2 Bibɔrb 11:4 - Uwumbɔr aagbaŋ

⁴ Tɔ, libilolole ponn ni, le utotoor Jehoyada nan tun yin ni libɔrdichal aakikiib aaninkpiib, ni libɔrchiln ni aakikiib le ki nan tuk bi ke bi dan Uwumbɔr Aadichal ponn ni, le ki ti cha bi kii ki puu ke bi ga ŋa waah dak pu na. U nan di Ubɔr Ahasia aajapɔɔn Joas mɔk bi,

2 Bibɔrb 11:4 ပူးပေါင်းရင်းမြစ်များ

Mpiin 50:25

Josef nan bui waanib ke, “Puu tii mi man, ke n‑yoonn mu Uwumbɔr nyan nimi Ijipt aatiŋ kee ni, aan ni chaa kun Kanaann aatiŋ ni na, ni ga yoor maawon mu buen nima chee.”

2 Samuel 20:23

Joab le nan ye Israel aajab aaninkpel; le Jehoyada aajapɔɔn Benaya nan ye David aakikiib aaninkpel;

2 Samuel 8:18

le Jehoyada aajapɔɔn Benaya nan ye bijab bi kii David na aaninkpel, le David aajapɔtiib mu nan ye bisusurb.

1 Bibɔrb 14:27

Ubɔr Rehoboam nan ŋa tikumann aapen le di leŋ ŋima ngbaan aaleleŋ, le ki di ŋa bininkpiib bi ye bi kii libɔrdichal aabisamɔi na aaŋaal ni.

1 Bibɔrb 18:10

Aadindaan Uwumbɔr u bi na aayimbil pu, m puu ke ubɔr cha ti tee mban ki ban si dulnyaa wee aatingbaln mɔmɔk ni. Ujojoor umɔk ti ti bui ke saa bi waatingbaln pu na kan, see u cha ujojoor ngbaan puu ke baa sil kan si nima.

2 Bibɔrb 11:17

Utotoor Jehoyada nan cha Ubɔr Joas ni binib ngbaan nan puu tipuur tii Uwumbɔr ke bi ga li ye waanib la; u ni ubɔr ni binib ngbaan mu nan ki puu tipuur tii tɔb.

2 Bibɔrb 11:19

le u ni bininkpiib, ni ubɔr aakikiib, ni libɔrdichal aakikiib mɔmɔk, ni kitiŋ ngbaan aanib mɔmɔk nan chɔr gɔngɔn le ki cheen ubɔr nyan Uwumbɔr Aadichal ni ki di buen libɔrdichal ni ki ti di u kaan libɔrjal pu.

2 Bibɔrb 11:3

Jehoseba nan cha ubo ngbaan ni waabiyoor bɔr Uwumbɔr Aadichal ni, le u kpiini u ki ti saa ŋibin ŋiloob, le Atalia nan ye upiibɔr ki joo kitiŋ.

2 Bibɔrb 11:9

Bininkpiib ngbaan nan kii Jehoyada aah tuk bi pu na, le ki joo ni baajab u chee, bi nan joo ni binib bi fii lituln pu Likpaakool daal na, ni bi bi lituln pu na.

2 Bibɔrb 12:7

Kina pu le u nan yin ni Jehoyada ni bitotoorb biken ki nan baa bi ke, “Ba ŋa naa toor Uwumbɔr Aadichal? Ki nya din ki joo cha, ni taa ki di naah gaal ŋimombil ŋi na bil nibaa, ni di ŋi tii ni, aan Uwumbɔr Aadichal aatoorn ga ŋmaa ŋa.”

2 Bibɔrb 23:3

U nan si gbɔk nnaan aajaatɔlk chee le ki puu tipuur tii Uwumbɔr ke u ga di usui kii waamɔb ki li joo waakaal ni waamɔkm, ki ŋa tipuur ngbaan aah ban pu, aan ni ŋmee dɔ kigbaŋ ngbaan ni na. Le binib ngbaan mɔmɔk mu puu ke bi ga li joo tipuur ngbaan.

1 Bibɔrb Aabɔr 9:13

Bitotoorb bi nan ye bidichadam na, nan ti kpaan bijab lichur ni ikui ilole ni imonko itaa la. Bi nan ye binib bi nyi Uwumbɔr Aadichal ni aatuln mɔmɔk aabɔr sakpen na la.

2 Bibɔrb Aabɔr 15:12

Bi nan puu tipuur tii Uwumbɔr, u ye biyaajatiib Aadindaan na, ke bi ga li joo bisui mɔmɔk dooni uma baanja la.

2 Bibɔrb Aabɔr 29:10

“Nima le m ŋa nlandak ke m puu tipuukpaan tii timi Israel yaab Aadindaan Uwumbɔr aan u taa ki gee ti pu liŋuul.

Nehemia 10:29

sil do ki kpaan timi aayidam chee ki puu tipuur timina, ke ti ga gaa Uwumbɔr Aakaal mu u nan di tii ni waatutunn Moses na; ti ki puu tipuur ke ti ga kii Tidindaan Uwumbɔr aamɔb mbamɔm, ki ga li joo waakaal ni waah ban pu na mɔmɔk.

Nehemia 5:12

Le biyidam ngbaan gar ke, “Ti ga ŋa saah len pu na. Ti ga giin baawangol tii bi, kaan ki cha bi teen timi baah pinn nimɔk na.” Le m yin ni bitotoorb le ki cha biyidam ngbaan puu binimbil ni, ke bi ga sil ŋa baah len ke bi ga ŋa pu na.

Nehemia 9:38

Tiwan ni mɔmɔk ŋa na pu, le timi Israel aanib sil do, ki ban ke ti di ibamɔn ŋmee kimɔbaan aakpaam aagbaŋ kimina; le timi aayidam, ni Liifai yaab, ni timi aatotoorb di biŋaal paan nkpaam ngbaan pu.

Lituln 5:24

Uwumbɔr Aadichal aakikiirb aaninkpel, ni Uwumbɔr aatotoorninkpiib aah ŋun kina na, le ni muk bi pam. Baa ki nyi baah ga ŋa pu na.

Lituln 5:26

Le Uwumbɔr Aadichal aakikiirb ni baaninkpel buen ti joo ni Yesu aakpambalb ngbaan. Bi nan joo ni bi suuna, kaa chuu bi mpɔɔn; ba pu? bi san ijawaan ke kinipaak na ga mae bi ŋitakpal.

Josua 24:25

Nima pu na, liyaadaal ngbaan le Josua nan cha bi puu tipuur kina, nima chee, Sekem aatiŋ ni, le ki tii bi nsurm ni ikaal, bi li dii.

1 Samuel 18:3

Jonatann nan puu limɔfal aajɔtiik aapuur tii David, waah gee u sakpen pu na.

1 Samuel 23:18

Bima bilee ngbaan nan ki puu kijɔtiik aapuur kpaan tii tɔb. David nan gaar Hores ni, le Jonatann gir kun.