2 Bibɔrb 17:10 - Uwumbɔr aagbaŋ

¹⁰ Bi nan siin siin ŋigongon mɔmɔk, ni busub bumɔk kpa mboon na taab ŋiwaabimbin ni liwaapii Asera aanaŋ,

2 Bibɔrb 17:10 ပူးပေါင်းရင်းမြစ်များ

1 Bibɔrb 14:23

Bi nan maa maa nin chee bi dooni ŋiwaa ŋi ye fam na, le ki maa ŋibimbifɔfɔŋ, ni liwaapii Asera aanaŋ ŋigongon paab, ni isui i kpa mboon na taab.

2 Bibɔrb 16:4

Ahas nan toor kitork ki seer nnyɔknii tiwaadir ni, ni ŋigongon paab, ni busub bumɔk nan kpa mboon na taab tii ŋiwaa.

2 Bibɔrb 17:11

le ki seer nnyɔknii ŋiwaabimbin mɔmɔk pu, ki dii binib bi Uwumbɔr nan jenn nyan bi kitiŋ ngbaan pu na aasan. Bi nan di baabiin aatun fiin Uwumbɔr aaŋuul,

Nnyam 34:12

Ni taa kpaan binib ngbaan chee ki ŋa kimɔbaan; ba pu? ni yaa ŋa kina kan, ni ga cha ni yenn.

Nnyam 34:13

Ni gbaa wii baawaa aatork aabimbin, ni ŋitakpal ŋi bi dooni na, ki bii baawaapii li bi yin li ke Asera na, ni laawan mɔmɔk.

Aisaya 2:8

Ŋiwaa le gbii baatiŋ ngbaan ni, le bi chuun toor tiwan ni bi di bibaa aaŋaal ŋa na.

Aisaya 57:5

Ni doo bipiib chee tiwaachur ni, ke ni dooni ŋiwaa ŋi kpa mmaal na la. Ni joo nimi aabim ti toor kitork titakpalunn ni, ikpen aafataŋ ni.

Jeremia 3:6

Josia aah nan ye ubɔr buyoonn na, le Uwumbɔr nan bui mi ke, “Aa kan Israel yaab bi bi ke bipiidagoob na aah tun pu na aa? Bi fenn bipuwɔb tii mi, le ki tun lituln ke bidagoob na ligongoln limɔk paa na pu, ni bususoom mɔk taab.

Esekiel 20:28

M nan di bi fuu ni kitiŋ ki m nan puu ke m ga di tii bi na pu. Baah kan ŋigongon ŋi paa na, ni isusoon na, le bi toor kitork ni mɔmɔk chee tii ŋiwaa. Bi nan cha maaŋuul fii kitork ki bi di see mmii ni na, ni ndaan mu bi nan joo nan tii ŋiwaa ipiin na pu.

Liifai Yaab 26:1

Uwumbɔr nan bui ke, “Ni taa naan ŋiwaa, bee ni maa ŋitakpal aajaatɔlk tiib, bee ni kpii ŋitakpal aawaa ki doon ŋi. Min le ye Nidindaan Uwumbɔr.

Maika 5:14

M ga ber liwaapii Asera aanann ti ni maa ti nimi aatiŋ pu na, ki bii nimi aatim.

Ikaal 16:21

“Ni yaa ŋa nimi aatork aabimbiln kan, ni taa di idɔ ŋa lipiiwaal Asera ki di siin gbaŋ li,

Ikaal 16:22

ki taa di ŋitakpal kuun bil ke ŋi li ye ŋiwaa, ba pu? Uwumbɔr aa gee ŋiwaa aabɔr.