2 Bibɔrb 10:11 - Uwumbɔr aagbaŋ

¹¹ Le Jehu ku Ahab aado yaab bi mɔmɔk koo Jesreel aatiŋ ni na mu, ki ku waaninkpiib mɔmɔk, ni ujɔtiibamɔm, ni waatotoorb; ubaa kina aa nan gur.

2 Bibɔrb 10:11 ပူးပေါင်းရင်းမြစ်များ

1 Bibɔrb 14:10

Nimina pu na, m ga cha tibɔbir pii ni saanaanjirb ki ga ku aayaabitiib bi ye bijab na mɔmɔk. M ga ku mbim ni bininkpiib mɔmɔk la. M ga kuln saadichal; m ga ŋar bi ŋŋaan ke tinaabin na la.

1 Bibɔrb 15:29

Libuul ngbaan ni le u kpaan piin ki ku Jeroboam aadichal aanib. Uwumbɔr aah nan cha waatutunn, waabɔnabr Ahija, u nyan ni Silo aatiŋ ni na len pu na, bi nan ku Jeroboam aadichal aanib mɔmɔk; ubaa kina aa nan ŋmar.

1 Bibɔrb 16:11

Simri aah nab nnaan pu na, libuul ngbaan ni le u kpaan ku Baasa aadichal aanib mɔmɔk. Uja umɔk nan ye Baasa aado yoo bee ujɔ na, bi nan ku bi mɔmɔk.

1 Bibɔrb 18:19

Tɔ, kuun Israel aanib mɔmɔk aan bi nan kan mi Kamel Aajool paab. Cha liwaal Baal aawaadam ikui inaa ni piiŋmu na, ni liwaapii Asera mu aawaadam ikui inaa bi Upiibɔr Jesebel kpiini bi na li dii ni.”

1 Bibɔrb 18:40

Le Elaija bui bi ke, “Chuu liwaal Baal aawaadam man; taa cha ubaa san ŋmar man.” Le binib ngbaan nan chur bi mɔmɔk, le Elaija di bi buen Kisonn Aamɔɔl ni ki ti ku bi mɔmɔk.

1 Bibɔrb 21:22

Saadichal ga ŋa ke Nebat aajapɔɔn ubɔr Jeroboam aadichal na, ki ki bi ke Ahija aajapɔɔn Ubɔr Baasa aadichal na. Saah fiin maaŋuul ki cha Israel yaab tun titunwanbir pu na, le ni ga ŋa kina.’

1 Bibɔrb 21:29

“Aa kan Ahab aah sunn ubaa taab nnimbiin ni pu na aa? Waah ŋa pu na, maan cha tibɔbir dan u pu buyoonn u laa fu na; ujapɔɔn aamɔfal ni, le m ga cha tibɔbir dan Ahab aadichal pu.”

1 Bibɔrb 22:6

Kina pu le Ahab nan yin ni bibɔnabr bi aawiwiir ga nan pii ikui inaa na, le ki nan baa bi ke, “M buen ti tak Ramof aatiŋ aan m taa buen?” Bi nan gar u ke, “Ti tak ki. Tidindaan ga tii si linyaŋ.”

2 Bibɔrb 10:12

Jehu nan nyan Jesreel aatiŋ ni le ki cha Samaria aatiŋ ni. Waah cha ki ti fuu nin chee bi yin nima chee ke, “Bipihkpaab Aakookoo yaan” na,

2 Bibɔrb 23:20

U nan kɔr uwaadaan mɔk waah nan toor kitork libimbiln li pu na la, le ki di unibɔn aakpab see mmii ni libimbiln mɔk pu, le ki gir kun Jerusalem aatiŋ ni.

2 Bibɔrb 9:7

Aa ku saaninkpel u ye Ahab aajapɔɔn ki ye ubɔr na, le m ga ŋmaa daa Jesebel aatafal, waah ku maabɔnabtiib ni maatutum biken pu na pu.

2 Bibɔrb 9:9

M ga ŋa waadichal ke maah ŋa Israel yaab aabɔr Jeroboam, ni baabɔr Baasa aadichal pu na.

2 Bibɔrb Aabɔr 22:7

Uwumbɔr nan di lisachuln limina le daa ker Ahasia lii kitiŋ. Waah nan bi nima chee na, le Nimsi aajapɔɔn Jehu, u Uwumbɔr nan lee ke u kuln Ahab aanaan na dan nan lir u ni Joram pu.

2 Bibɔrb Aabɔr 22:8

Jehu aah nan bi tun Uwumbɔr aah siin nnaan ngbaan ntafadaan mu na aatuln pu na, le u ti kan binib bibaa. Bi nan ye Juda aasalolm bibaa, ni Ahasia aado yaab aajapɔtiib bi nan cheen u ke u ti mann Joram na la. Jehu nan ku bi mɔmɔk.

Job Aagbaŋ 18:19

Waa kpa yaabitiib, waa kpa ubaa u ŋmar.

Ilahn 109:13

Cha uyaabitiib mɔmɔk kpo, ki cha n‑yoonn mu choo na yaab suln waayimbil bɔr.

Ilahn 125:5

Tɔ, aa yaa nan daa bibiindam aatafal kan, aa daa binib bi yii saasan na mu aatafal. Nsuudoon li bi Israel yaab pu.

Ŋiyataŋak 13:20

Li dii bilandam aan ki kan nlan. Aa yaa jɔnn bigbaam kan, aa junn saamɔfal la.

Hosea 1:4

le Uwumbɔr bui Hosea ke, “Yin u ke ‘Jesreel,’ ba pu? naan yunn le m ga daa Israel aabɔr aatafal, uyaaja Jehu aah nan ku binib bi bi Jesreel ni na pu. M ban m kuln Jehu aanaan aadichal la.

Josua 10:30

Uwumbɔr nan di kitiŋ ngbaan tii Israel yaab, le bi nyaŋ ki, ni kaabɔr. Bi nan ku unii mɔmɔk a, baa nan cha ubaa ŋmar. Bi nan ŋa ubɔr ngbaan ke baah nan ŋa Jeriko aabɔr pu na la.

Josua 11:8

Uwumbɔr nan cha Israel yaab nyaŋ bi. Israel yaab nan lir bi pu, ki san dii bi ki ti nyan Misrefof Mayim, ni Saidonn aatim ni, ŋŋangan wɔb, le bi jer nima ki ti saa Mispa aafataŋ ni, liwipuul wɔb. Butɔb ngbaan nan bi kina le Israel yaab ti nin ku baadim mɔmɔk doo.

Josua 15:56

ni Jesreel, ni Jokdeam, ni Sanoa,

Tibɔkpiirkaan 19:20

Le u chuu upeel ngbaan, ni waabɔnabr u nan tun lijinjiir aatun unimbiin ni ki ŋmanni binib bi nan gaa upeel ngbaan aadaan ki dii waawaal na. Bi nan chuu upeel ngbaan ni waabɔnabr ngbaan ki di ŋa chirbil aamii sakpiin ni, bifuub.

Tibɔkpiirkaan 20:10

Le Uwumbɔr chuu kinimbɔŋ ki ŋmann bi na, ki di ki ŋa chirbil aamii ni, upeel ngbaan ni waabɔnabr u nan ŋmanni binib na aah bi nin chee na. Le bi ga ji falaa, nwiin pu ni kinyeek ki ti saa n‑yoonn mu kaa kpa ndoon na.