bibɔrb 16:1

Uwumbɔr nan len Hanani aajapɔɔn Jehu, u nan ye waabɔnabr na chee tibɔr, le ki di inaŋ tii u ke u di tuk Baasa ke:

1 Bibɔrb 16:7

Baasa aah nan tun Uwumbɔr titunwanbir ti na pu le Uwumbɔr aabɔnabr Jehu di Uwumbɔr aabɔr ti ga pii u ni waadichal na len. Naa ye waah nan tun titunwanbir ke Jeroboam u nan puen u jin nnaan na aah nan tun pu na pu baanja le nan fiin Uwumbɔr aaŋuul, waah nan ku Jeroboam aadichal mɔmɔk pu na mu nan kpee.

2 Bibɔrb 17:23

le Uwumbɔr ti baan nyan bi ubaa chee, ke waatutum bibɔnabr aah sak bi ke u ga ŋa pu na. Kina pu le Asiria aajab nan chur Israel aanib tinaagbiir buen Asiria aatiŋ ki pu bi beenin bi na.

2 Bibɔrb 18:6

U nan tii Uwumbɔr naadii le kaa kee yii umɔb daalbaadaal, le ki nan tee joo ikaal i Uwumbɔr nan di tii ni Moses na mbamɔm.

2 Bibɔrb 21:10

Uwumbɔr nan cha waatutum bi ye waabɔnabtiib na len ke:

1 Bibɔrb Aabɔr 29:29

Ubɔr David aanaan aah piin ki ti doo pu na aabɔr bi Uwumbɔr aabɔnabr bitaa bimina, Samuel, ni Natann, ni Gad aah nan ŋmee pu na ni.

Job Aagbaŋ 11:14

Nyan titunwanbir, ni taani saachiln ni,

Job Aagbaŋ 36:10

U cha bi ŋun waah sak bi pu na ke ni cha bi yii titunwanbir.

Ilahn 50:7

“Maanib, li pel man, aan m len tibɔr, M ga kpiir sin Israel yaab pu. Min le ye Uwumbɔr, m ye nimi Aawumbɔr la.

Jeremia 11:7

Maah nan nyan ni biyaajatiib Ijipt aatiŋ ni na, m nan sak bi mbamɔm ke bi kii maamɔb, le ki beenin sakr bi ki nan saa din wee.

Jeremia 18:11

Tɔ, bui Juda ni Jerusalem aanib ke m bi kpokl bi pu la, le ki gor ke m daa bitafal. Bui bi ke bi di cha titunwanbir aabimbin, ki kpeln baabimbin, ni tiwan ni bi ŋani na.

Jeremia 25:3

“Ŋibin moninko ni ŋitaa ponn ni, ki nya Amonn aajapɔɔn Josia aah nan ye Juda aabɔr pu na aabin kipiik ni litatar ni ki nan saa din wee na, Uwumbɔr len m chee tibɔr, le m mu aa kee yii kaa di waah len pu na tuk nimi. Le ni yii, kaa pel waah len pu na.

Jeremia 3:7

M nan dak ke bi yaa ŋa nimina mɔmɔk kan, bi ga ki gir ni m chee. Le bi yii, kaa gir ni, le bina aabitiib Juda yaab bi kaa kpa gaakii na kan ni mɔmɔk.

Jeremia 34:14

M bui bi ke libilolole mɔk ni kan, bi di baanaagbiib bi ye Israel yaab ki tun ŋibin ŋiloob tii bi na lii. Le niyaajatiib aa nan ŋun tii mi, kaa nan pel maah len pu na.

Jeremia 35:15

M beenin tun ni maatutum bi ye bibɔnabr na ni chee, le bi tuk nimi ke ni di cha nimi aabimbin mu kaa ŋan na, ki tun ni ŋan na. Bi sak nimi ke ni taa tun tii ŋiwaa, ki taa dooni ŋi, aan ki li beenin bi kitiŋ ki m nan di tii niyaajatiib na pu. Le naan ŋun tii mi, kaa pel m chee kpala.

Jeremia 42:19

Le m ki moo len ke, “Uwumbɔr bui mi ke m tuk nimi bi gur Juda ni na ke ni taa buen Ijipt aatiŋ ni. Kina pu na, m sur nimi dandana wee ke

Esekiel 18:31

Di cha titunwanbir ti mɔmɔk ni tun na man, ki ban isuupɔɔn, ni ilandak pɔɔn tii nibaa. Ba ŋa nimi Israel yaab ban ke ni kpo?

Esekiel 3:19

Aa yaa sak utunwanbirdaan, le u yii, kaa kpeln waabimbin kan, u ga kpo ki beenin ye utunwanbirdaan, le aa ma ga ŋmar.

