1 Timoti 4:2 - Uwumbɔr aagbaŋ

² Bipɔnib ngbaan ga cha binib bibaa ŋmann ke bi mɔk binib Uwumbɔr aasan. Bi ye binyamɔndam la. Baalandak aa ki muk bi baatunwanbir pu.

UWONBƆR A GBƆNPƆŊ LIKƆƆNL

² Nwɔɔm nmɔn nya bitingbiib ban larin ban le, ban a potiɛl denn ke bi ta kukurug toŋ le tabin nin.

1 Timoti 4:2 ပူးပေါင်းရင်းမြစ်များ

1 Bibɔrb 13:18

Le Uwumbɔr aabɔnabkpok u nyan Betel ni na nan bui u ke, “Min mbaa mu ye Uwumbɔr aabɔnabr ke sin na la; le Uwumbɔr aatuun bui mi ke m nan di si buen linampal ki ti ŋa si tichann.” Tɔ, Uwumbɔr aabɔnabkpok ngbaan nan bi geei la.

1 Bibɔrb 22:22

Le Uwumbɔr baa mu ke, ‘Aa ga ŋa kinye?’ Le mu gar u ke, ‘M ga buen le ki ti cha Ahab aabɔnabr mɔmɔk mɔnn inyamɔn.’ Le Uwumbɔr bui ke, ‘Li cha ki ti ŋmann u. Aa ga ti ŋman.’”

Aisaya 9:15

Bininkpiib bi por na, ni baaninyuum le ye liyil, le ŋitaa ye Uwumbɔr aabɔnabr bi joo inyamɔn mɔk binib ngbaan na.

Jeremia 23:14

M ki kan maabɔnabr bi bi Jerusalem aatiŋ ni na aatunwanbir jer kina; bi gɔr kidagook le ki geei inyamɔn; bi ter binib le bi tun titunwanbir, le ubaa aa ŋmaa di cha titunwanbir aatuln. Mma chee kan, bi mɔmɔk bi ke Sodom ni Gomora aanib na la.

Jeremia 23:26

Bibɔnabr ngbaan ga li joo baah naan inyamɔn i na ŋmanni maanib ki ti saa bayoonn?

Jeremia 23:32

Uwumbɔr bui ke, “Li pel man maah len pu na. M ni bibɔnabr bi joo baadaŋ ti gbii inyamɔn na mooni na ga kan tɔb. Bi joo tidaŋ ngbaan le len, ki joo baanyamɔn ni kipupuk ŋmanni maanib. Maa tun bi, kaa bui bi ke bi li cha, le baa kpa nterm mubaa ki tii binib ngbaan. Min Uwumbɔr le len kina.”

Jeremia 5:21

Li pel man, nimi bijɔrb ni bilatiirb bi kpa ŋinimbil kaa waa na, ki kpa ŋitafal kaa ŋun na.

Matiu 24:24

Ba pu? biŋmaŋmannim ga li bi. Bibaa ga bui ke bi ye Kristo ngbaan la. Biken mu ga bui ke bi ye Uwumbɔr aabɔnabtiib la. Le bi ga tun lijinjiir aatun pam, ki ŋmann binib. Hali, bi ga pɔɔn bibaa ke bi ti ŋmann binib bi Uwumbɔr nyan bi na.

Matiu 7:15

“Ni li nyi binyamɔndam bi ŋmanni ke bi ye Uwumbɔr aabɔnabr na. Bi ŋmanni ke bi ye ipiih, le ki tee ye ŋisapol ŋi ga bii nimi na.

Lituln 20:30

Binib bibaa mu bi ni ponn ni, ki ga bii Uwumbɔr aaliin ke bi ŋmann Yesu aanib, bi taa ki li dii waasan. Bi ga li ban ke bi dii bima la.

Rom Yaab 1:28

Baah kaa gee ke bi li nyi Uwumbɔr na, le u siir cha bi. Le bi dak ilandak i ye fam na, ki tun lituln li kaa ŋan na,

Rom Yaab 16:18

Binib bi bi kina na aa dii Tidindaan Yesu Kristo. Bi dii bima bibaa aasui aah ban pu na la. Bi kpa mmɔmɔɔn ki ŋmanni bininyaam.

Efesusi 4:14

Ti taa ki li ye mbim. Biŋmaŋmannim bi kpa nnyamɔn aalan ke bi di ŋmann binib na yaa tuk nimi tibɔyayan ti kaa ye Kristo aabɔr na kan, ni taa dii bi.

Efesusi 4:19

Binimbil man kidagook ni tijɔŋ aatuln pu la. Baalandak aa ki muk bi titunwanbir pu.

2 Timoti 3:5

Bi ga li ŋmanni ke bi dii Uwumbɔr aasan, ki ga lann Uwumbɔr aapɔɔn. Aa taa dii binib ngbaan.

Tibɔkpiirkaan 16:14

Tiyayaar ngbaan ye kinimbɔŋ yaan la, le ki tun lijinjiir aatun, ki buen dulnyaa wee ni aabɔrb mɔmɔk chee, ki ti kuun bi, ke bi to butɔb, Uwumbɔr u yeh mpɔɔn mɔmɔk na aawiinsakpiin daal.