2 Bibɔrb 1:3 - Uwumbɔr aagbaŋ

³ Le Uwumbɔr aatuun nan bui Elaija, u nan ye waabɔnabr ki nyan ni Tisbe aatiŋ ni na, ke u buen ti keln Ubɔr Ahasia aah tun binib bi na, ki baa bi ke, “Ba ŋa ni cha ni ti buu tibɔɔr Ekronn aatiŋ aawaal Baal‑Sebub chee? Ni ye le ke ni dak ke Uwumbɔr aa bi Israel aatiŋ ni ii?

2 Bibɔrb 1:3 ပူးပေါင်းရင်းမြစ်များ

1 Bibɔrb 11:33

Solomonn aa yii mi ki dooni ŋiwaa na pu le m ga ŋa kina. U dooni Saidonn yaab aawaapii Astaate; ni Moab yaab aawaal Kemos, ni Amonn yaab aawaal Molek. Solomonn yii maamɔb; u tun mi taani, kaa joo maakaal, ni maah bui u pu na, ke ute David aah nan joo pu na.

1 Bibɔrb 17:1

Uwumbɔr aabɔnabr, u bi nan yin u ke Elaija, aan u nyan ni Tisbe aatiŋ ki bi Gilead ni na le nan bui Ubɔr Ahab ke, “M ye timi Israel yaab Aadindaan Uwumbɔr u bi na aatutunn. M tuk si waayimbil pu ke limaln bee utaal aan ki juu kitiŋ pu ki ti saa ŋibin ŋilee bee ŋitaa, see m ti bui u ke u nu.”

1 Bibɔrb 18:1

Ni nan bi cha ki ti saa ntaaweel ngbaan aabitatar ni, le Uwumbɔr bui Elaija ke, “Buen ki ti di aabaa mɔk Ubɔr Ahab aan m cha utaal sunn ni.”

1 Bibɔrb 18:36

Naah nan ŋeer nwiin pu aatork yoonn na, le Elaija buen ti sil kitork ngbaan chee ki mee ke, “Abraham, ni Aisak, ni Jakob Aadindaan Uwumbɔr, mɔk dandana ke sin le ye Israel yaab Aawumbɔr, le m ye saatutunn ki bi ŋani nimina saah tuk mi pu na pu la.

1 Bibɔrb 19:5

U nan doon busub ngbaan taab le ki kpaan geen. Libuul ngbaan ni le Uwumbɔr aatuun meeh u le ki len ke, “Fii ki ji.”

1 Bibɔrb 19:7

Uwumbɔr aatuun ngbaan nan ki gir nan finn u lelee ki len ke, “Fii kal ki ji, naa ye kina kan, lisachuln ngbaan ga tii si tibakr pam.”

1 Bibɔrb 21:17

Le Uwumbɔr bui waabɔnabr Elaija u nyan ni Tisbe aatiŋ ni na ke,

2 Bibɔrb 1:2

Israel yaab aabɔr Ahasia nan si waabɔrdichal aachiln li bi ŋa lidichal ngbaan aapaacham na, le ki ker lir ni, ki kan titotonn pam. Kina pu le u nan tun Filistia yaab aawaal Baal‑Sebub li bi Ekronn aatiŋ ni na chee, ke bi ti baa lik ke u ga ŋmar aan waan ŋmar.

2 Bibɔrb 1:6

Le bi gar u ke, “Uja ubaa le ton timi nsan ni, le ki bui timi ke ti gir ni ki nan tuk si ke Uwumbɔr bui si ke, ‘Ba ŋa aa tun binib ke bi ti buu Ekronn aawaal Baal‑Sebub chee tibɔɔr? Ni ye le ke aa dak ke Uwumbɔr aa bi Israel aatiŋ ni ii? Saan fii saabunbunn tee pu; aa ga kpo.’”

2 Bibɔrb 1:8

Le bi gar u ke, “U pee kikpalk ki bi di kiwakork aagban ŋal ki na, le ki di ligbapapaln buu uchaŋ ni.” Le ubɔr ngbaan teen ke, “Tisbe aatiŋ aanii Elaija ye,”

2 Bibɔrb 5:15

U nan di waajab bi mɔmɔk nan dii u na gir buen Elaisa chee le ki ti bui u ke, “M bee dandana ke Uwumbɔr ubaa aa ki bi see Israel yaab Aawumbɔr baanja; kina pu na, m gaŋ si, gaa m chee ipiin.”

2 Bibɔrb 5:8

Elaisa aah ŋun tibɔr ti ŋa na, le u tii ubɔr lilambil ke: “Ba ŋa aa cha aasui bii kina? Cha uja ngbaan dan m chee, aan m mɔk u ke Uwumbɔr aabɔnabr bi Israel aatiŋ pu.”

Ilahn 76:1

Juda aatiŋ yaab mɔmɔk nyi Uwumbɔr bɔr; Israel yaab nyuŋni waayimbil.

Aisaya 8:19

Le binib ga bui nimi ke ni buen bibɔɔb, ni binyɔkdam, ni bipɔnijoob chee ki ti baa bi ke, “Ti ga ŋa kinye?” Bi ga len ke, “Ni ŋan ke binib li buu ibɔɔ ki baa lik bibaa pu.”

Jona 2:8

Binib bi dooni ŋiwaa ŋi kaa po kpa tinyoor tibaa na yii saanimbaasaln.

Tibɔnyaan ti Mak ŋmee ti na 3:22

Uwumbɔr aakaal aamɔmɔkb bi nyan ni Jerusalem na le bui ke kinimbɔŋ, ki bi yin ki ke Beelsebul, u ye tiyayaar aayidaan na, le joo u ki tii u mpɔɔn ke u nyan tiyayaar binib ni.

Lituln 8:26

N‑yoonn ngbaan le Uwumbɔr aatuun tuk Filip ke u gor ki dii ŋŋangii wɔb, ki dii timoor ni aasan mu nyan Jerusalem ki cha Gasa aatiŋ ni na. Dandana wee, nsan ngbaan ŋa nsankpok a.

1 Samuel 17:46

Din aataak kee le Uwumbɔr ga di si ŋa maapɔɔn ni. M ga nyaŋ si ki gii aayil, ki di Filistia aajab aawon tii inyoon ni ipeel, le dulnyaa wee mɔmɔk bee ke Israel yaab sil kpa Uwumbɔr,