2 Bibɔrb 16:10 - Uwumbɔr aagbaŋ

¹⁰ Ubɔr Ahas aah nan buen Damaskus aatiŋ ni, u ti kan Ubɔrkpaan Tiglaf Pileser na le u nan ti kan kitork aabimbiln nima, le ki di laanaŋ ti mɔk utotoor Uria. Ni nan naahn ke naah ye foto le na.

2 Bibɔrb 16:10 ပူးပေါင်းရင်းမြစ်များ

2 Bibɔrb 15:29

Peka aah nan ye Israel yaab aabɔr buyoonn na, le Asiria aatiŋ aabɔrkpaan Tiglaf Pileser nyaŋ Ijonn, ni Abel Bef Maaka, ni Janoa, ni Kedes, ni Hasor aatim, ni Gilead, ni Galilee, ni Naftali aapepel, le ki chur binib tinaagbiir buen Asiria aatiŋ ni.

2 Bibɔrb 16:11

Le Uria maa kina aatork aabimbiln, aan li ni lima ngbaan ye tiwanbaan, le ki maa li doo le Ahas nin gir kun ni.

2 Bibɔrb 21:4

U nan maa ŋiwaa aatork aabimbin Uwumbɔr Aadichal li ponn ni Uwumbɔr len ke bi ga li dooni u nima chee na.

1 Bibɔrb Aabɔr 28:19

Ubɔr David nan bui ke, “Nimina mɔmɔk bi Uwumbɔr aah nan mɔk mi ke m tun pu na aagbaŋ ponn ni la.”

Ilahn 106:39

Baatun nan cha bi ŋa bibaa tijɔŋdam, le kaa ki si Uwumbɔr aapuwɔb.

Nnyam 24:4

Le Moses ŋmee Uwumbɔr aakaal ngbaan mɔmɔk bil. Naah woln na, le u pue kichakpiik ni ki maa kitork aabimbiln lijool ngbaan aataab, le ki di ŋitakpal kipiik ni ŋilee mu ki di chɔɔn chɔɔn, le ŋitakpal ngbaan si Israel yaab aanaakɔsamɔi kipiik ni ilee na.

Nnyam 39:43

Moses nan lik tiwan ngbaan mɔmɔk le ki kan ke bi ŋa nimɔk ke Uwumbɔr aah nan bui ke bi ŋa pu na. Nima pu na, Moses nan mee Uwumbɔr aanyoor ŋa bi pu.

Aisaya 8:2

Ban bijab bilee bi aa tii bi naadii na, Uwumbɔr aatotoorninkpel Uria, ni Jeberekia aajapɔɔn Sekaria aan bi li ye seeraadam.”

Jeremia 10:2

U bui ke, “Taa dii ŋitimbol ŋiken aasan man, taa cha wayɔlyɔl ni ŋani kitaapaak na li muk nimi, ke naah cha ijawaan chuu ŋitimbol ŋiken pu na.

Esekiel 16:28

“Biken aah kaa lee saakpeek na, le aa san dii Asiria yaab. Sin le nan ye baapiidagoor, le bi mu aa nan lee si kikpeek.

Esekiel 43:11

Tɔ, inimɔɔn yaa chuu bi baah ŋa pu na pu kan, aa ŋeer Maadichal ngbaan aabimbin aah bi pu na: laah ga li bi pu na, laabisamɔi i bi ga li diir koo na, ni i bi ga li diir nya na, laasisii aah ga li bi pu na, ni tiwan mɔmɔk aah ga li si nin chee na, ni laakaal ni ŋikoobil mɔmɔk. Ŋmee ni mɔmɔk bil aan bi ga ŋmaa kan tiwan mɔmɔk aasisii, ki ga ŋmaa dii laakaal.

Esekiel 43:8

Bibɔrb nan ŋa baanaakɔsamɔi ni baajaaleŋ tiib aadɔ tam Maadichal aabisamɔi, ni laajaaleŋ aadɔ la, le ligoln baanja le nan bi tikaasisik ni. Bi nan ŋani tiwan ni sukr ponn ni na mɔmɔk le ki jinn maayimbil li bi chain na inimɔɔn, le maaŋuul ponn ni m kuln bi.

Esekiel 44:12

Tɔ, min Bidindaan Uwumbɔr puu tipuur kpaan ke baah nan toor ŋiwaa aatork tii Israel aanib, ki di bi koon titunwanbir aatun ni na, see bi kan ntafadaan.

Matiu 15:6

ki yaa kaa pak ute kan, ni len ke naa kpa taani. Naah len kina na, le ni yii Uwumbɔr aabɔr nimi aakaal pu.

Matiu 15:9

Bi dooni u yɔli la, ki mɔk binib biyaajatiib aakaal ke ni ye waakaal la.’”

Rom Yaab 12:2

Ni taa ki li bi ke dulnyaa wee aanib aah bi pu na. Kpeln nimi aalandak man aan ki kpeln nimi aabimbin. Nima le ni ga bee Uwumbɔr aah gee pu na. Ni ga bee naah ga ŋa pu ki li bi mbamɔm ki tun litunyaan ki piir usui na.

Ikaal 12:30

Uwumbɔr yaa kuln ŋinibol ngbaan doo aan ni koo ŋaatim ni kan, ni pɔɔn nibaa ki taa li dii baah dooni ŋiwaa ŋi na; ba pu? ni ye nnikun la. Ni taa li ban ni bee baah dooni baawaa pu na aan ki mu li dooni Uwumbɔr kina.

Josua 22:28

Ti dak le ke ni yaa dan kina kan, tiyaabitiib ga ŋmaa bui ke, ‘Lik man, tiyaajatiib mu maa kitork aabimbiln li naan Uwumbɔr yaan na la. Baa maa li ke bi li seer kitork ki tii ipiin li pu, ni ye limɔkl le ki tii nimi ni timi aamaal.’

1 Piita 1:18

Niyaajatiib nan bi mbimbin yɔl yɔl ponn ni. Ni nyi ke u gaa nimi lii ki nyan nimi mbimbin ngbaan ponn ni. Naa ye tiwan ni ga bii ke ŋimombil na, le u di pan ki gaa nimi lii.