2 Bibɔrb 17:11 - Uwumbɔr aagbaŋ

¹¹ le ki seer nnyɔknii ŋiwaabimbin mɔmɔk pu, ki dii binib bi Uwumbɔr nan jenn nyan bi kitiŋ ngbaan pu na aasan. Bi nan di baabiin aatun fiin Uwumbɔr aaŋuul,

2 Bibɔrb 17:11 ပူးပေါင်းရင်းမြစ်များ

1 Bibɔrb 13:1

Uwumbɔr nan cha waabɔnabr ubaa, u nan nyan ni Juda aatiŋ ni na, buen Betel aatiŋ ni ki ti fuu muin Jeroboam si kitork aabimbiln taab ki toor kitork.

1 Bibɔrb 14:15

Uwumbɔr ga daa Israel aanib aatafal, le Israel aatiŋ ga deŋ ke kimɔɔmook aah deŋni nkpen ni pu na. U ga ŋɔb Israel yaab kitinyaan ki u nan di tii biyaajatiib na pu, le ki ga cha bi yaa ki puur Yufrates aamɔɔl aapuwɔb, baah naan liwaapii Asera aanaŋ ti ki fiin waaŋuul na pu.

2 Bibɔrb 12:4

Joas nan yin ni bitotoorb le ki nan bui bi ke bi li bilni ŋimombil ŋi ye Uwumbɔr Aadichal ponn ni aapiin na, ŋima le ye n‑yoonn mɔmɔk aatork aapar, ni ŋimombil ŋi binib nan tii ipiin na.

2 Bibɔrb 17:10

Bi nan siin siin ŋigongon mɔmɔk, ni busub bumɔk kpa mboon na taab ŋiwaabimbin ni liwaapii Asera aanaŋ,

2 Bibɔrb 17:12

le ki yii Uwumbɔr aah nan bui bi ke bi taa li dooni ŋiwaa pu na.

2 Bibɔrb 21:6

U nan di ujapɔɔn toor kitork ki di see mmii ni. U nan tun tibɔɔr ni beebee aanyɔk aatuln, ki chaa binib bi bui ke bi nyi fen aabɔr na chee, ki len bitekpiib chee tibɔr. U nan tun Uwumbɔr titunwanbir sakpen, le ki fiin waaŋuul.

2 Bibɔrb Aabɔr 28:25

Juda aatikpaam ni muwaatiir mɔmɔk ni, u nan maa tiwaadir, le bi seer nnyɔknii tii ŋiwaa nima chee. U nan ŋa kina le ki cha uyaajatiib Aadindaan Uwumbɔr aaŋuul fii u pu.

Nnyam 23:24

Ni taa gbaan ki doon baawaa, ki taa gaa baah dii baawaa pu na. Ni gbaa wiil baawaa, ni ŋitakpal ŋi bi dooni na.

Jeremia 44:17

Ti ga ŋa tiwan ni mɔmɔk ti bui ke ti ŋa na. Ti ga toor kitork tii timi aawaapii, u ye Paacham Aapiibɔr na, ki ga tii u ndaan aapiin, ke timi, ni tiyaajatiib, ni timi aabɔr, ni timi aasalolm aah nan ŋani pu Juda aatim ni, ni Jerusalem aatiŋ ponn ni pu na. N‑yoonn ngbaan ti nan kpa tijikaar sakpen, ki nan kpa liwangol, kaa kpa tibɔr tibaa.

Hosea 9:10

Uwumbɔr bui ke, “Maah nan puen kan Israel na, ni nan bi ke unii aah kan ŋisubil nteersakpiin ni kan, ni bi pu na la. Maah nan puen kan niyaajatiib na, ni nan bi ke aa yaa kan ŋikakan ŋi puen puir na kan, ni bi pu na la. Baah nan fuu ni Peor Aajool chee na, le bi piin ki gur dooni liwaal Baal, le ki ŋa fam ke ŋiwaa ŋi bi gee ŋi na.

Ikaal 12:2

Ni kuln naah ban ni gaa kitiŋ ki na aanib ngbaan aah dooni baawaa nin chee na, nima le ye ŋijoofɔfɔk pu, ni ŋigongon pu, ni tiwaachur aasui taab.

Ikaal 18:9

“Ni yaa ti fuu kitiŋ ki Nidindaan Uwumbɔr ban u di ki tii nimi na ni kan, ni taa dii ŋitimbol ŋi ka nima na aasanbir i bi dii na.

Ikaal 32:16

Baah nan dooni ŋiwaa ŋi na le nan cha lipiipoln chuu Uwumbɔr. Baah tun titunwanbir ti na cha liŋuul chuu u.

Ikaal 32:21

Baah dii ŋiwaa ŋi na le cha liŋuul chuu mi. Baawaa ŋi kaa ye nibaa aan bi dii ŋi na le cha lipiipoln chuu mi. Nima pu na, m mu ga cha litimbol li kaa ye nibaa na le ŋa bi liŋuul. M ga cha bi li kpa lipiipoln litimbol li aanib ye bijɔrb na pu.