2 Bibɔrb 16:14 - Uwumbɔr aagbaŋ

¹⁴ Tikumann aatork aabimbiln li bi nan di tii Uwumbɔr na nan si libimbipɔln ngbaan ni Uwumbɔr Aadichal aasisik ni la. Kina pu le Ahas nan yoor li ti siin waabimbipɔln ngbaan aaŋangan wɔb,

2 Bibɔrb 16:14 ပူးပေါင်းရင်းမြစ်များ

2 Bibɔrb 16:11

Le Uria maa kina aatork aabimbiln, aan li ni lima ngbaan ye tiwanbaan, le ki maa li doo le Ahas nin gir kun ni.

2 Bibɔrb 16:13

kina pu le u nan see tiwakor ni njikaabim aapiin mmii ni li pu. U nan ki di ndaan aapiin, ni kimɔbaan aapiin aasin kpir li pu.

2 Bibɔrb 16:15

le ki bui Uria ke: “Li gur seer kichakpiik ni aatork, ki li toor kijook aajikaabim aatork maabimbiln li wiir na pu, ki li joo min ubɔr, ni binib aatork seer mmii ni li pu, ki li toor baajikaabim aapiin li pu, ki li joo binib aadaan aapiin mu kpir li pu. Li joo baah kɔr tiwakor ti mɔmɔk na aasin kpir li pu. Tɔ, tikumann aabimbiln na ma kan, aa cha li li si m li joo buu tibɔɔr.”

2 Bibɔrb Aabɔr 1:5

Hur aayaabil Besalel, u aate nan ye Uri na aah nan ŋa tikumann aatork aabimbiln li na mu nan bi Gibeonn aatiŋ ni, Uwumbɔr Aabool chee. Ubɔr Solomonn ni binib ngbaan mɔmɔk nan doon Uwumbɔr nima chee la.

2 Bibɔrb Aabɔr 29:19

Ti ki giin ni tiwan nimɔk Ubɔr Ahas nan yoor ŋibin ŋi waa nan ki dii Uwumbɔr na, ki ki di ni mu ŋa Uwumbɔr Aaŋaal ni. Ni mɔmɔk si Uwumbɔr aatork aabimbiln chee.”

2 Bibɔrb Aabɔr 4:1

Ubɔr Solomonn nan cha bi ŋa tikumann aatork aabimbiln, li aafɔfɔk ni nwawaan nan ye ŋitaa piitaa na, le laah paa paacham pu na ye ŋitaa kipiik ni ŋiŋmu.

Nnyam 27:1

“Ni di lisiijal aadɔ ŋa kitork aabimbiln. Ni ŋa li likpakpaln, laafɔfɔk kitiŋ, ni laawawaan li ŋak tɔb, nfɔfɔk kitiŋ li ye ŋitaa ŋilole ni ligeln, le nwawaan mu li ye ŋitaa ŋilole ni ligeln, nfɔfɔk paacham li ye ŋitaa ŋinaa ni ligeln.

Nnyam 27:2

Ni ŋa ŋimɔchɔn ŋimɔgben ŋinaa mɔmɔk pu, ŋi ni kitork aabimbiln ngbaan li ye liwanbaal, ki di tikumann donn biin ni mɔmɔk pu.

Nnyam 40:29

nima chee le u di libimbiln li bi toor ipiin aatork na di siin likekeln ngbaan aapaal wɔb. U nan toor kitork ki bi joo seer mmii ni na, ni njikaabim aapiin li pu, ke Uwumbɔr aah nan bui u ke u ŋa pu na.

Nnyam 40:6

Aa di kitork aabimbiln li bi seer ipiin li pu na siin Libool ngbaan aabisamɔb chee.

Esekiel 43:8

Bibɔrb nan ŋa baanaakɔsamɔi ni baajaaleŋ tiib aadɔ tam Maadichal aabisamɔi, ni laajaaleŋ aadɔ la, le ligoln baanja le nan bi tikaasisik ni. Bi nan ŋani tiwan ni sukr ponn ni na mɔmɔk le ki jinn maayimbil li bi chain na inimɔɔn, le maaŋuul ponn ni m kuln bi.

Matiu 23:35

N‑yoonn mɔmɔk binib nan ku bininyaam la. Njan bi nan ku Abel u nan ye uninyaan na, le ki ku bininyaam ki joo cha, ki ti pii Barakia aabo Sakaria, u bi nan ku u Uwumbɔr aadiik ni na. Bininyaam ngbaan mɔmɔk aakun pu, le ntafadaan ga pii nimi.