2 Bibɔrb 15:5 - Uwumbɔr aagbaŋ

⁵ Uwumbɔr nan cha tiwon aaween i bir sakpen na chuu Usia, ki gaar u pu kina le u ti kpo. U nan gur koo ubaa aadichal ni la, le kaa ki tun nnaan aatuln libaa. Ujapɔɔn Jotam le nan gur joo kitiŋ ngbaan.

2 Bibɔrb 15:5 ပူးပေါင်းရင်းမြစ်များ

2 Samuel 3:29

Waakun ngbaan aatafadaan lir Joab ni waadichal pu. N‑yoonn mɔmɔk kan, waamaal ponn ni aajab ubaa li kpa ulool aabuun, bee tiwon aaween i bir na ibaa, bee u li ye uja u ga ŋmaa tun bipiib aatuln baanja na, bee bi ku u butɔb ni, bee u taa li kpa u ji.”

2 Samuel 8:15

David nan joo Israel aanib mɔmɔk, le ki nan ŋani waanib mɔmɔk mbamɔm.

1 Bibɔrb 3:28

Israel aanib aah ŋun Solomonn aah nan siin pu na, le bisui nan gbiin kipak u pu, ba pu? bi nan bee ke Uwumbɔr tii u nlan ke u li joo ji tibɔr ibamɔn ni.

1 Bibɔrb 3:9

Kina pu na, tii mi nlan mu m ga ŋmaa di joo saanib ibamɔn ni, ki li nyi ni ŋan na, ni ni kaa ŋan na. Naa ye kina kan, m ga ŋa kinye aan ki joo saanisakpem bimina?”

2 Bibɔrb 15:32

Remalia aajapɔɔn Peka aah nan ye Israel yaab aabɔr pu na aabileler ni, le Usia aajapɔɔn Jotam jin Juda aanaan.

2 Bibɔrb 15:6

Usia aah nan ki tun ŋitun ŋi mɔmɔk na bi Juda Aabɔrb Aatun Aagbaŋ ni la.

2 Bibɔrb 5:27

Tɔ, Naamann aaween ngbaan ga gir ni aa pu, le aa ni aayaabitiib ga li kpa i ki ti saa n‑yoonn mu kaa kpa ndoon na.” Gehasi aah siir na, le iween ngbaan pii u, uwon nan piir chak chak.

2 Bibɔrb 7:3

Bijab binaa bibaa nan bi Samaria aatiŋ aapaal, ki kpa tiwon aaween i bir na. Bi nan bui tɔb ke, “Taan ŋmaa li ka do kina ki ti kpo.

1 Bibɔrb Aabɔr 3:12

ni Amasia, ni Usia, ni Jotam,

1 Bibɔrb Aabɔr 5:17

Juda Aabɔr Jotam, ni Israel Aabɔr Jeroboam uken aayoonn, le bi nan ŋmee nimina mɔmɔk bil.

Job Aagbaŋ 34:19

Waa len tibɔr kpae bijojoob pu kaa ter uwankpadaan ki cha ugiin, ba pu? uma le naan unii mɔmɔk.

Ilahn 72:1

Uwumbɔr, mɔk ubɔr aan u di ibamɔn ji binib tibɔr; yakr saabamɔn tii u, aan u di ibamɔn joo saanib, ki di tiŋann joo binib bi bi muk bi na.

Hosea 1:1

Bibɔrb bimina aah nan jin jin nnaan ki paan paan tɔb pu n‑yoonn mu aan Jehoas aajapɔɔn Jeroboam mu nan ye Israel aabɔr na, le Uwumbɔr nan di tibɔr timina tuk Beeri aajapɔɔn Hosea: Juda aabɔrb ngbaan le nan ye Usia, uma le nan puen jin nnaan, le Jotam paan u pu, le Ahas mu nan paan Jotam pu, le Hesekia ti gbeln puwɔb.

Liifai Yaab 13:46

Kikɔŋ ngbaan yaa bi u pu ki ti saa buyoonn na kan, waa bi chain, le ni cha u nya linampal biken chee, ki ti li bi ubaa.

Maika 1:1

N‑yoonn mu bibɔrb bitaa bimina nan jin nnaan Juda aatiŋ pu ki paan paan tɔb pu na, le Uwumbɔr nan di tibɔr timina tuk waabɔnabr Maika, u ye Moresef aatiŋ ni aanii na. Bibɔrb ngbaan sɔ: Jotam le nan puen jin nnaan, le Ahas paan u pu, le Hesekia nan gbeln puwɔb. Uwumbɔr nan kpiir Samaria ni Jerusalem aatim aabɔr tee mɔmɔk le tuk Maika.

Nkahm 12:10

aan ntaalangbam mu fii Libool ngbaan pu na, le Miriam aawon mɔmɔk kpaan kpaln kikɔŋ ŋmeen ki piir chak chak. N‑yoonn mu Aaronn kan ke uwon kpaln kikɔŋ ŋmeen na,

Nkahm 12:14

Le Uwumbɔr giin bui u ke, “Miriam aate yaa ba tii timɔɔtan ŋa unimbil wɔb kan, u ba ga ji kina aanimɔɔn iwiin ilole la. Nima pu na, ni nyan u linampal likpaakool libaa, nee aapuwɔb na, ni ki giin ni u linampal.”

Ikaal 24:8

“Ni ponn ni ubaa yaa kpa tiwon aaween i bir na kan, ni pɔɔn nibaa ki ŋa Liifai aatotoorb aah ga bui nimi pu na. Ni ŋa maah tuk bi ikaal i na mɔmɔk.