2 Jɔnn 1:6 - Uwumbɔr aagbaŋ

⁶ Ti yaa gee Uwumbɔr kan, naatataa le ye ke ti li keei waamɔb. Naah nan piin ki dii Yesu aasan na, ni nan ŋun nkaal ngbaan la, le ki di nan saa din. Nkaal ngbaan le ye ke ti li gee tɔb n‑yoonn mɔmɔk.

UWONBƆR A GBƆNPƆŊ LIKƆƆNL

⁶ Njiɛm sɔ: Ke ti li nɔɔ U siimin. A li ke naah nan gbir man npiinimin nin, U siim ye le ke ti li choon nin njiɛm.

2 Jɔnn 1:6 ပူးပေါင်းရင်းမြစ်များ

Jɔnn 14:15

“Ni yaa gee mi kan, ni ga kii maamɔb,

Jɔnn 14:21

“Unii umɔk nyi maakaal ki kii mu na, uma le gee mi. Unii yaa gee mi kan, Nte Uwumbɔr ga li gee udaan ngbaan. M mu ga li gee u, ki ga di mbaa mɔk u.”

Jɔnn 14:23

Le Yesu bui u, “Unii yaa gee mi kan, u ga kii maaliin, le Nte Uwumbɔr ga li gee u, le ti ga dan u chee, ki ga li bi u chee.

Jɔnn 15:10

M ŋani Nte Uwumbɔr aah tuk mi pu na, le u beenin gee mi. Ni mu yaa ŋani maah tuk nimi pu na kan, m mu ga li beenin gee nimi.

Jɔnn 15:14

Ni yaa ŋani maah tuk nimi pu na kan, ni ye njɔtiib la.

Ikaal 13:4

Ni li dii Uwumbɔr aasan ki pak u. Ni ŋun tii u, ki li joo waakaal mɔmɔk; ni li dooni uma baanja, ki li ŋani waah len pu na n‑yoonn mɔmɔk.

1 Jɔnn 2:24

Naah nan piin ki dii Yesu aasan ki di nan saa din na, ni ŋun waabɔr la. Ni li nyi ki cha tibɔr ngbaan li beenin bi nisui ni. Tibɔr ngbaan yaa beenin bi nisui ni kan, ni ga kpaan Tite Uwumbɔr ni Ujapɔɔn chee la.

1 Jɔnn 2:5

Unii umɔk kii Uwumbɔr aamɔb na, uma le gee Uwumbɔr mbamɔm. Unii umɔk len ke u kpaan Uwumbɔr chee na, u li bi ke Yesu aah bi pu na. Nima le cha ti bee ke ti kpaan Uwumbɔr chee.

1 Jɔnn 2:7

Maanigeekaab, naa ye nkaal pɔɔn le m ŋmee tii nimi. Ni ye nkaal kpok la. Naah nan piin ki dii Yesu aasan na, ni ŋun nkaal ngbaan, le ki di nan saa din. Nkaal kpok ngbaan le ye tibɔr ti ni ŋun na.

1 Jɔnn 5:15

Ti yaa bee ke u ŋun timi aameel kan, ti bee ke ti kan taah mee u tiwan ni na la.

1 Jɔnn 5:3

Ti yaa gee Uwumbɔr kan, naatataa le ye ke ti kii waamɔb. Le waamɔb aa pɔɔ.

2 Jɔnn 1:5

Yesu aanib, m gaŋ nimi, cha ti mɔmɔk li gee tɔb man. Maa ŋmee nkaal pɔɔn tii nimi. Taah nan piin ki dii Yesu aasan na, ti nan ŋun nkaal ngbaan la, le ki di nan saa din.