2 Bibɔrb 10:31 - Uwumbɔr aagbaŋ

³¹ Tɔ, Jehu aa nan di usui mɔmɔk kii Israel yaab Aadindaan Uwumbɔr aakaal; u nan labr dii Jeroboam u nan di Israel yaab koon titunwanbir ni na aasan la.

2 Bibɔrb 10:31 ပူးပေါင်းရင်းမြစ်များ

1 Bibɔrb 14:16

Jeroboam aah tun titunwanbir ki cha Israel yaab mu tun pu na le ga cha Uwumbɔr yii Israel yaab.”

1 Bibɔrb 2:4

Aa yaa kii Uwumbɔr aamɔb kan, u ga li joo tipuur ti u puu ki tuk mi, ke n‑yaabitiib yaa di bipobil ni bisui mɔmɔk kii waah len pu na mɔmɔk, ki ŋani kina kan, bi ga li ye Israel yaab aajojoob ki cha.

2 Bibɔrb 10:29

Tɔ, u nan tee dii Ubɔr Jeroboam, u nan di Israel aanib koon titunwanbir ponn ni ke bi li dooni salmaa aanaaja naankee ilee i bi nan di siin Betel, ni Dann aatim ni na.

2 Bibɔrb 17:22

Bi nan dii Jeroboam le ki tun titunwanbir ti mɔmɔk u tun na,

2 Bibɔrb 3:3

Tɔ, Nebat aajapɔɔn Ubɔr Jeroboam u nan puen u jin nnaan na aah nan bi pu na, u mu bi kina la, le ki nan cha Israel yaab tun titunwanbir kaa di cha.

2 Bibɔrb Aabɔr 6:16

Tɔ, Israel yaab Aadindaan Uwumbɔr, li joo tipuur tiken ti aa nan puu tii nte, ki bui u ke uyaabitiib yaa joo saakaal ke waah joo i pu na kan, bi ponn ni ubaa ga li bi n‑yoonn mɔmɔk ki ye Israel yaab aabɔr ki joo bi.

Nehemia 10:29

sil do ki kpaan timi aayidam chee ki puu tipuur timina, ke ti ga gaa Uwumbɔr Aakaal mu u nan di tii ni waatutunn Moses na; ti ki puu tipuur ke ti ga kii Tidindaan Uwumbɔr aamɔb mbamɔm, ki ga li joo waakaal ni waah ban pu na mɔmɔk.

Ilahn 119:9

Binib bi laa diin na yaa ban baabimbin li ŋan kan, see bi kii saakaal.

Ilahn 39:1

M len ke, “M ga chuu mbaa maatuln chee, ki taa cha nlambil di mi koon titunwanbir ni. Buyoonn titunwanbirdam bi m chee na kan, maan len tibaa.”

Ilahn 78:10

Baa nan joo tipuur ti bi nan puu tii Uwumbɔr na; bi yii, kaa joo waakaal.

Ŋiyataŋak 4:23

Li nyi saah dak pu na; saabimbin naahn saalandak la.

Esekiel 36:27

M ga di Maafuur Nyaan ŋa ni ponn ni aan ki cha ni li joo maakaal, ni maah mɔk nimi ke ni li ŋani pu na mɔmɔk.

Daniel 9:10

Tidindaan Uwumbɔr, ti nan yii kaa ŋun tii si, buyoonn aa nan bui timi ke ti li bi saah nan siin ikaal i ki di tii ni saatutum bi ye saabɔnabr na.

Ikaal 4:15

“N‑yoonn mu Uwumbɔr nan len ni chee tibɔr, mmii ni, Sainai Aajool pu na, naa nan waa u. Ni yaa ban ke ni li ŋan tii nimi kan, ni chuu nibaa

Ikaal 4:23

Ni pɔɔn nibaa, ki taa suln tipuur ti Nidindaan Uwumbɔr nan puu tii nimi na. Ni kii waamɔb, ki taa naan liwaal libaa tii nibaa.

Ikaal 5:33

Ni li joo i mɔmɔk mbamɔm, aan nima kan, naah ban ni gaa kitiŋ ki aan ki li koo ki ponn ni na, tiwan mɔmɔk ga li ŋan tii nimi, le ni ga yunn ki ponn ni.

Hiibru Yaab 12:15

Ni li nyi man, ubaa taa lann Uwumbɔr aanyoor. Ni li nyi man, ubaa taa cha usui li to, ki li muk nimi ki cha binib pam yenn.

Hiibru Yaab 2:1

Nima pu na, ni ŋan ke titafal li bi tibɔnyaan ti ti ŋun ti na ponn ni, ti taa di ti lii.