2 Bibɔrb 16:7 - Uwumbɔr aagbaŋ

⁷ Ahas nan di inaŋ tun Asiria aatiŋ aabɔrkpaan Tiglaf Pileser chee ke: “M ye saatutunn u kii tii si mbamɔm na la. Dan nan gaa mi Siria yaab aabɔr, ni Israel yaab aabɔr bi bi tak mi na chee lii.”

2 Bibɔrb 16:7 ပူးပေါင်းရင်းမြစ်များ

1 Bibɔrb 20:4

Ahab nan gar u ke, “Tuk maaninkpel Ubɔr Ben‑Hadad ke m kii; u ga ŋmaa yoor m ni maah kpa tiwan ni mɔmɔk na ki li joo.”

2 Bibɔrb 15:29

Peka aah nan ye Israel yaab aabɔr buyoonn na, le Asiria aatiŋ aabɔrkpaan Tiglaf Pileser nyaŋ Ijonn, ni Abel Bef Maaka, ni Janoa, ni Kedes, ni Hasor aatim, ni Gilead, ni Galilee, ni Naftali aapepel, le ki chur binib tinaagbiir buen Asiria aatiŋ ni.

2 Bibɔrb 18:7

Kina pu na, Uwumbɔr nan bi u chee, le u nan nyaŋni tiwan ni mɔmɔk u nan ŋa na ni. U nan nyan Asiria aatiŋ aabɔrkpaan aapuwɔb, ki yii kaa di ubaa tii u.

1 Bibɔrb Aabɔr 5:26

Kina pu le Uwumbɔr nan cha Asiria yaab aabɔrkpaan Pul (u bi nan ki yin u ke Tiglaf Pileser na) bɔ baatingbaln ni. U nan chur Rubenn, ni Gad, ni Manase yaab bi bi liwipuul wɔb na tinaagbiir ki di bi ti kaan Hala, ni Habor, ni Hara aatim ni, ni Gosann Aamɔɔl chee.

2 Bibɔrb Aabɔr 28:16

Edom yaab nan ki piin ki loon Juda yaab ki chur binaagbiib pam, kina pu le Ubɔr Ahas bui Asiria aabɔrkpaan Tiglaf Pileser ke u ter u.

2 Bibɔrb Aabɔr 28:20

Asiria aabɔrkpaan ngbaan aah ba ga ter Ahas pu na, le u labr nyan upuwɔb le ki tii u tibɔr.

Aisaya 2:6

Uwumbɔr, aa yii saanib, Jakob aayaabitiib. Ki nya liwipuul wɔb ki ti saa Filistia aatiŋ ni mɔmɔk ye nin chee inyɔk aatuln gbii na la, le Israel aanib mu dii biwɔwɔm ngbaan aakaal.

Jeremia 13:21

Binib bi aa nan dak ke bi ye aajɔtiib na yaa nan nyaŋ si ki joo si kan, aa ga len kinye? Aa ga nan li bi iween ni, ke upii u ban u maa na la.

Jeremia 17:5

Uwumbɔr len ke, “M ga bii unii u fenn upuwɔb tii mi ki tee kpa unibɔn u ga kpo na aapɔɔn pu limakl na.

Inandalahn 4:17

Ti lik ban nterm mu kaa choo na, le kaa ti ki ŋmaa lik. Ti nan kiir ban nterm litimbol li kaa kpa nterm li tii timi na chee, le kaa kan.

Esekiel 16:28

“Biken aah kaa lee saakpeek na, le aa san dii Asiria yaab. Sin le nan ye baapiidagoor, le bi mu aa nan lee si kikpeek.

Esekiel 23:12

U mu nan neen Asiria aaninyuum, ni butɔb aajab aaninkpiib bi peeni tiwanyaan na, ni bitandam, ni binachipɔnyaam na mɔmɔk sakpen.

Esekiel 23:5

Ohola nan ye mpuu, le ki mu beenin ye udagoor, ki neen ubɔtiib bi nyan ni Asiria aatiŋ ni na.

Hosea 14:3

Asiria yaab aan ŋmaa gaa timi lii, le butɔb aataan mu aan ŋmaa ter timi. Taan ki bui timi aawaa ke ŋima le ye timi Aawumbɔr. Uwumbɔr, aa san binib bi kaa kpa nterm na kinimbaak.”

Hosea 7:11

Israel chuun fii labr ke linanjel li kaa kpa nlan na la; njan, kaanib nan buen Ijipt yaab chee le ti ban nterm, le ki fenn san buen Asiria yaab chee.