2 Bibɔrb 13:3 - Uwumbɔr aagbaŋ

³ Kina pu le Uwumbɔr aaŋuul nan fii Israel aanib pu, le u cha Siria aatiŋ aabɔr Hasael ni ujapɔɔn Ben‑Hadad nan nyaŋni Israel yaab n‑yoonn mu mɔk bi di biyil kpaa tɔb na.

2 Bibɔrb 13:3 ပူးပေါင်းရင်းမြစ်များ

1 Bibɔrb 19:17

Unii umɔk san ŋmar Hasael chee na, Jehu ga ku udaan, u mu san ŋmar Jehu chee na, Elaisa ga ku udaan.

2 Bibɔrb 12:17

N‑yoonn ngbaan le Siria aatiŋ aabɔr Hasael nan ti tak Gaf aatiŋ ki nyaŋ ki; le ki ŋa nlandak ke u ti tak Jerusalem mu.

2 Bibɔrb 13:22

Jehoahas aanaan aayoonn mɔmɔk ni, Siria aatiŋ aabɔr Hasael nan muk Israel yaab pam,

2 Bibɔrb 17:20

Le Uwumbɔr nan yii Israel aanib mɔmɔk, ki daa bitafal ki di bi tii baadim bi kpa mbiin sakpen na, le ki ti baan nyan bi ubaa chee.

Jeremia 49:27

M ga see Damaskus aatiŋ aagon mmii, ki see Ubɔr Ben‑Hadad aabɔrdichal lii. Min Uwumbɔr Mpɔɔnsakpiindaan le len kina.”

Liifai Yaab 26:17

M ga fenn ki cha nimi, nima kan, binib bi nan nimi na ga nyaŋ nimi ki li joo nimi, le ijawaan ga chuu nimi sakpen; ubaa aan li san dii nimi, le ni san.

Amos 4:10

“Le m tun ni iween nan lii ni pu ke maah nan di lii Ijipt aatiŋ ni pu na. M nan ku nimi aanachipɔm butɔb ni, ki di nimi aataan mu buen. Le ŋinikpol aanunun gbiin nimɔfataabun ni, ni nimi aakookoo yaan chee. Nee aapuwɔb na, naa di cha nimi aatunwanbir ki gir ni m chee ke m di cha pinn nimi.

Ikaal 28:25

“Uwumbɔr ga cha nimi aadim nyaŋ nimi. Ni ga nya ni lipepel libaa wɔb le ki nan tak bi, le bi nyaŋ nimi ki cha ni san yaa tɔb chee ki buen ŋipepel mɔmɔk. Le dulnyaa ni aanib mɔmɔk yaa kan tiwan ni ŋa nimi na kan, ijawaan ga chuu bi.

Hiibru Yaab 12:29

Ba pu? timi Aawumbɔr bi ke mmiigaal mu ji tiwan ni kaa ŋan na mɔmɔk na la.

Bibɔjirb 2:14

Kina pu le Uwumbɔr aaŋuul nan fii Israel yaab pu sakpen, le u cha bijab gur looni bi ki su baawan. U nan cha bidim bi mɔmɔk mann goln bi ki ti ton na nyaŋ bi, le Israel yaab aa nan ki ŋmaa kiir bibaa.

Bibɔjirb 3:8

Uwumbɔr aaŋuul nan fii Israel yaab pu, le u cha Mesopotamia aabɔr, u bi nan yin u ke Kusann Risatayim na, nyaŋ bi, le ki joo bi, ki ti saa ŋibin ŋiniin.