1 Timoti 6:1 - Uwumbɔr aagbaŋ

¹ Tɔ, Yesu aanib ponn ni bi ye binaagbiib na, bi mɔmɔk li pak bidindatiib mbamɔm, aan binib taa bii Uwumbɔr aayimbil, ni waabɔr.

UWONBƆR A GBƆNPƆŊ LIKƆƆNL

¹ Ban biɛn wee tiyomir a naajadaag paa bi bu nan, n chee sei biyudam nin linungbeel nin jilima takpem wee Uwonbɔr a yinl nin taah wɔɔn nan nin nlaa ye kutingbiig.

1 Timoti 6:1 ပူးပေါင်းရင်းမြစ်များ

Mpiin 16:9

Le Uwumbɔr aatuun ngbaan nan bui u ke, “Gir buen Sarai chee, ki ti li ye waanaagbiipii.”

Mpiin 24:12

Unaagbiija ngbaan nan bi mee Uwumbɔr ke, “Uwumbɔr, u ye maaninkpel Abraham Aawumbɔr na, cha m kan maah ban pu na, ki gbiin saah puu ke aa ga ŋa pu ki tii maaninkpel na.

Mpiin 24:2

U nan bui waanaagbiijapol u lik waatuln mɔmɔk na, ke u di uŋaal ŋa uma Abraham aataapaln taab, ki puu tipuur ke,

Mpiin 24:27

U nan bui ke, “M pak Uwumbɔr u ye maaninkpel Abraham Aawumbɔr, ki gbiin waah nan puu tipuur ti tii u na. U cha m nan tuur maaninkpel Abraham aamaal aachiln ni aanii le pu.”

2 Samuel 12:14

Saah tee lik seen Uwumbɔr pu ki ŋa kina na, saabo ga kpo.”

2 Bibɔrb 5:13

Waatutum nan buen u chee le ki ti bui u ke, “Uninkpel, Uwumbɔr aabɔnabr ngbaan yaa ba bui si ke aa ŋa tiwanpɔɔl nibaa le kan, kina aa ba ŋa ni. Tɔ, ba ŋa saan ŋmaa buen ki ti finn aabaa waah bui si pu na ki pɔɔk?”

Nehemia 9:5

Liifai yaab bimina le nan bui binib ngbaan ke bi doon Uwumbɔr: bima le ye Jesua, ni Kadmiel, ni Bani, ni Hasabneya, ni Serebia, ni Hodia, ni Sebania, ni Petahia. Bi nan len ke: “Fii sil man ki pak Nidindaan Uwumbɔr. Pak u ki ti saa n‑yoonn mu kaa kpa ndoon na man. Cha unii mɔmɔk pak waayimbil li kpa kipak na, unibɔn mu aapak aa tee nyuun ki ga ŋeer u.”

Aisaya 47:6

M nan gee liŋuul maanib pu; ki ŋa bi ke baa kaa ye maanib le na: M nan di bi ŋa saapɔɔn ni, le saa san bi kinimbaak; hali aa nan muk binib bi por na.

Aisaya 52:5

Tiwanbaan ngbaan le ki ŋa Babiloŋ ni mu: ni ye binaagbiib la, le baa pan ni pu tipar tibaa. Binib bi joo nimi na puk tipupukr ki mak ki lik seeni mi n‑yoonn mɔmɔk.

Aisaya 58:6

“Maah ban kimɔlul ki aaboln na sɔ: Chuu nyan man limukl aakululn ti ni di buu bigiim na, ni inyamɔn aatuln li ni di tun bi na bi pu, ki cha bi li chuun bibaa pu.

Esekiel 36:20

Baah nan buen nin chee mɔmɔk na, bi nan jinn maayimbil li bi chain na inimɔɔn la; ba pu? binib nan len le ke, ‘Uwumbɔr aanib sɔ, tɔ, ni nan ŋa ke bi nya waatiŋ ni.’

Esekiel 36:23

M yaa mɔk ŋitimbol maayimbil li ni jinn li inimɔɔn ŋi ponn ni na aah ye chain pu na kan, bi ga bee ke min le ye Uwumbɔr. Min Bidindaan Uwumbɔr le len kina.

