1 Timoti 6:6 - Uwumbɔr aagbaŋ

⁶ Tɔ, unii aanimbil yaa gbiin waah kpa ni na pu ki yaa dii Uwumbɔr aasan kan, nima le ye tinyoor sakpen ki tii u.

UWONBƆR A GBƆNPƆŊ LIKƆƆNL

⁶ Amaa uninfo a num gbee nan wee u jɔɔ liwonjiɛnlin nin ke, ni ye tinyɔɔr le takpem ki sei u.

1 Timoti 6:6 ပူးပေါင်းရင်းမြစ်များ

2 Bibɔrb 6:2

Tii timi nsan aan ti buen Jɔɔdann Aamɔɔl ni ki ti gaa idɔ, ki nan maa kpee timi aakookoo yaan pu.” Le Elaisa gar bi ke, “Li cha man.”

Ilahn 37:16

Uninyaan aah kpa siib ni na jer bibiindam mɔmɔk aawangol,

Ilahn 84:11

Tidindaan Uwumbɔr le ye timi aakikiir, ni timi aabɔr u kpa kipak sakpen na, u ŋani timi tiŋann ki tii timi bunyuŋ. Binib bi aabimbin ŋan na, waa cha bi lanni tiwanyaan nibaa.

Nnyam 2:21

Nima pu na, Moses nan kii ke u ga li bi Jetro do, le u di ubisal Sipora tii Moses u di ŋa upuu,

Ŋiyataŋak 15:16

Ni ŋan ke aa li ye ugiin ki san Uwumbɔr ki jer ke aa li kpa sakpen ki bi tibɔr ni.

Ŋiyataŋak 16:8

Aa yaa di ibamɔn kan siib kina kan, ni ŋan jer ke aa di inyamɔn kan liwangol li wiir na.

Ŋiyataŋak 28:25

Kukumɔŋ joo ni tibɔr baanja la. Aa yaa tii Uwumbɔr naadii kan, ni soor.

Jeremia 35:9

Taa maa tidir ke ti li koo, ti koo igban aaboo ŋmeen ni la, le kaa kpa ndaan aasubil aasar, kaa kpa ikpaakon, ni njikaabim mu. Ti kii tii ikaal i mɔmɔk tiyaaja Jonadab nan siin tii timi na.

Tibɔnyaan ti Luk ŋmee ti na 12:15

le ki tuk kinipaak ngbaan, “Ni li nyi man ki taa li kpa iniman. Unii yaa kpa liwangol li wiir na kan, nima le aan tii u limɔfal.”

Tibɔnyaan ti Luk ŋmee ti na 3:14

Le butɔb aajab mu baa u, “Ti mu ga ŋa kinye?” Le u bui bi, “Ni taa gaa unii ubaa aamombil mpɔɔn man, ki taa galn unii u kaa kpa taani na. Cha ninimbil gbiin nimi aapal.”

Rom Yaab 8:28

Ti nyi ke tiwan nimɔk pii timi na, Uwumbɔr le cha ni mɔmɔk kpaln tiwan ni ŋan na ki tii binib bi gee u na. Waageehn pu le u nan yin bi.

2 Korenti 4:17

Dandana aafalaa aan yunn, kaa wiir. Falaa ngbaan pu, le ti ga kan mpopiin ki ti nyaŋ, n‑yoonn mu kaa kpa ndoon na.

Filipi 1:21

M yaa bi limɔfal ni kan, Kristo pu le m bi. M yaa kpo kan, m ga kan tinyoor.

1 Timoti 4:8

Unii yaa san ke uwon yabr kan, ni kpa tinyoor siib la. Unii yaa chuu ubaa ki bae Uwumbɔr aasan kan, nima le ye tinyoor sakpen ki tii u. Ba pu? Uwumbɔr puu tipuur ke nima le ga tii binib limɔfanyaan dandana wee, ni n‑yoonn mu choo na.

1 Timoti 6:8

Nima pu na, taah kpa tijikaar ni tiwanpeenkaan ni na, cha tinimbil gbiin ni.

Hiibru Yaab 13:5

Ni taa cha ninimbil li man ŋimombil pu. Cha ninimbil gbiin naah kpa ni na pu. Ba pu? Uwumbɔr ubaa le bui ke waan di cha si. Waan di si lii.