2 Jɔnn 1:12 - Uwumbɔr aagbaŋ

¹² M kpa tibɔr sakpen ki ban m tuk nimi; m mu aa ban m ŋmee ti kigbaŋ kee ponn ni. M dak ke m ga mann nimi, ki len ni chee, aan ti li kpa mpopiin mbamɔm.

UWONBƆR A GBƆNPƆŊ LIKƆƆNL

¹² N jɔɔ tibɔr takpem n sɔb sei ni, amaa maa ban n ta kugbɔŋ nin ngbansɔbmɔɔn ki sɔbi. Amaa n jɔɔ tama ke n li gɔnn ni wee ti num n kan tab wee n pag sei ni, wee ti mɔm nmɔn ngbeen.

2 Jɔnn 1:12 ပူးပေါင်းရင်းမြစ်များ

Nkahm 12:8

Nima pu na, m sii u chee le ki len, naa ye ŋiyataŋak ponn ni, le u kan maah bi pu na. Ni ŋa kinye aan ni galni maatutunn Moses kina?”

Jɔnn 15:11

“M tuk nimi tibɔr timina ke ni li kpa mpopiin ke maah kpa pu na. M ban ke ni li kpa mpopiin mbamɔm.

Jɔnn 16:12

“M kpa tibɔr pam ki ga tuk nimi; ti mu ye nnan aabɔr la, naan ŋmaa gaa ti dandana.

Jɔnn 16:24

Naa kee mee Uwumbɔr tiwan nibaa maayimbil pu, ki nan saa din. Ni li mee u, le ni ga kan, ki li kpa mpopiin mbamɔm.”

Jɔnn 17:13

Dandana m choo aa chee la. Maah laa bi dulnyaa ni na, nima le m len aa chee tibɔr timina ke bi li kpa mpopiin ke maah kpa pu na.

Jɔnn 3:29

Usapɔɔn yaa kun uchal do kan, uchal le yeh u. Le uchal aajɔ u si u chee ki ŋun waaneel na kpa mpopiin pam. Nima le cha m mu kpa mpopiin mbamɔm.

Rom Yaab 15:24

M yaa cha Speenn aatiŋ ni kan, m ban ke m dii ni chee, ki nan mann nimi, ki yunn ni chee siib, aan ki li kpa mpopiin. Nima kan, ni ga ŋmaa ter mi m buen Speenn aatiŋ ni.

2 Timoti 1:4

M teer maah buen cha si aan aa wii pu na. Le nnimbil man ke m ki kan si, aan ki li kpa mpopiin.

Filemonn 1:22

Ni gur na le ye ke m ban ke aa toor nkookoo yaan ki siin mi. Naah bi mee Uwumbɔr ki tii mi na, m kpa limakl ke u ga cha m gir ni ni chee.

Hiibru Yaab 13:19

M gaŋ nimi ke ni li moo mee Uwumbɔr ki tii mi, ke u ter mi, aan m gir ni ni chee mala.

Hiibru Yaab 13:23

M ban ke ni bee ke bi nan di tina aabo Timoti di lii. U yaa fuu ni mala kan, m ni uma ga kan nimi.

1 Jɔnn 1:4

Ti ban ke ti li kpa mpopiin mbamɔm, nima pu le ti ŋmee tibɔr timina tii nimi.

3 Jɔnn 1:10

U len tibɔbir ki geei inyamɔn paani timi. Waah ŋa kina na, waa faar. Tinaabitiib yaa dan kan, waa channi bi tichann. Binib bi ban ke bi chann bi tichann na, u kiir bi, kaa kii, ki ban ke u jenn nyan bi Yesu aanib ponn ni. M yaa fuu ni kan, m ga baa u waah ŋani pu na, aan ti nyan mpaan pu.