2 Bibɔrb 12:10 - Uwumbɔr aagbaŋ

¹⁰ Le ŋimombil aah ti wiir u ponn ni na, le nnaan ni aagbaŋmeer ni Utotoorninkpel ti dan, ki nan kahn tikunabr aamombil mɔmɔk le ki di ŋa bɔtɔ tiib ponn ni.

2 Bibɔrb 12:10 ပူးပေါင်းရင်းမြစ်များ

2 Samuel 20:25

le Sefa nan ye ugbaŋmeer; le Sadok ni Abiatar nan ye bitotoorb,

2 Samuel 8:17

le Ahitub aajapɔɔn Sadok, ni Abiatar aajapɔɔn Ahimelek nan ye bitotoorb, Seraya nan ye nnaan ngbaan aagbaŋmeer;

2 Bibɔrb 12:11

Bi yaa ti ŋmee ŋaah ye pu na bil kan, le bi di ŋi tii binib bi yeh Uwumbɔr Aadichal aatoorn na, le bima le ga pa binib bi kpii ŋikpan na, ni bidimaab,

2 Bibɔrb 19:2

le ki tun Eliakim, u ye libɔrdichal ponn ni aaninkpel na, ni Sebna, u ye nnaan aabɔr mɔmɔk aaninkpel na, ni Uwumbɔr aatotoorninkpiib, ke bi buen Uwumbɔr aabɔnabr Aisaya u ye Amos aajapɔɔn na chee. Binib ngbaan mɔmɔk mu nan pee tiwan ni saak kuub na la.

2 Bibɔrb 22:12

le ki bui utotoor Hilkia ni Safann aajapɔɔn Ahikam, ni Mikaya aajapɔɔn Akbor, ni libɔrchiln ni aagbaŋmeer Safann, ni ubɔr aatutunn Asaya ke:

2 Bibɔrb 23:4

Le Josia nan cha Utotoorninkpel Hilkia, ni waatotoorb bi paa u pu na, ni bikikiib bi nan kii Uwumbɔr Aadichal aabisamɔb na nyan ni Uwumbɔr Aadichal ponn ni tiwan ni mɔmɔk bi joo dooni liwaal Baal, ni liwaapii Asera, ni iŋmabi na li ponn ni. Ubɔr nan see ni mɔmɔk mmii ni n‑gbaan, Kidronn aafataŋ chee, le ki cha bi di naafatan buen Betel aatiŋ ni.

2 Bibɔrb 5:23

Le Naamann bui u ke, “M gaŋ si, gaa tikur aamombil ŋichur ŋiloob.” U nan sil di kina aamombil di gbin tikpalɔnn tilee ponn ni, ki kpee tiwanpeenkaan nyaan ŋiker ŋilee pu ki di tii waanaagbiib bilee, le bi di loln Gehasi pu nsan.

1 Bibɔrb Aabɔr 9:19

Kore aajapɔɔn Salum, u aayaaja nan ye Ebiasaf na, ni Kora aataŋaal yaab biken aatuln le nan ye ke bi li si kii Uwumbɔr Aabool aabisamɔb, ke biyaajatiib aatuln aah nan ye ke bi li kii Uwumbɔr aakookoo yaan pu na.

2 Bibɔrb Aabɔr 24:11

Iwiin mɔmɔk kan, Liifai yaab nan yoor dakaa ngbaan ti tii nnaan ni aaninkpel u yeh kina aatuln na la. N‑yoonn mumɔk u ti gbiin na, nnaan ni aagbaŋmeer, ni Utotoorninkpel aanii bi lik ŋimombil ngbaan na le ga yoor dakaa ngbaan, ki ti nyan ŋi, ki ki giin u ti siin. Kina pu na, bi nan kan ŋimombil pam.

Esra 3:7

Binib ngbaan nan tii ŋimombil ke bi di pa binib bi kpii ŋitakpal na, ni binib bi lar ki duur ŋikpan na, ki tii tijikaar, ni ndaan, ni olif aakpan ke bi di tun ti kpeln Taya ni Saidonn yaab chee santina aasui, Lebanonn aatiŋ ni. Le bi ga di kina aasugen di deen ni nnyusakpem ni ki nan saa Jopa aatiŋ mɔk. Pesia aabɔrkpaan Sairus le nan tii nsan ke bi ŋa kina mɔmɔk.