1 Timoti 6:9 - Uwumbɔr aagbaŋ

⁹ Binib bi aanimbil man liwankpal pu na ga kan ntɔŋ, ki lir. Binimbil ga li man kijɔrk aawan sakpenn le pu. Ni ye fam la, ki ga bii bi. Tiwan ngbaan aaboln le cha binib bee fam ki kan ntafadaan mu kaa kpa ndoon na.

UWONBƆR A GBƆNPƆŊ LIKƆƆNL

⁹ Bininfob ban ban bin ŋa bijɔɔndamin, bi ma kɔɔ nbigimin, nin kupeŋin nin ijɔrig takpem a wann nin kɔlisa kan ye kidaŋ ki bii bininfob wee bi lurin.

1 Timoti 6:9 ပူးပေါင်းရင်းမြစ်များ

1 Bibɔrb 21:6

Le u gar u ke, “Ni ye Nabof aah tuk mi tibɔr ti na pu. M bui u ke u cha m daa waasubil aasui aasaak, u yaa ti ki gee kan, m ki tii u kitiŋ kiken kima ngbaan pu, le u yii ke waan tii mi.”

Ilahn 11:6

U cha mmiisakɔn ni chirbil u gaal mmii na lir ni bibiindam pu; u joo libuln li ton na le dar bitafal.

Ŋiyataŋak 15:27

Ukumɔndaan ban tibɔr tii waadichal la, le unii u yii igaŋgaŋlik na kpa limɔfal.

Ŋiyataŋak 20:21

Liwangol li saa nyan kitotoŋ ki kan li na aan ŋa si tinyoor tibaa.

Ŋiyataŋak 21:6

Liwangol li aa di inyamɔn kan li na aan yunn, le ki mu ki ga di si ŋa nkun aamɔkpaween ni.

Ŋiyataŋak 22:16

Aa yaa tii biwankpadam ipiin, bee aa yaa muk bigiim ke aa kpaln uwankpadaan kan, aa ga kpaln ugiin le aabaa.

Ŋiyataŋak 23:4

Li kpa nlan ki taa ku aabaa ke aa ŋa uwankpadaan.

Aisaya 5:8

Nimi aamɔfal doo a. Ni moo daa ŋidichal ni ikpaakon ki kpei naah puen kpa i na pu. Naan yunn le unii aan ki kan mpaan ki koo nima chee, le nimi baanja le ga gur kitiŋ ngbaan pu.

Sekaria 11:5

Idindatiib ku i, le ubaa aa dar bitafal. Bi kooh yaanann le ki bui ke, ‘Ti pak Uwumbɔr, ti kan liwangol. Hali binib bi kpaa i na aa san i kinimbaak.’”

Nkahm 31:8

ki kpee Midiann yaab aabɔrb biŋmu bimina: Efi, ni Rekem, ni Sur, ni Hur, ni Reba. Bi nan ku Beor aajapɔɔn Balaam mu.

Matiu 13:22

Binib ngem mu bi ke njikaabim mu lir ikokon ponn ni na la. Bi ŋun tibɔr ngbaan la. Le bitafal bi baabimbin ni, ni liwankpal ni. Nima le ku tibɔr ngbaan bisui ni, le taa mar.

Matiu 19:22

Unachipɔɔn ngbaan aah ŋun kina na, le ni ŋa u mpombiin; ba pu? u nan kpa liwankpal sakpen a. Le u siir nima.

Matiu 26:15

le ki ti baa bi, “M yaa di Yesu ŋa niŋaal ni kan, ni ga tii mi ba?” Le bi kahn tikur aamombil piitaa ki di tii u.

Matiu 6:19

“Ni taa kuun liwankpal bil dulnyaa wee ni. Idundur ni ŋipulaaleen ga bii ni. Binaayukb mu ga loon koo ni ki nan sun ni.

Tibɔnyaan ti Mak ŋmee ti na 4:19

Bi ŋun tibɔr ngbaan la. Le dulnyaa wee ni aabɔr, ni liwankpal aakɔrk, ni tiwan aabɔŋ aakɔrk mu koo bisui ni, le ki ku tibɔr ngbaan bisui ni, le taa mar.

