2 Bibɔrb 14:10 - Uwumbɔr aagbaŋ

¹⁰ Tɔ, Amasia, aa kpa kipupuk ke aa nyaŋ Edom yaab a. Cha kina aayimbil ŋeer si, aan aa li ka aado. Ba ŋa aa ban aa ban tibɔr tii aa ni saanib?”

2 Bibɔrb 14:10 ပူးပေါင်းရင်းမြစ်များ

2 Bibɔrb 14:7

Amasia nan ku Edom aajab ŋichur kipiik, N‑yaan Aafataŋ ni; u nan nyaŋ Sela aatiŋ butɔb ni, le ki yin ki ke Jokteel, liyimbil ngbaan le bi beenin joo yin ki.

2 Bibɔrb Aabɔr 26:16

Tɔ, Ubɔr Usia aah pɔɔk na, le u gur kpa kipupuk, le ni tur u lii libuul ni. U nan koo Uwumbɔr Aadichal ni ki ti see tulalee aayon, le ki bii Udindaan Uwumbɔr aakaal.

2 Bibɔrb Aabɔr 32:25

Le Hesekia aagaak nan nyaŋ u aan waa ŋmaa doon Uwumbɔr waah ŋa pu tii u na, le Juda ni Jerusalem aanib kan kina aatafadaan.

2 Bibɔrb Aabɔr 35:21

le Neko yii ki tun ti bui Josia ke: “Butɔb bu aan m bi to na aa kpaa si, Juda yaab Aabɔr. Maa choo m ni sin nan jan, m cha m ni maadim le ti jan, le Uwumbɔr bui mi ke m li naa. Uwumbɔr si nchaŋ ni, kina pu na, taa laŋ maasan, naa ye kina kan, u ga kuln si.”

Nnyam 8:9

Moses nan kii le ki bui u ke, “M ga li kpa mpopiin ke m mee Uwumbɔr. Siin n‑yoonn mu aa ban ke m mee u tii aa ni saaninkpiib ni saanib na. Le ni ga kan nibaa ŋipulaatal ngbaan chee, ŋi ga li gur bi Nail Aamɔɔl ni baanja la.”

Ŋiyataŋak 15:18

Binib bi aasui fiir mala mala na joo ni kinikpakpak la, le limɔr ma joo ni nsuudoon.

Ŋiyataŋak 16:18

Kipupuk joo ni libiil la, le kigaak joo ni nkun.

Ŋiyataŋak 17:14

Kinikpakpak aah ga piin pu na naahn mmɔgbaamii la; goo ki aan ki taa ki foor kpee.

Ŋiyataŋak 20:3

Ujɔr mɔk ga ŋmaa piin kinikpakpak; kinyuŋ ki bi na le ye ke aa taa koo kinikpakpak ni.

Ŋiyataŋak 25:8

Taa di kijejek buen libɔjil ni, tibɔr ti aa kan ti na pu. Useeraadaan ubaa yaa nan len nyaŋ si kan, aa ga ki ŋa kinye?

Ŋiyataŋak 26:17

Aa yaa koo kinikpakpak ki kaa kpaa si na ni, ni aa buen ti chuu ubɔ aatafal ki daa na, ni ye tiwanbaan la.

Ŋiyataŋak 3:30

Taa kpak unii u kaa tun si taani na kinikpakpak.

Esekiel 28:5

Aa nan di nlan ŋa kitiirk aatuln ki kani tinyoor. Aa sil mak saawankpal pu.

Esekiel 38:17

Saabɔr le m nan len n‑yaayoonn na, ki cha maatutum, bi ye maabɔnabr ki nan bi Israel aatiŋ ni na moon, ke n‑yoonn choo le m ga nan cha unii ubaa tak Israel aatiŋ.” Dindaan Uwumbɔr le len kina.

Esekiel 38:2

U nan len ke, “Unibɔn, lik Magog aatiŋ aanibol ŋi ye Mesek, ni Tubal aanibol na aajojookpaan Gog wɔb ki len tibɔbir lii u pu

Esekiel 38:5

Bijab nyan Pesia, ni Kus, ni Libia aatim ni ki bi u chee, ki joo kijaak aapen, ni tiyikpupur.

Daniel 11:12

Waah ga nyaŋ bi ki ku baajab sakpen pu na ga cha u kpaln umakdaan; tɔ, waanyaŋ ngbaan mu aan yunn.

Habakuk 2:4

Tibɔr ngbaan sɔ: ‘Utunwanbirdaan aan ŋmar, le uninyaan aah gaa Uwumbɔr ki kii na, u ga li kpa limɔfal.’”

Habakuk 2:5

Mbamɔn, liwangol ŋmanni unii la, u kpa kigaak le kaa tee kpa lifuur ma. Waah kpa kikumɔŋ ke likaakul ki bi ke nkun na, waa babr tiwan nibaa, le ki nyaŋni ŋitimbol ki chur binib mɔmɔk tinaagbiir.

Ikaal 8:14

ni li nyi ki taa li kpa kigaak, aan ki suln Nidindaan Uwumbɔr u nan nyan ni nimi Ijipt aatiŋ ni, nin chee ni nan ye binaagbiib na bɔr.

Jemisi 1:9

Tɔ, Uwumbɔr aah nyuŋ tinaabitiib bi ye bigiim na, bi li kpa mpopiin.

Jemisi 4:6

Tɔ, Uwumbɔr tii timi nterm ki jer kina, le waagbaŋ len ke, “Uwumbɔr yiil kalmbaanidam, le ki lik faar binib bi sunni bibaa taab na.”

Bibɔjirb 9:52

Abimelek aah nan fuu ni ki buen u ti tak kidifɔfɔŋ ngbaan na, u nan buen jaaleŋ chee ke u ti see ki mmii lii.