2 Bibɔrb 13:13 - Uwumbɔr aagbaŋ

¹³ Jehoas nan kpo, le bi di u sub nnaan aacheek ni, Samaria aatiŋ ponn ni, le ujapɔɔn u bi nan ki yin u mu ke Jeroboam na nab waanaan pu.

2 Bibɔrb 13:13 ပူးပေါင်းရင်းမြစ်များ

2 Samuel 7:12

Aa yaa nan kpo aan bi sub si aayaajatiib chee kan, le m ga ŋa aajapɔɔn ubaa ubɔr, ki cha waanaan li pɔɔ.

1 Bibɔrb 1:21

Aa yaa kaa ŋa kina, ki yaa kpo kan, libuul ngbaan ni, le bi ga li gur ŋani m ni njapɔɔn Solomonn ke taah ye bitimbiib le na.”

1 Bibɔrb 11:31

le ki bui Jeroboam ke, “Nyan ŋichek kipiik ki li joo, ba pu? Israel yaab Aadindaan Uwumbɔr bui si ke, ‘M ban m gaa nnaan Solomonn chee la, le ki ga di ŋinibol kipiik tii si.

1 Bibɔrb 2:10

David nan kpo, le bi di u sub uma David Aatiŋ ni.

2 Bibɔrb 13:12

Jehoas aah nan ki tun ŋitun ŋi mɔmɔk na, ni waajakaan i u nan di mɔk Juda yaab aabɔr Amasia butɔb ni na bi Israel Aabɔrb Aatun Aagbaŋ ni la.

2 Bibɔrb 13:14

Iween i bir sakpen na nan chuu Uwumbɔr aabɔnabr Elaisa, le waah dɔ kibundiik ni na, Israel yaab aabɔr Jehoas buen u ti mann u. U nan wii le ki bui Elaisa ke, “Nte, nte, sin le ye Israel yaab aakikiir kpaan.”

2 Bibɔrb 13:9

U nan kpo, le bi di u sub Samaria aatiŋ ni, le ujapɔɔn Jehoas nab waanaan pu.

2 Bibɔrb 14:15

Jehoas aah nan ki tun ŋitun ŋi mɔmɔk na, ni waajakaan i u nan di mɔk Juda yaab aabɔr Amasia butɔb ni na bi Israel Aabɔrb Aatun Aagbaŋ ni la.

2 Bibɔrb 14:23

Juda yaab aabɔr Joas aajapɔɔn Amasia aah nan ye Juda aabɔr pu na aabin kipiik ni liŋmuŋmur ponn ni, le Jehoas aajapɔɔn Jeroboam jin Israel aanaan, ki bi Samaria aatiŋ ni ki joo waanib ki ti saa ŋibin imonko ilee ni libaa.

2 Bibɔrb 15:12

Kina pu na, Uwumbɔr aah nan puu tipuur ti tii Jehu ke: “Aayaabitiib aayaabisɔsɔk ga li ye Israel yaab aabɔrb na” nan gbiin.

Hosea 1:1

Bibɔrb bimina aah nan jin jin nnaan ki paan paan tɔb pu n‑yoonn mu aan Jehoas aajapɔɔn Jeroboam mu nan ye Israel aabɔr na, le Uwumbɔr nan di tibɔr timina tuk Beeri aajapɔɔn Hosea: Juda aabɔrb ngbaan le nan ye Usia, uma le nan puen jin nnaan, le Jotam paan u pu, le Ahas mu nan paan Jotam pu, le Hesekia ti gbeln puwɔb.