2 Bibɔrb 1:2 - Uwumbɔr aagbaŋ

² Israel yaab aabɔr Ahasia nan si waabɔrdichal aachiln li bi ŋa lidichal ngbaan aapaacham na, le ki ker lir ni, ki kan titotonn pam. Kina pu le u nan tun Filistia yaab aawaal Baal‑Sebub li bi Ekronn aatiŋ ni na chee, ke bi ti baa lik ke u ga ŋmar aan waan ŋmar.

2 Bibɔrb 1:2 ပူးပေါင်းရင်းမြစ်များ

1 Bibɔrb 11:33

Solomonn aa yii mi ki dooni ŋiwaa na pu le m ga ŋa kina. U dooni Saidonn yaab aawaapii Astaate; ni Moab yaab aawaal Kemos, ni Amonn yaab aawaal Molek. Solomonn yii maamɔb; u tun mi taani, kaa joo maakaal, ni maah bui u pu na, ke ute David aah nan joo pu na.

1 Bibɔrb 14:3

Aa li joo u ŋiboroboro kpin kipiik, ni maab, ni tisiir ntuun ponn ni. Aa ti baa ki bee tiwan ni ga ŋa tijapɔɔn na, aan u bui si.”

1 Bibɔrb 22:34

Tɔ, Siria aaja ubaa aa nan nyi, le ki too waapiin le mu ti yun Ubɔr Ahab aajaak aabɔkul aah nab tɔb pu nin chee na. Le u teen tuk uja u ŋaal waataan aatɔroku na ke, “M kan titotonn a. Fenn aapuwɔb ki nya butɔb ni.”

1 Bibɔrb 22:40

Waah kpo na, le ujapɔɔn Ahasia nab waanaan pu.

2 Bibɔrb 1:16

le ki ti bui u ke, “Uwumbɔr aah len pu na sɔ: ‘Saah tun binib ke bi ti buu Ekronn aatiŋ ni aawaal Baal‑Sebub chee tibɔɔr ke Uwumbɔr le aah kaa bi Israel aatiŋ pu aan aa ga baa u chee na, saan fii saabunbunn tee pu; aa ga kpo.’”

2 Bibɔrb 1:3

Le Uwumbɔr aatuun nan bui Elaija, u nan ye waabɔnabr ki nyan ni Tisbe aatiŋ ni na, ke u buen ti keln Ubɔr Ahasia aah tun binib bi na, ki baa bi ke, “Ba ŋa ni cha ni ti buu tibɔɔr Ekronn aatiŋ aawaal Baal‑Sebub chee? Ni ye le ke ni dak ke Uwumbɔr aa bi Israel aatiŋ ni ii?

2 Bibɔrb 1:6

Le bi gar u ke, “Uja ubaa le ton timi nsan ni, le ki bui timi ke ti gir ni ki nan tuk si ke Uwumbɔr bui si ke, ‘Ba ŋa aa tun binib ke bi ti buu Ekronn aawaal Baal‑Sebub chee tibɔɔr? Ni ye le ke aa dak ke Uwumbɔr aa bi Israel aatiŋ ni ii? Saan fii saabunbunn tee pu; aa ga kpo.’”

2 Bibɔrb 17:16

Bi nan bii Bidindaan Uwumbɔr aakaal mɔmɔk, le ki naan tikur aanaajabi ilee ki dooni i; bi nan ki naan liwaapii Asera aanaŋ mu, ki dooni iŋmabi, le ki dii liwaal Baal.

Job Aagbaŋ 31:3

U joo ni tibɔbir ni libiil le nan tii binib bi tun taani na.

Solomonn Aalahn 2:9

Mbɔɔn naahn upeeyun la, u naahn lipeemanbil la. Uma le ti si tab ligoln na. U baani takolu ni le ki lik, le ki biini takolu aakekeln ki lik ni.

Aisaya 19:3

M ban m bii Ijipt yaab aah kpokl pu na ki yɔl bitaakpab la. Bi ga buen ti bui baawaa ke ŋi ter bi, ki ga buen bipɔnijoob ni bitekpiib chee ke bi mɔk bi baah ga ŋa pu na.

Aisaya 2:6

Uwumbɔr, aa yii saanib, Jakob aayaabitiib. Ki nya liwipuul wɔb ki ti saa Filistia aatiŋ ni mɔmɔk ye nin chee inyɔk aatuln gbii na la, le Israel aanib mu dii biwɔwɔm ngbaan aakaal.

Aisaya 37:12

N‑yaajatiib le nan kuln Gosann, ni Harann, ni Resef aatisakpem, le ki ku Bef Edenn aanib bi nan bi Telasar na, le bi mɔmɔk aawaa aa nan ŋman ki gaa bi lii.

Aisaya 37:19

ki see baawaa mmii, ŋi nan po ye unibɔn aah di uŋaal naan tiwan ni na la.

Matiu 10:25

Unii u bae mbaem na yaa bi ke waamɔmɔkr aah bi pu na kan, cha unimbil gbiin kina. Unaagbiija yaa bi ke udindaan na kan, cha unimbil gbiin kina. Bi yaa yin udichadaan kinimbɔŋdaan kan, baan yin waachiln ni aanib mu kinimbɔŋdam aa?”

Tibɔnyaan ti Mak ŋmee ti na 3:22

Uwumbɔr aakaal aamɔmɔkb bi nyan ni Jerusalem na le bui ke kinimbɔŋ, ki bi yin ki ke Beelsebul, u ye tiyayaar aayidaan na, le joo u ki tii u mpɔɔn ke u nyan tiyayaar binib ni.

Tibɔnyaan ti Luk ŋmee ti na 11:15

Bi ponn ni bibaa mu bui ke kinimbɔŋ ki bi yin ki ke Beelsebul, u ye tiyayaar aayidaan na, le tii u mpɔɔn ke u nyan tiyayaar binib ni.

Lituln 20:9

Unachipɔɔn ubaa nan bi nima, bi yin u ke Yutikus. U nan ka kiditatar aatakolu pu, le ngeen chuu u. Pɔɔl aah bi len tibɔr ki yunn na, le u geen, ki ker lir kitiŋ. Le bi mɔmɔk nyan ni, ki sunn ti yoor u. U mu kpo a.

Josua 15:11

Kitiŋ ngbaan aanaanmɔk ki yoor kina, ki dii buen ligongoln li bi Ekronn aaŋangan wɔb na, ki fenn kpaa Sikeronn, ki dii Baala Aajool aataab, le ki ti ker Jamnia aatiŋ, ki nan ti doo Kaasisik ni Aanyusakpem chee la.

Bibɔjirb 11:24

Aa ban ke aa pɔɔn aabaa ki ki gaa kitiŋ ngbaan la aa? Li joo saawaal Kemos aah tii si tiwan nimɔk na. Ti ban ti li joo Tidindaan Uwumbɔr aah di ni tii timi na la.

Bibɔjirb 5:28

Sisera aana nan baan takolu ni, ki lik ni, u nan fiir takolu aakekeln ki lik ni, le ki baa ke, “Ba ŋa waataan aatɔroku taan sakpen kina? Ba ŋa waataan aa gir ni mala?”

1 Samuel 5:10

Le bi yoor Uwumbɔr Aakaal Aadakaa ngbaan buen Filistia yaab aatiŋ ki bi yin ki ke Ekronn na ponn ni; le nima aanib teen ke, “Bi joo ni Israel yaab Aawumbɔr Aadakaa do, ke bi nan ku ti mɔmɔk la.”