2 Bibɔrb 12:18 - Uwumbɔr aagbaŋ

¹⁸ Ubɔr Joas nan yoor ipiin i mɔmɔk Jehosafat, ni Jehoram, ni Ahasia bi nan puen u ki jin jin nnaan na nan di tii Uwumbɔr na, ni u mu ubaa aah nan tii Uwumbɔr i na, ni salmaa u mɔmɔk nan bi Uwumbɔr Aadichal ni, ni libɔrdichal ni na, le ki di ni mɔmɔk tun ti tii Ubɔr Hasael ipiin; le u di waajab siir cha Jerusalem aatiŋ kaa ki tak ki.

2 Bibɔrb 12:18 ပူးပေါင်းရင်းမြစ်များ

1 Bibɔrb 14:26

U nan yoor liwangol limɔk nan bi Uwumbɔr Aadichal ponn ni, ni libɔrdichal ni na, ki yoor salmaa aapen ŋi Solomonn nan ŋa na mu.

1 Bibɔrb 15:18

Kina pu le Ubɔr Asa nyan tikunabr ni salmaa u mɔmɔk nan gur Uwumbɔr Aadichal, ni libɔrdichal ni na, ki di tun waaninkpiib bibaa Damaskus aatiŋ ni, Siria Aabɔr Ben‑Hadad chee. Ben‑Hadad aate le nan ye Tab‑rimonn, le uyaaja ye Hesionn. Inaŋ imina le u nan di tii bi:

2 Bibɔrb 12:19

Ubɔr Joas aah nan ki tun ŋitun ŋi mɔmɔk na bi Juda Aabɔrb Aatun Aagbaŋ ni la.

2 Bibɔrb 12:4

Joas nan yin ni bitotoorb le ki nan bui bi ke bi li bilni ŋimombil ŋi ye Uwumbɔr Aadichal ponn ni aapiin na, ŋima le ye n‑yoonn mɔmɔk aatork aapar, ni ŋimombil ŋi binib nan tii ipiin na.

2 Bibɔrb 14:14

U nan yoor tikunabr, ni salmaa u mɔmɔk bi nan kan na, ni Uwumbɔr Aadichal ponn ni aawan mɔmɔk, ni libɔrdichal ponn ni aawan mɔmɔk, le ki di gir buen Samaria aatiŋ ni. U nan ki chur binib mu di buen.

2 Bibɔrb 16:8

Ahas nan yoor Uwumbɔr Aadichal, ni libɔrdichal aakunabr ni salmaa, ki di tun ti tii Siria aatiŋ aabɔrkpaan ngbaan ipiin.

2 Bibɔrb 8:12

Le Hasael baa u ke, “Uninkpel, ba ŋa aa wii?” Le Elaisa gar u ke, “Saah ga ŋa Israel yaab ijawaan sakpen aawan ni na pu le m wii. Aa ga see baatim mu pɔɔ aan bi maa ŋigon gob mu na mmii, ki suŋ baanachipɔm bi ŋan sakpen na, ki loe ku baabim, ki saa gbir baapiipudam aapuu.”

2 Bibɔrb Aabɔr 16:2

Kina pu le Asa nan nyan tikunabr ni salmaa Uwumbɔr Aadichal, ni libɔrdichal ni, ki di tun Damaskus ni, Siria Aabɔr Ben‑Hadad chee ke:

2 Bibɔrb Aabɔr 24:17

Tɔ, Jehoyada aah kpo na, le Juda aasalolm ŋmann Joas ke u dii baah ban pu na.

Joel 3:5

Nimi le yoor maakunabr ni maasalmaa ki yoor maawangol ki di ti ŋa nimi aawaa aadir ni.