2 Bibɔrb 1:13 - Uwumbɔr aagbaŋ

¹³ Ubɔr ngbaan nan ki di uninkpel uken ni bijab piiŋmu tun. U nan jon ligongoln ngbaan le ki gbaan utaŋaayil pu Elaija aanimbiin ni, le ki gaŋ u ke, “Uwumbɔr aanii, san m ni maajab kinimbaak. Taa ku timi.

2 Bibɔrb 1:13 ပူးပေါင်းရင်းမြစ်များ

1 Bibɔrb 13:6

Ubɔr Jeroboam nan bui Uwumbɔr aabɔnabr ngbaan ke, “Ŋaanii ki mee Aadindaan Uwumbɔr tii mi, aan u cha ŋŋaal ki pɔɔk.” Uwumbɔr aabɔnabr ngbaan nan mee Uwumbɔr, le ubɔr aaŋaal pɔɔk.

2 Bibɔrb 1:12

Le Elaija gar u ke, “M yaa ye Uwumbɔr aanii kan, u cha mmii nyan ni paacham ki nan ku aa ni saajab bee.” Libuul ngbaan ni le Uwumbɔr aamii sunn ni ki nan ku uninkpel ngbaan ni waajab na mɔmɔk.

2 Bibɔrb 1:14

Mmii nan nyan paacham le ki nan ku bininkpiib bilee na ni baajab; mma gaŋni si la, san mi kinimbaak.”

Ilahn 102:17

U ga ŋun waah yii waanib bi na pu ki pel baameel.

Ilahn 72:14

U nyani bi ŋimuk ni mbimbin mu pɔɔ na ni; baamɔfal ye liwangol le u chee.

Nnyam 11:8

Moses aah ti ban u len tibɔr mɔmɔk doo na le u bui ke, “Saaninkpiib mɔmɔk ga dan m chee ki nan gbaan nnimbiin ni, ki ga gaŋ mi ke m di maanib mɔmɔk nya ki buen. Nee aapuwɔb le m ga nya.” Liŋuul nan joo Moses, le u siir ubɔr ngbaan chee.

Ŋiyataŋak 27:22

Aa ga ŋmaa gbaa ujɔr u ti li ban u kpo, aa mu aan ŋmaa gbaa nyan waajɔrk u ni.

Ulandaan 9:3

Bi mɔmɔk aadoon ye mubaa la, le nimina mu aa ŋan ke tiwan ni mɔmɔk ŋani dulnyaa wee ni na aah kaa ŋan pu na. Unibɔn umɔk kpa limɔfal na kpa kiwaatiik ni ilandak i kaa ŋan na la, le nkun piir bi libuul ngbaan ni.

Aisaya 1:5

Ba ŋa ni kpak u kinikpakpak? Ni ban ke nimi aatafadaan li wiir la aa? Israel yaab, nimi aayil kpaln ibuun ŋmeen la, le nimi aapobil ni nisui mɔmɔk buŋ doo a.

Aisaya 60:14

Binib bi muk si na aajapɔtiib ga dan ki nan gbaan kitiŋ aanimbiin ni. Binib bimɔk nan lik seen si n‑yoonn mu jer na ga dan nan gbaan kitiŋ ki doon si. Bi ga yin si ke ‘Uwumbɔr aatiŋ’, ki ki yin si ke, ‘Sionn, Israel yaab Aawumbɔr u bi chain na aatiŋ’.

Aisaya 66:2

Min mbaa le nan naan dulnyaa wee mɔmɔk. Nsui piin binib bi sunn bibaa taab aan bisui bii baatunwanbir pu, ki san mi ki kii maamɔb na pu.

Jeremia 5:3

Mbamɔn, Uwumbɔr sil lik ban mbimbinyaan la. U nan faa nimi, le naa sɔŋ nisui; u nan taa taa ni pu, le ni yii kaa bae. Ni nan kpa tafalaaŋun, kaa di cha titunwanbir aatuln.

Jemisi 4:7

Nima pu na, ni kii Uwumbɔr aamɔb man. Ni yii kinimbɔŋ man, le ki ga san nya ni chee.

Tibɔkpiirkaan 3:9

M ga cha kinimbɔŋ aanib bi mɔn nnyamɔn ke bi ye maanib, kaa ye na, dan ni chee ki nan gbaan kitiŋ ninimbiin ni, ki bee ke m gee nimi la.

1 Samuel 26:21

Sɔɔl nan kii u ke, “M tun taani. Maabo David, gir ni. Maan ki tun si taani ubaa; ba pu? aa gaa maamɔfal lii kinyeek kee. M ŋa mbaa ujɔr la. M tun titunwanbir sakpen.”