2 Bibɔrb 13:12 - Uwumbɔr aagbaŋ

¹² Jehoas aah nan ki tun ŋitun ŋi mɔmɔk na, ni waajakaan i u nan di mɔk Juda yaab aabɔr Amasia butɔb ni na bi Israel Aabɔrb Aatun Aagbaŋ ni la.

2 Bibɔrb 13:12 ပူးပေါင်းရင်းမြစ်များ

1 Bibɔrb 14:19

Jeroboam aah nan ki tun ŋitun ŋi na, waah nan jan kijaak kimɔk na, ni waah nan joo kitiŋ pu na mɔmɔk bi Israel Aabɔrb Aatun Aagbaŋ ni.

2 Bibɔrb 1:18

Ubɔr Ahasia aah nan ki ŋa tiwan ni mɔmɔk na bi Israel Aabɔrb Aatun Aagbaŋ ni la.

2 Bibɔrb 13:11

U mu nan dii Ubɔr Jeroboam u nan di titunwanbir aatuln mɔk Israel aanib na aasan, le ki tun Uwumbɔr titunwanbir.

2 Bibɔrb 13:13

Jehoas nan kpo, le bi di u sub nnaan aacheek ni, Samaria aatiŋ ponn ni, le ujapɔɔn u bi nan ki yin u mu ke Jeroboam na nab waanaan pu.

2 Bibɔrb 14:25

U nan ki nyaŋ ki gaa lipepel li mɔmɔk nan ye Israel aapepel na, ki nyan Hamaf Aasan mu bi ŋŋangan wɔb na mɔk ki ti saa N‑yaan Aanyusakpem mu bi ŋŋangii wɔb na. Israel yaab Aadindaan Uwumbɔr aah nan puu pu tii Amitai aajapɔɔn Jona, u nan ye Gaf Hefer aanii, ki ye waatutunn, ki ye waabɔnabr na le na.