1 Timoti 5:13 - Uwumbɔr aagbaŋ

¹³ Ki ki kpee na, bi ga li san ligbanyakl, ki ga li chaa ŋidichal ŋidichal ni. Naa ye ke bi ga li san ligbanyakl baanja la, bi ga li ye bibɔtukb la, ki ga li koo binib aabɔr ni, ki ga len naah kaa ba ŋan bi len pu na.

UWONBƆR A GBƆNPƆŊ LIKƆƆNL

¹³ Nan kpiɛ, ni che bi bii bi saŋi le, ki jin kɔɔ bininfob a niin yin ki chaa, naa ye bi bii bi saŋ a binba le, amaa bi su libɔɔnsul le ki jɔɔ linunmanl lan kaa jɔɔ nyɔɔri, ki kɔɔ tibɔr tan kaa nyan bi-n

1 Timoti 5:13 ပူးပေါင်းရင်းမြစ်များ

Ŋiyataŋak 11:13

Ubaa aan di tibɔbɔrkaan tuk ubɔmbɔtukr, tɔ, aa ga ŋmaa mak unii u ŋmaa joo tibɔbɔrkaan na pu.

Ŋiyataŋak 20:19

Ubɔmbɔtukr aan ŋmaa joo tibɔbɔrkaan. Taa duuni binib bi gbaa tibɔr sakpen na chee.

Ŋiyataŋak 31:27

N‑yoonn mɔmɔk u tun le ki tii waadichal aanib baah ban pu na.

Ŋiyataŋak 7:11

U nan ye upii u kaa san inimɔɔn ki chuun kpak kitiŋ ponn ni n‑yoonn mɔmɔk na la,

Liifai Yaab 19:16

Ni taa li geei inyamɔn paani unii ubaa. Bi yaa bi ji unii ubaa aabɔr aan u ban u nyan nkun ni, aan aa nyi ke u kpa mbamɔn kan, ter u ki gaa u lii. Min le ye Uwumbɔr.

Tibɔnyaan ti Luk ŋmee ti na 10:7

Lidichal libaa aanib yaa gaa nimi kan, ni li bi nima ki ti saa buyoonn ni ga nan nya na, ki taa jir lidichal. Ni li ji ki li nyu baah ga tii nimi ni na; ututunn mɔmɔk ŋeer waapar.

Lituln 20:20

M buen binib aah kuuni nin chee na, ki buen nido mu, ki tuk nimi Yesu aabɔr. M tuk nimi tibɔr timɔk ga ter nimi na, kaa gur tibaa.

Lituln 20:30

Binib bibaa mu bi ni ponn ni, ki ga bii Uwumbɔr aaliin ke bi ŋmann Yesu aanib, bi taa ki li dii waasan. Bi ga li ban ke bi dii bima la.

1 Timoti 5:12

kaan gbiin baah puu tipuur ti na. Nima le bi ga li kpa ngalm.

Taitus 1:11

Ni ŋan ke aa cha bi ŋmin; ba pu? bi mɔk binib mmɔkm mu kaa ba ye bi mɔk bi na, ki cha ŋidichal ŋibaa ponn ni aanib mɔmɔk yenn. Ŋimombil pu, le bi ŋani kina. Naa ŋan.

Jemisi 3:10

Bumɔb buchachaan ngbaan le pak Uwumbɔr, le ki ki len tibɔbir. Nnaabitiib, naa ŋan ke ni li ŋani kina.

1 Piita 4:15

Le ni ponn ni ubaa yaa jin falaa linikul pu, bee kinaayuk pu, bee baka baka pu, bee libɔbaln pu kan, nima aa ŋan.

3 Jɔnn 1:10

U len tibɔbir ki geei inyamɔn paani timi. Waah ŋa kina na, waa faar. Tinaabitiib yaa dan kan, waa channi bi tichann. Binib bi ban ke bi chann bi tichann na, u kiir bi, kaa kii, ki ban ke u jenn nyan bi Yesu aanib ponn ni. M yaa fuu ni kan, m ga baa u waah ŋani pu na, aan ti nyan mpaan pu.