2 Bibɔrb 10:19 - Uwumbɔr aagbaŋ

¹⁹ Kuun ni man liwaal Baal aabɔnabtiib mɔmɔk, ni binib bi dooni li na mɔmɔk, ni laatotoorb mɔmɔk. Ubaa taa gur; m ban m ti toor kitork sakpeŋ le tii liwaal Baal, le umɔk yii kaa dan na, bi ga ku u.” Jehu nan pen bi nlan kina le ke u di ku binib bi mɔmɔk dooni liwaal Baal na.

2 Bibɔrb 10:19 ပူးပေါင်းရင်းမြစ်များ

1 Bibɔrb 18:19

Tɔ, kuun Israel aanib mɔmɔk aan bi nan kan mi Kamel Aajool paab. Cha liwaal Baal aawaadam ikui inaa ni piiŋmu na, ni liwaapii Asera mu aawaadam ikui inaa bi Upiibɔr Jesebel kpiini bi na li dii ni.”

1 Bibɔrb 22:6

Kina pu le Ahab nan yin ni bibɔnabr bi aawiwiir ga nan pii ikui inaa na, le ki nan baa bi ke, “M buen ti tak Ramof aatiŋ aan m taa buen?” Bi nan gar u ke, “Ti tak ki. Tidindaan ga tii si linyaŋ.”

2 Bibɔrb 10:18

Jehu nan kuun Samaria aanib nan kpaan le ki bui bi ke, “Ubɔr Ahab nan dii liwaal Baal siib, m ma ga dii li sakpen.

2 Bibɔrb 3:13

Le Elaisa baa Israel yaab aabɔr ke, “M ga ŋa kinye aan ki ter si? Li cha aate ni aana aah nan chaa ŋiwaa aabɔnabr bi chee na.” Le Joram gar u ke, “Aayii. Uwumbɔr le di timi bibɔrb bitaa bimina ŋa Moab yaab aabɔr aaŋaal ni.”

Job Aagbaŋ 13:7

Ba ŋa ni geei inyamɔn? Ni dak ke nimi aanyamɔn ngbaan tii Uwumbɔr tinyoor la aa?

Ŋiyataŋak 29:5

Aa yaa joo kimɔmɔɔn ŋmanni aajɔtiib kan, aa bi pen aabaa gaawɔb la.

2 Korenti 11:3

M san ijawaan ke binib ga ŋmann nimi, ni taa ki dii Kristo mbamɔm, ke kinimbɔŋ aah nan ŋmann Adam aapuu Iif pu na.

2 Korenti 4:2

Ti yii inimɔɔn aatuln, ni mbɔmbɔɔn aatuln, kaa ŋmanni binib, kaa kpelni Uwumbɔr aabɔr. Ti bi Uwumbɔr aanimbil ni la. Nima le cha ti tuk binib waabɔr mbamɔm, aan bi mɔmɔk bee ke ti len mbamɔn.

1 Tesalonika 2:3

Taah tuk nimi waabɔnyaan ngbaan na, tibɔr ngbaan aa ye nnyamɔn. Taa ŋmann nimi. Ti nan bi chain la.