2 Bibɔrb 11:14 - Uwumbɔr aagbaŋ

¹⁴ Nima chee le u ti kan ubɔrpɔɔn ngbaan si Uwumbɔr Aadichal aajaatɔlk chee, nkaal aah mɔk ke bi ŋa ubɔr pu na. Butɔb aajab aaninkpiib ni binib bi pii kakaan tiib na le nan si gob u, le binib ngbaan mɔmɔk kpa mpopiin aafuuk ki pii kakaan tiib. Atalia nan daa kar waawanpeenkaan mpombiin pu, le ki teen mpɔɔn pu ke, “Linibiil, linibiil.”

2 Bibɔrb 11:14 ပူးပေါင်းရင်းမြစ်များ

Mpiin 37:29

Tɔ, Rubenn nan dan nnyunbun ngbaan chee ki lik, kaa kan Josef mu ponn ni, le u chuu waawanpeenkaan daa kar mpombiin pu,

Mpiin 44:13

Le ukpetiib aah kan kina na, bisui bii sakpen, le bi chuu baawanpeenkaan daa kar, le ki yoor baatun paan ibon pu, ki gir buen kitiŋ ponn ni.

1 Bibɔrb 1:25

Din wee na, u buen ti di inaaja, ni ipiih, ni inaabi i bi kpiin i aan i filk sakpen na pam toor kitork. U chɔi aajapɔtiib, ni saajab aaninkpel Joab, ni utotoor Abiatar. Libuul lee ni, bi bi ji u chee njim ki tar ke, ‘Ubɔr Adonija li kpa limɔfafɔfɔŋ.’

2 Bibɔrb 11:15

Jehoyada aa nan ban ke bi ku Atalia, Uwumbɔr Aadichal chee, kina pu le u bui butɔb aajab aaninkpiib ngbaan ke: “Di u bɔ dii bikikiib aakaasisik ni, ki ku unii umɔk ban ke u gaa u lii na.”

2 Bibɔrb 23:3

U nan si gbɔk nnaan aajaatɔlk chee le ki puu tipuur tii Uwumbɔr ke u ga di usui kii waamɔb ki li joo waakaal ni waamɔkm, ki ŋa tipuur ngbaan aah ban pu, aan ni ŋmee dɔ kigbaŋ ngbaan ni na. Le binib ngbaan mɔmɔk mu puu ke bi ga li joo tipuur ngbaan.

2 Bibɔrb 9:13

Libuul ngbaan ni le Jehu aaŋeen aatɔtiib bininkpiib ngbaan di tiwanpeenkaan ni bi pee paab na ter ŋibimbin ŋi pu bi taar joi paacham aadiik ni na ke Jehu taa ni pu, le ki pii kakaan tiib ki teen ke, “Jehu le ye ubɔr.”

2 Bibɔrb 9:23

Le Joram teen ke, “Ahasia, linibiil,” le ki daa mur waatɔroku ki di kar kpaa.

1 Bibɔrb Aabɔr 12:40

Binib nan nyan ni Isakar, ni Sebulunn, ni Naftali aanibol ŋi bi ŋŋangan wɔb dandar na, ki joo ni tijikaar ti ye n‑yon, ni ŋikakan, ni ŋisubil ŋi bi den ŋi aan ŋi kuur na, ni ŋisubil aadaan, ni olif aakpan, ibon, ni laakumii tiib, ni tiwakor ti naahn ibon na, ni inaa pu, nan tii bi. Bi nan ki joo ni inaa ni ipiih ke bi nan li kɔr ŋmɔ. Kitiŋ ngbaan mɔmɔk aanib aapopiin mu bi nan kpa na, le bi nan joo mɔk na.

2 Bibɔrb Aabɔr 34:31

U nan si gbɔk nnaan aajaatɔlk na, le ki puu tipuur tii Uwumbɔr ke u ga di usui mɔmɔk kii waamɔb, ki li joo waakaal ni waamɔkm, ki ŋa tipuur ngbaan aah ban pu aan ni ŋmee dɔ kigbaŋ ngbaan ni na.

Ŋiyataŋak 29:2

Mɔk mi unibamɔnn u bi mpɔɔn ni na, aan m mɔk si ke waanib kpa mpopiin. Mɔk mi ubiindaan u bi mpɔɔn ni na, aan m mɔk si ke waanib kpa mpombiin la.

Tibɔnyaan ti Luk ŋmee ti na 19:37

Le u peen Jerusalem, ki fuu baah sunni Olif aasui aajool nin chee na. Baah fuu nima chee na, le kinipaak kimɔk dii u na piin ki bi mɔɔni. Baah kan u tun lijinjiir aatun mɔmɔk pu na, le bi pak Uwumbɔr mpɔɔn pu,