2 Bibɔrb 11:17 - Uwumbɔr aagbaŋ

¹⁷ Utotoor Jehoyada nan cha Ubɔr Joas ni binib ngbaan nan puu tipuur tii Uwumbɔr ke bi ga li ye waanib la; u ni ubɔr ni binib ngbaan mu nan ki puu tipuur tii tɔb.

2 Bibɔrb 11:17 ပူးပေါင်းရင်းမြစ်များ

2 Samuel 5:3

Kina pu le Israel yaab aayidam mɔmɔk dan Ubɔr David chee, Hebronn aatiŋ ni. U ni biyidam ngbaan nan ŋa kimɔbaan ki pɔɔ na, le bi di nkpan kpir uyil pu, ki kaan u Israel aatiŋ aanaan.

2 Bibɔrb 11:4

Tɔ, libilolole ponn ni, le utotoor Jehoyada nan tun yin ni libɔrdichal aakikiib aaninkpiib, ni libɔrchiln ni aakikiib le ki nan tuk bi ke bi dan Uwumbɔr Aadichal ponn ni, le ki ti cha bi kii ki puu ke bi ga ŋa waah dak pu na. U nan di Ubɔr Ahasia aajapɔɔn Joas mɔk bi,

2 Bibɔrb 23:3

U nan si gbɔk nnaan aajaatɔlk chee le ki puu tipuur tii Uwumbɔr ke u ga di usui kii waamɔb ki li joo waakaal ni waamɔkm, ki ŋa tipuur ngbaan aah ban pu, aan ni ŋmee dɔ kigbaŋ ngbaan ni na. Le binib ngbaan mɔmɔk mu puu ke bi ga li joo tipuur ngbaan.

1 Bibɔrb Aabɔr 11:3

Kina pu le Israel yaab aayidam mɔmɔk dan Ubɔr David chee Hebronn aatiŋ ni. U ni biyidam ngbaan nan ŋa kimɔbaan Uwumbɔr aanimbiin ni, le bi di nkpan kpir uyil pu, ki kaan u Israel aatiŋ aanaan, ke Uwumbɔr aah nan puu pu tii Samuel na.

2 Bibɔrb Aabɔr 23:16

Utotoor Jehoyada nan cha Ubɔr Joas ni binib ngbaan nan kpee u pu, le bi puu tipuur ke bi ga li ye Uwumbɔr aanib la.

2 Bibɔrb Aabɔr 29:10

“Nima le m ŋa nlandak ke m puu tipuukpaan tii timi Israel yaab Aadindaan Uwumbɔr aan u taa ki gee ti pu liŋuul.

2 Bibɔrb Aabɔr 34:31

U nan si gbɔk nnaan aajaatɔlk na, le ki puu tipuur tii Uwumbɔr ke u ga di usui mɔmɔk kii waamɔb, ki li joo waakaal ni waamɔkm, ki ŋa tipuur ngbaan aah ban pu aan ni ŋmee dɔ kigbaŋ ngbaan ni na.

Esra 10:3

Taah ban pu dandana wee na le ye ke ti ga puu tipuukpaan tii timi Aawumbɔr, ke ti ga di bipiib ngbaan ni baabim lii. Ti ga ŋa aa ni binib bi nyuŋni Uwumbɔr aakaal na aah sur timi ke ti ŋa pu na. Ti ga ŋa Uwumbɔr aakaal aah len pu na.

Nehemia 9:38

Tiwan ni mɔmɔk ŋa na pu, le timi Israel aanib sil do, ki ban ke ti di ibamɔn ŋmee kimɔbaan aakpaam aagbaŋ kimina; le timi aayidam, ni Liifai yaab, ni timi aatotoorb di biŋaal paan nkpaam ngbaan pu.

Jeremia 34:8

Ubɔr Sedekia ni Jerusalem aanib nan ŋa kimɔbaan ke

2 Korenti 8:5

Bi tii ki jer taah nan dak pu na. Njan, le bi di bibaa tii Tidindaan, le ki nin di bibaa tii ti mu, Uwumbɔr aageehn pu.

Josua 24:25

Nima pu na, liyaadaal ngbaan le Josua nan cha bi puu tipuur kina, nima chee, Sekem aatiŋ ni, le ki tii bi nsurm ni ikaal, bi li dii.

1 Samuel 10:25

Samuel nan kpiir tuk binib ngbaan ubɔr aasan, ni waatun aah ye pu na, le ki ŋmee ni ŋa kigbaŋ ponn ni, ki di bil Uwumbɔr aadiik ni, le ki cha binib ngbaan mɔmɔk gir kun.