2 Bibɔrb Aabɔr 10:2 - Uwumbɔr aagbaŋ

² Nebat aajapɔɔn Jeroboam, u nan san buen Ijipt aatiŋ ni, Ubɔr Solomonn pu na, aah nan ŋun tibɔr ngbaan na le u gir kun ni.

2 Bibɔrb Aabɔr 10:2 ပူးပေါင်းရင်းမြစ်များ

1 Bibɔrb 11:26

Unii uken u nan ki fenn sil Ubɔr Solomonn pu na le nan ye waaninkpiib ponn ni ubaa. Uma le nan ye Nebat u nyan ni Sereda aatiŋ ki bi Efraim aapepel ni na aajapɔɔn Jeroboam. Una le nan ye ukpopii u bi nan yin u ke Serua na.

1 Bibɔrb 11:28

Jeroboam nan ye unachipɔɔn u kpa liyabr na la, le Solomonn aah kan u tun lituln sakpen pu na, le u di u ŋa binaagbiib bi bi Manase ni Efraim aanibol aapepel ni na aayidaan.

1 Bibɔrb 11:40

Kina pu le Solomonn nan pɔɔn ubaa ke u ku Jeroboam, le u nan tee san ŋmar ki buen Ijipt Aabɔr Sisak chee ki ti koo nima le Solomonn ti kpo.

1 Bibɔrb 12:2

Nebat aajapɔɔn Jeroboam, u nan san buen Ijipt aatiŋ ni Ubɔr Solomonn pu na, aah nan ŋun tibɔr ngbaan na, le u nyan ni Ijipt aatiŋ ni, ki gir kun ni.

2 Bibɔrb Aabɔr 10:3

Ŋŋangan wɔb aanibol ngbaan aanib nan tun yin ni u, le bi mɔmɔk buen Rehoboam chee ki ti bui u ke,

2 Bibɔrb Aabɔr 9:29

Solomonn aatun aabɔr ti gur ki nyan waah piin pu na, ni waah ti doo pu na bi Uwumbɔr aabɔnabr Natann aagbaŋ ni, ni Ahija u nyan ni Silo na aah nan di Uwumbɔr aabɔr ti nabr na aagbaŋ ni, ni Uwumbɔr aabɔnabr Ido aabɔkpiirkaan aagbaŋ ni la. Uma Ido aagbaŋ ngbaan ponn ni le Israel yaab aabɔr Jeroboam mu aanaan aabɔr bi.