2 Bibɔrb 12:20 - Uwumbɔr aagbaŋ

^20-21 Ubɔr Joas aajab aaninkpiib nan kpokl u pu, le bi ponn ni bilee, Simeaf aajapɔɔn Josakar, ni Somer aajapɔɔn Jehosabad ti ku u lidichal li bi nan maa li kifataŋ aatiŋ ki bi Jerusalem aawipuul wɔb aan bi nan ŋeeb na ponn ni. Li nan bi nsan mu cha Sila aatiŋ ni na chee la. Bi nan sub Joas nnaan aacheek ni, David Aatiŋ ni la, le ujapɔɔn Amasia nab waanaan pu.

2 Bibɔrb 12:20 ပူးပေါင်းရင်းမြစ်များ

2 Samuel 5:9

David nyaŋ baapɔɔn aatiŋ ngbaan, le ki koo ki ponn ni ki yin ki ke “David Aatiŋ.” U nan piin liwipuul wɔb, nin chee kitiŋ dɔ ligongoln ngbaan pu na, le ki maa mann goln kitiŋ ngbaan pu ki kpee.

1 Bibɔrb 11:27

Jeroboam aah nan nyan Solomonn aapuwɔb pu na aabɔr sɔ: Solomonn nan bi ŋeeb Jerusalem aawipuul wɔb aatiŋ, le ki toor kitiŋ ngbaan aagon.

1 Bibɔrb 14:29

Ubɔr Rehoboam aah nan ki tun ŋitun ŋi na mɔmɔk bi Juda Aabɔrb Aatun Aagbaŋ ni la.

2 Bibɔrb 12:19

Ubɔr Joas aah nan ki tun ŋitun ŋi mɔmɔk na bi Juda Aabɔrb Aatun Aagbaŋ ni la.

2 Bibɔrb 14:5

Amasia aah nan ti bee buyoonn ke uyil baan na, le u ku bininkpiib bi nan ku ute ubɔr na.

2 Bibɔrb 21:23

Amonn aaninkpiib nan nyan upuwɔb le ki kpokl ki ku u libɔrdichal ponn ni.

2 Bibɔrb 8:23

Jehoram aah nan ki tun ŋitun ŋi mɔmɔk na bi Juda Aabɔrb Aatun Aagbaŋ ni la.

2 Bibɔrb Aabɔr 25:27

Ki nyan bundaal u nyan Uwumbɔr aapuwɔb na, bi nan gur kpokl u pu n‑yoonn mɔmɔk, Jerusalem ni la. Kookoo na le u nan san buen Lakis aatiŋ ni. Tɔ, waadim mu nan beenin paa u pu nima le ki ti ku u.

2 Bibɔrb Aabɔr 33:24

Amonn aaninkpiib nan nyan upuwɔb le ki kpokl ki ku u libɔrdichal ponn ni.

Bibɔjirb 9:6

Nee aapuwɔb le Sekem ni Bef Milo aajab kuun tɔb ki buen likpaln aasusakpem bubaa taab, Sekem aatiŋ ni, ki ti kaan Abimelek nnaan.