Daniel 9:10

Tidindaan Uwumbɔr, ti nan yii kaa ŋun tii si, buyoonn aa nan bui timi ke ti li bi saah nan siin ikaal i ki di tii ni saatutum bi ye saabɔnabr na.

Hosea 11:2

Tɔ, buyoonn m moo yin u na, le u moo san m chee. Maanib toor kitork tii liwaal Baal la, le ki seer nnyɔknii tii ŋiwaa ŋiken.

Hosea 12:10

“M nan len bibɔnabr chee tibɔr, le ki kpiir tibɔkpiirkaan pam tuk bi, le ki cha bi sak maanib.

Hosea 12:11

Tɔ, ŋiwaa le bi dooni ŋi Gilead aatiŋ ponn ni, le binib bi dooni ŋi na ga kpoi. Bi kɔr inaaja Gilgal aatiŋ ni toor kitork, le ŋiwaabimbin ŋi bi nima chee na ga kpaln ŋitakpakpuk le ikpaakon ni.”

Hosea 14:1

Nimi Israel aanib, gir ni Nidindaan Uwumbɔr chee. Nimi aatunwanbir le cha ni gbeer ki lir.

Hosea 4:15

“Tɔ, nimi Israel aanib aa kii maamɔb, Juda yaab ma taa ji kina aabɔkpol. Ni taa ki buen Gilgal, bee Bef Afenn ki ti doon mi, ki taa puu tipuur nima chee min Uwumbɔr u bi na aayimbil pu.

Lituln 20:21

M sur Juu yaab ni binib bi kaa ye Juu yaab na mu, ke bi kpeln baabimbin ki dii Uwumbɔr aasan ki gaa Tidindaan Yesu ki kii.

Ikaal 31:21

le tibɔbir pam ga dan bi pu. Bi ga li beenin gaa nlahn mue, aan mu li ye seeraa ki tii bi. Hali dandana wee, waahr aan m nin di bi buen kitiŋ ki ponn ni m nan puu ke m ga di tii bi na, m nyi baah dak pu na.”

Ikaal 4:26

Ni yaa yii maah tuk nimi pu na kan, paacham ni kitiŋ le ye maaseeraadam din wee, ni ga kpo doo kitiŋ ngbaan pu. Le kina aan cha ni li bi ki yunn, naah ban ni puur Jɔɔdann Aamɔɔl ki ti gaa kitiŋ ki na ni. U ga kuln nimi doo.

Ikaal 8:19

Ni taa suln Nidindaan Uwumbɔr bɔr aan ki fenn dii ŋiwaa, ki dooni ŋi, ki tun tii ŋi. Mbamɔn le m tuk nimi din wee na, ni yaa ŋa kina kan, u ga kuln nimi.

Josua 23:16

Ni yaa kaa joo nkaal mu Nidindaan Uwumbɔr bui nimi ke ni li joo mu na, ki yaa dooni ŋiwaa kan, waaŋuul ga fii, le u ga daa nitafal, naan yunn le ni mɔmɔk ubaa kina aan ki gur kitinyaan ki u di tii nimi na ponn ni.”

2 Piita 3:9

Tidindaan aan taan ke u ŋa waah puu tipuur ti na, ke binib bibaa aah dak pu na. U ji limɔr ni pu la, kaa ban ke unii ubaa bii. U ban ke binib mɔmɔk kpeln baabimbin ki ŋmar la.

Bibɔjirb 6:10

M nan bui nimi ke min le ye Nidindaan Uwumbɔr, kina pu na, naah koo Amor yaab aatiŋ ni pu na, ni taa dooni baawaa. Le ni yii, kaa ŋun tii mi.”

Bibɔjirb 6:8

le u di waabɔnabr u nan joo ni inaŋ imina na tii ni bi. Inaŋ ngbaan sɔ: “Min u ye nimi Israel yaab Aadindaan Uwumbɔr na le nan nyan ni nimi tinaagbiir ni, Ijipt aatiŋ ni.

1 Samuel 9:9

Le Sɔɔl kii u ke, “Ti ŋan. Ti li cha.” Le bi siir buen kitiŋ ki ponn ni Uwumbɔr aanii ngbaan koo na. Baah bi joi ligongoln ki cha kitiŋ ngbaan ni na, le bi ton bisapɔm bibaa nsan ni, bi nan cha bi ti lu nnyun. Le bi baa bisapɔm ngbaan ke, “Ukakann na bi kitiŋ ni ii?” N‑yoonn ngbaan bi nan yin Uwumbɔr aabɔnabr ke ukakann la, kina pu na, unii yaa nan ban u baa Uwumbɔr mbaa kan, u ga bui le ki, “Cha ti buen ukakann na chee.”