1 Timoti 2:9 - Uwumbɔr aagbaŋ

⁹ M ban ke bipiib li pee tiwanpeenkaan ni ŋeer bipiib bi dii Uwumbɔr na, ki li bi suuna, ki taa li kpa kalmbaani, ki taa fiini tiyikpir sakpen siini, ki taa tuun ŋitafajɔn ŋi kpa kidaak na, ki taa gbin nleen mu kpa kidaak na, ki taa li peeni tiwanpeenkaan ni kpa kidaak na.

UWONBƆR A GBƆNPƆŊ LIKƆƆNL

⁹ N mu ji ban bipiib n yee tiwann yɔɔr tan ŋan ki nɔɔn bi le, tan kaa jɔɔ igalin, bee ifa a yukper loli, bee salima bee nlanbim bee tiwann yɔɔr tan jɔɔ kudaapɔɔrugi,

1 Timoti 2:9 ပူးပေါင်းရင်းမြစ်များ

Mpiin 24:53

Le u nyan ŋikeken, ni tikunabr, ni salmaa aatakpanyaan tii Rebeka. U nan ki tii upiibo ngbaan aana ni uninja tiwan ni kpa kidaak na.

2 Bibɔrb 9:30

Jehu nan fuu Jesreel aatiŋ ni. Tɔ, Jesebel aah ŋun tibɔr ti ŋa na pu na, le u bal chaloo, ki chaal uyikpir mbamɔm le ki ti sil libɔrdichal ponn ni aatakolu ubaa chee, ki si lik kitiŋ ponn ni.

Esta 5:1

Baah lul bumɔb ki ti saa iwiin itaa daal na, le Esta di nnaan aawanpeenkaan peen ki buen ti sil ubɔr aah bi lichiln li na aabisamɔb, ki lik libɔrjal aadiik ni. Ubɔr nan bi ki ponn ni, ki ka libɔrjal pu, ki lik ni mbisamɔb wɔb.

Ilahn 149:4

Uwumbɔr neen waanib; u joo linyaŋ tii binib bi sunn bibaa taab na ki nyuŋni bi.

Ŋiyataŋak 31:22

U ŋal ubaa aawandookaan aakeken, le ki peeni ŋitanyaan aawanpeenkaan.

Ŋiyataŋak 31:25

U kpa mpɔɔn, le binib neen u, waa san fen u ga woln na aajawaan.

Ŋiyataŋak 7:10

Le upii ngbaan to u nsan ni; u nan buu ubaa ke upiidagoor na, le ki bi dak waalandak uyil ni.

Aisaya 3:16

Le Uwumbɔr bui ke, “Lik Jerusalem aapiib aah kpa kigaak pu na. Bi chuun le bimɔfal ŋui paacham ke ibɔ na. N‑yoonn mɔmɔk bi chuun gɔr kidagook la. Bi tai dim dim, le ŋibɔlun ŋi gbin bitaagbin na weeni kiliŋ kiliŋ.

Aisaya 61:4

Bi ga gir maa ntim mu nan gur ye tilangbenn na.

Jeremia 2:32

Upiisapɔɔn ga ŋmaa suln waaleenyaan pu uu? Ubɔndinn mu ga ŋmaa suln waakekenyaan pu uu? Le maanib ma aah suln m pu pu na, saan ŋmaa kahn iwiin ngbaan.

Jeremia 4:30

Jerusalem aanib, ni kuln a. Ba ŋa ni pee ŋikekenyaan? Ba ŋa ni gbin nleenyaan ki di nkpanyaan boon ninimbil wɔb? Ni toor nibaa fam la. Nibɔtiib yii nimi le ki ban bi ku nimi.

Matiu 11:8

Ni nan buen ni ti kan ba? Uja u pee tiwanyaan na aa? Aayii. Binib bi pee tiwanyaan na bi bibɔrb aadichal ni la.

1 Timoti 2:10

Bi li tun litunyaan. Nima le ŋan tii bipiib bi len ke bi dii Uwumbɔr aasan na.