Malakai 1:6

Uwumbɔr Mpɔɔnsakpiindaan bui bitotoorb ke, “Japɔɔn nyuŋni ute la, le ututunn mu nyuŋni udindaan. Nite le ye mi, ba ŋa naa nyuŋni mi? Nidindaan le ye mi, ba ŋa naa pak mi? Ni lik mi fam, le ki tee baa ke, ‘Ti lik si fam kinye?’

Matiu 11:30

ba pu? maamɔkm aa pɔɔ. Maatuln mu aa nyuun.”

Matiu 11:9

Ni nan buen ni ti kan ba? Uwumbɔr aabɔnabr aa? Mbamɔn, m tuk nimi la, ni nan kan unii u jer Uwumbɔr aabɔnabr na.

Tibɔnyaan ti Luk ŋmee ti na 17:1

Yesu nan bui waadidiliib, “Ntɔŋ ga sil li bi; tibɔbir mu bi unii u tɔŋni binib ke bi tun titunwanbir na pu.

Lituln 10:22

Le bi bui u, “Konelius, u ye butɔb aajab nkub aaninkpel na le tun ni timi. U ye unibamɔnn u pak Uwumbɔr na. Juu yaab mɔmɔk pak u sakpen. Le Uwumbɔr aatuun mubaa tuk u ke u yin si, ke aa dan udo, u nan pel saah ga len pu na.”

Lituln 10:7

Le Uwumbɔr aatuun ngbaan ki gir buen. Waah buen na, le Konelius yin waatutum ponn ni bilee, ni butɔb aaja u ye uninyaan ki bi u chee idaa mɔmɔk ki tun lituln tii u na.

Lituln 15:10

Nima pu na, ba pu ni muk bi, ki tɔŋni Uwumbɔr? Timi ni tiyaajatiib aah nan ban ti dii Moses aakaal na, ni nan pɔɔ ti chee. Taa ŋmaa dii. Ni bi ke lituln li nyuun na la. Ba pu ni ban ke Yesu aadidiliib ngbaan dii kina?

Rom Yaab 2:24

Ni ŋmee Uwumbɔr Aagbaŋ ponn ni ke, “Nimi Juu yaab aah ŋani titunwanbir pu na, nima le cha binib bi kaa ye Juu yaab na len Uwumbɔr tibɔbir.”

1 Korenti 10:32

Ni taa ŋa tiwan ni ga kiir Juu yaab Uwumbɔr aasan ni na, ki taa kiir binib bi kaa ye Juu yaab na mu, ki taa kiir Uwumbɔr aanib mu.

Galantiya 5:1

Kristo nan gaa timi lii, ke ti taa ki li bi tinaagbiir ni. Nima pu na, ni li si mbamɔm, ki taa cha tiwan nibaa ki li joo nimi tinaagbiir.

Ikaal 28:48

Kina pu na, ni ga li tun tii nimi aadim bi Uwumbɔr cha bi nan nyaŋ nimi butɔb ni na la. Nkon ni nnyunyuu ga chuu nimi, le ni ga chuun ni ŋmeen, kaan li kpa nibaa, ki ye bigiim. Uwumbɔr ga daa nitafal pam, le ni ti kuln.

1 Timoti 5:14

M ban ke bikpopiib bi kaa por na mɔn tichal, ki maa mbim, ki li lik baachiln ni aabɔr, ki taa tii timi aadim nsan ke bi galn timi.

Taitus 2:5

ki li kpa laasaab, ki taa gɔr kidagook, ki li lik lichiln ni aatuln mbamɔm, ki li kpa tibulchinn, ki li keei bichatiib aamɔi, aan ubaa taa bii Uwumbɔr aabɔr.

1 Piita 2:12

Ni bi binib bi kaa dii Uwumbɔr aasan na aakaasisik ni la. Ni li tun lituln li ŋan na bi chee. Le bi yaa bii nimi ke ni ye bakadam kan, nimi aatunyaan chee bi ga kan ke ni ŋan. Nima le ga cha bi nyuŋ Uwumbɔr bundaln u ga ji binib tibɔr na.

1 Piita 3:16

Ni li ŋani ni ŋan na n‑yoonn mɔmɔk, le naah dii Kristo mbamɔm ki kpa mbimbin mu ŋan na na, nima le ga cha inimɔɔn chuu binib bi sii nimi ki len nimi tibɔbir na.