2 Bibɔrb 1:16 - Uwumbɔr aagbaŋ

¹⁶ le ki ti bui u ke, “Uwumbɔr aah len pu na sɔ: ‘Saah tun binib ke bi ti buu Ekronn aatiŋ ni aawaal Baal‑Sebub chee tibɔɔr ke Uwumbɔr le aah kaa bi Israel aatiŋ pu aan aa ga baa u chee na, saan fii saabunbunn tee pu; aa ga kpo.’”

2 Bibɔrb 1:16 ပူးပေါင်းရင်းမြစ်များ

1 Bibɔrb 22:28

Le Mikaya teen ke, “Aa yaa gir ni ni laafee kan, kina kan, Uwumbɔr le aa len m chee tibɔr ke m di nabr si,” le ki ki len ke, “Ni mɔmɔk pel maah len pu na man.”

2 Bibɔrb 1:6

Le bi gar u ke, “Uja ubaa le ton timi nsan ni, le ki bui timi ke ti gir ni ki nan tuk si ke Uwumbɔr bui si ke, ‘Ba ŋa aa tun binib ke bi ti buu Ekronn aawaal Baal‑Sebub chee tibɔɔr? Ni ye le ke aa dak ke Uwumbɔr aa bi Israel aatiŋ ni ii? Saan fii saabunbunn tee pu; aa ga kpo.’”

2 Bibɔrb 20:1

N‑yoonn mumina le ubɔrkpaan Hesekia nan buŋ ki ti gur siib u kpo. Uwumbɔr aabɔnabr Aisaya, u aate nan ye Amos na nan buen u ti mann u, le ki ti bui u ke, “Uwumbɔr bui ke, ‘Gor tiwan mɔmɔk, ba pu? saan ŋmar. Gor ki li kii nkun.’”

2 Bibɔrb 5:21

le ki di siir paan Naamann pu. Naamann aah kan ke unii san paa ni u pu na, le u nyan waatɔroku ni ki tooh u nsan pu, ki baa ke, “Tibaa le ŋa aa?”

2 Bibɔrb 8:10

Le Elaisa gar u ke, “Uwumbɔr kpiir tuk mi ke u ga kpo; aa mu ti tee tuk u ke u ga pɔɔk.”

2 Bibɔrb 8:8

le u bui waaninkpel u bi yin u ke Hasael na ke, “Ban ipiin ki ti tii Uwumbɔr aabɔnabr ngbaan ki bui u ke u baa Uwumbɔr ki lik ke m ga pɔɔk aan maan pɔɔk.”

Ilahn 132:3

U nan puu ke, “Maan kun linampal, kaan doon geen,

Ŋiyataŋak 11:19

Unii umɔk aanimbil man ke u ŋa tiwan ni ŋan na ga li kpa limɔfal, tɔ, unii umɔk aanimbil man ke u tun titunwanbir na ga kpo.

Esekiel 14:4

“Len bi chee tibɔr ki bui bi min Bidindaan Uwumbɔr aah tuk bi pu na: Israel aanii umɔk di usui tii ŋiwaa aan ki cha ŋi di u tun titunwanbir aan u ki dan maabɔnabr chee na, ga kan ngarm mu waawaa ŋi wiir ngbaan na ban na.