Tibɔnyaan ti Luk ŋmee ti na 12:21

“Kina le unii umɔk di liwangol bil kiir ubaa, kaa kpa liwangol Uwumbɔr chee na, u mu ye ujɔr.”

Tibɔnyaan ti Luk ŋmee ti na 21:35

Maagirndaal kan, dulnyaa wee ni aanib mɔmɔk aapobil ga yuk ke gaawɔb aah chuu upeel kan, upobil yukr pu na.

Lituln 8:20

Le Piita baa u, “Aa dak ke aa ga ŋmaa di ŋimombil daa Uwumbɔr aapiin aa? Saah dak pu na, naa ŋan. Aa ni saamombil bee fam.

Efesusi 4:22

Nima pu na, ni di cha nimi aabimbikpok mu kaa ŋan na. Mbimbikpok ngbaan nan cha ni ban tiwan ni kaa ŋan ki ŋmanni nimi na la. Ni taa ki li dii naah nan dii pu na man.

Ikaal 7:25

Ni see baawaa mmii. Baah di tikunabr ni salmaa u paan ŋi pu na, ni taa li neen ŋi, ki taa yoor ŋi. Ni yaa ŋa kina kan, naan li ŋan, ni ga bii nimi, ba pu? Uwumbɔr aa gee ŋiwaa kpala.

1 Timoti 1:9

Ti yaa nyi ke nkaal aa bi bininyaam pu kan, nkaal ngbaan ŋan la. Mu bi tiniwanbir le pu, ni binib bi kaa gee bi ŋun tibɔr na, ni binib bi kaa dii Uwumbɔr aasan na, ni titunwanbirdam, ni binib bi yii Uwumbɔr kaa pak u na, ni binib bi ku bitetiib ni binatiib na, ni binib bi ku biken na,

1 Timoti 3:7

Ni ŋan ke Yesu aanib aaninkpel li ye unii u kpa kipak binib bi kaa dii Yesu aasan na chee, aan binib taa galn u ki cha u lir kinimbɔŋ aagaawɔb ni.

1 Timoti 6:10

Binib yaa gee ŋimombil sakpen kan, nima le cha bi tun titunwanbir mɔk aabɔŋ. Binib bibaa aanimbil aah man ŋimombil pu pu na le cha bi yenn, kaa ki dii Yesu aasan, ki kan mpombiin ki ti chaar jer.

1 Timoti 6:17

Aa sur binib bi kpa liwankpal dulnyaa wee ni na ke bi taa li kpa kalmbaani, ki taa li kpa limakl liwankpal ngbaan pu. Ba pu? li ye libuln la. Bi li kpa limakl Uwumbɔr pu. U tii timi sakpen, le taa ti ki nyi ni mɔmɔk; u ban ke ti gaa, ki li kpa mpopiin.

2 Timoti 2:26

ki ki kpaln binib, ki nyan ni kinimbɔŋ ki nan chuu bi ke bi li ŋani kaageehn na aaŋaal ni.

Taitus 2:12

Waabulchinn mɔk timi ke ti yii lituln limɔk kaa ŋan na, ki taa ki dii tiwan ni kaa ŋan na aakpeek, ki li chur tibaa mbamɔm, ki li dii mbamɔm, ki li bi Uwumbɔr aah ban pu na dulnyaa wee ni.

Josua 7:11

Israel yaab le tun titunwanbir. Maah bui bi ke bi taa ŋa pu na, bi yii ki ŋa ni. Tiwan ni m nan bui bi ke bi bii ni na, bi yii ki yoor ni. Bi sun tiwan ngbaan, le ki gii inyamɔn ni pu, ki di kpaan baawan ponn ni.

2 Piita 2:3

Bi ga li kpa iniman ki ga ŋmann nimi, ke bi ji nimi. Ni yunn le Uwumbɔr nan puun len ke baabɔr bii. Naan yunn le u ga daa bitafal.

Juud 1:11

Tibɔbir bi bi pu la. Bi yii Uwumbɔr aamɔb ke Keenn aah nan yii pu na. Bi mɔk binib mmɔkm mu kaa ŋan na ŋimombil pu, ke Balaam aah nan ŋa pu na. Bi yii baaninkpiib aamɔi ke Kora aah nan yii pu na. Uwumbɔr ga bii bi mu.