2 Bibɔrb 15:10 - Uwumbɔr aagbaŋ

¹⁰ Le Jabes aajapɔɔn Salum nan nyan sil Ubɔr Sekaria pu, le ki nan ti ku u Ibleam aatiŋ ni, ki nab waanaan pu.

2 Bibɔrb 15:10 ပူးပေါင်းရင်းမြစ်များ

1 Bibɔrb 15:28

Juda yaab aabɔr Asa aanaan aabitatar ni le nan bi na. Kina pu na, Baasa le nan nab Nadab aanaan pu Israel aatiŋ pu.

2 Bibɔrb 14:19

Nkpokl nan bi Jerusalem ni ke bi ku Amasia, le u nan san buen Lakis aatiŋ ni, le waadim nan paan u pu nima chee ki ti ku u.

2 Bibɔrb 15:11

Sekaria aah nan ki tun ŋitun ŋi mɔmɔk na bi Israel Aabɔrb Aatun Aagbaŋ ni la.

2 Bibɔrb 15:14

Gadi aajapɔɔn Menahem nan nyan Tirsa aatiŋ ni le ki buen Samaria aatiŋ ni, le ki ti ku Salum ki nab waanaan pu.

2 Bibɔrb 15:22

U nan kpo le bi di u sub, le ujapɔɔn Pekahia nab waanaan pu.

2 Bibɔrb 15:25

Pekahia aajab aaninkpel u bi nan yin u ke Peka, aan ute ye Remalia na nan lok u ibuu, le ki kan bijab piiŋmu Gilead aatiŋ ni, le bi ti ku Pekahia ni Agob ni Arie, libɔrdichal aadiik ki kpa mpɔɔn na ni, Samaria aatiŋ ni, le u nab waanaan pu.

2 Bibɔrb 15:30

Usia aajapɔɔn Jotam aah nan ye Juda aatiŋ aabɔr pu na aabin moninko ni, le Ela aajapɔɔn Hosea nan lok Ubɔr Peka pu ibuu, le ki ku u, ki nab waanaan pu.

2 Bibɔrb 15:9

U nan bi ke Israel yaab aabɔrb bi nan puen u kal lijal ngbaan pu na la, le ki tun Uwumbɔr titunwanbir ke bima na. U nan dii Nebat aajapɔɔn Jeroboam, u nan di titunwanbir mɔk Israel yaab na aabiin aasan la.

2 Bibɔrb 9:24

Le Jehu taln waatɔm, le ki di waapɔɔn mɔmɔk too mpiin le mu ti yun Joram aapuwɔb ki ti chaar chuu uŋuul. Joram nan lir waatɔroku ni ki kpo,

2 Bibɔrb 9:31

Jehu aah dii mbisamɔb koo ni na, le u teen bui u ke, “Sin Simri. Sin unikur. Aa ban ba do?”

Hosea 7:7

“Baaŋuul aakaasisik ni le bi ku baajojoob. Bi ku baabɔrb paani tɔb pu la. Le ubaa aa tee mee mi ki ban nterm.”

Hosea 8:4

“Maanib leer baabɔrb, le kaa ŋɔɔni m pu. Bi leer baasalolm, le kaa ŋɔɔni m pu. Bi di baakunabr ni salmaa le ki naan ŋiwaa; ŋima le ga kuln bi.

Amos 7:9

Nin chee Aisak aayaabitiib nan mee min Uwumbɔr na mɔmɔk ga bii doo. Israel yaab aameen aadir mɔmɔk ga kpaln ŋilangben ŋi ber doo na la. M ga kuln ubɔr Jeroboam aanaan.”