2 Bibɔrb Aabɔr 11:4 - Uwumbɔr aagbaŋ

⁴ “Taa tak nido yaab Israel yaab biken man. Ni mɔmɔk li chaa kun man. Maageehn pu le tiwan ni ŋa na ŋa.” Bi nan kii Uwumbɔr aamɔb le kaa ki buen ti tak Jeroboam.

2 Bibɔrb Aabɔr 11:4 ပူးပေါင်းရင်းမြစ်များ

Mpiin 50:20

Nimi le dak tibɔbir m pu, le Uwumbɔr cha ni kpaln ni ŋan na, ki toor nsan u gaa binib pam aamɔfal lii, tiwan ni ŋa mi na pu.

1 Piita 3:8

Kookoo aabɔr le ye ke ni mɔmɔk li kpaan kimɔbaan, ki cha nitafal li bi tɔb ni, ki li gee tɔb ke naabitiib na, ki li san tɔb kinimbaak, ki sunn nibaa taab.

Hiibru Yaab 13:1

Tɔ, ni li beenin gee tɔb man ke naabitiib na.

Lituln 7:26

Le ni woln le u ti kan Israel yaab bilee bi jaa. U nan ban ke u par bi, le ki bui bi, ‘Njɔtiib, ni ye naabitiib la. Ba ŋa ni ŋani tɔb bakaa?’

Hosea 8:4

“Maanib leer baabɔrb, le kaa ŋɔɔni m pu. Bi leer baasalolm, le kaa ŋɔɔni m pu. Bi di baakunabr ni salmaa le ki naan ŋiwaa; ŋima le ga kuln bi.

Ilahn 33:11

Le uma aalandak bi n‑yoonn mɔmɔk; waalandak aa kpa ndoon.

1 Bibɔrb 22:36

Nwiin aah ban mu lir na, le bi ŋun Israel aajab ponn ni ke: “Uja mɔk gir kun udo aatiŋ pu, ni waatiŋ ni.”

2 Samuel 2:26

Le Abner teen bui Joab ke, “Ba ŋa ti jaa aan kijaak ngbaan aa kpa ki doo? Saa nyi ke kijaak ngbaan aadoon ga nan li ye mpombiin ŋmeen la aa? Ti ye saatiŋ aanib la. Bayoonn aan aa ga bui saajab ke bi taa ki san dii timi?”

Mpiin 13:8

Abram nan bui Lot ke, “Ti ye mmaal mbaa aanib la, naa ŋan ke timi aanib ngbaan li jaa.

2 Bibɔrb Aabɔr 11:3

ke u di tii Ubɔr Rehoboam, ni Benjaminn, ni Juda aanibol ngbaan ke,