1 Timoti 2:8 - Uwumbɔr aagbaŋ

⁸ M ban ke bijab bi bi ŋipepel mɔmɔk na mee Uwumbɔr, ki yoor iŋaal paacham. Bi li ye binib bi bi chain na, ki taa li kpa liŋuul, ki taa li kpa kinikpakpak.

UWONBƆR A GBƆNPƆŊ LIKƆƆNL

⁸ N ban bijab kaah be nan yaan biɛn ndon bi kasi a nɔɔi ki miɛ Uwonbɔr, wee ni laa jɔɔ sufu fiiŋ bee limɔkpeli.

1 Timoti 2:8 ပူးပေါင်းရင်းမြစ်များ

1 Bibɔrb 3:11

kina pu le u bui u ke, “Saah mee ban nlan ke aa di joo kitiŋ ibamɔn ni, kaa mee ban limɔfafɔfɔŋ, ni liwangol, bee m ku saadim na,

Job Aagbaŋ 16:17

m mu aa kpa titunwanbir tibaa aagalm, maameel li chaa Uwumbɔr chee na aa kpa tijɔŋ.

Ilahn 134:2

Yoor niŋaal paacham Waadichal ni, ki mee uma Uwumbɔr ki pak u man.

Ilahn 141:2

Gaa maameel ke tulalee aayon aatork na, ki gaa maaŋaal i m yoor paacham na ke kijook aatork na.

Ilahn 24:4

Binib bi aabimbin ni baalandak ŋan na, kaa dii ŋiwaa, kaa puur tipuur ti kaa gbiini na, bima baanja le kpa kina aasan.

Ilahn 26:6

Uwumbɔr, m ŋir ŋŋaal le ki mɔk ke maa kpa taani ubaa, le ki chuun manni saatork aabimbiln ki dooni si.

Ilahn 28:2

M yaa wii yin si ki ban nterm, ki yoor ŋŋaal mɔk Saadichal li bi chain na kan, pel m chee.

Ilahn 35:13

Le baah nan bun na, maa nan kpa mpopiin, le ki yii tijikaar; m nan tim n‑yil taab le ki mee Uwumbɔr bi pu,

Ilahn 63:4

Maah bi limɔfal ponn ni n‑yoonn mumɔk na, le m ga li dooni si, m ga yoor ŋŋaal paacham ki li mee si.

Ilahn 66:18

M yaa nan ba di maatunwanbir bɔr nsui ni kan, Uwumbɔr aa ba ga pel m chee.

Ŋiyataŋak 15:8

Uwumbɔr aa gee bibiindam aatork, le usui piin bininyaam aameel pu.

Ŋiyataŋak 21:27

Uwumbɔr aa gee titunwanbirdam aah toor kitork ki tii u na la. Waah nan ki sakpen na le ye kitork ki bi kpa tilandakwanbir bisui ni ki toor na.

Aisaya 1:15

“Ni yaa yoor niŋaal paacham ki mee min kan, maan lik nimi. Ni yaa po mee min pu na kan, maan ŋun nimi aameel ngbaan, ba pu? niŋaal mɔmɔk ye nsin ŋmeen la.

Matiu 21:21

Le Yesu bui bi, “M tuk nimi mbamɔn la, ni yaa gaa Uwumbɔr ki kii, kaa joo beeni kan, ni mu ga ŋmaa ŋa kina. Naa ye nimina baanja le ni ga ŋa. Ni yaa po bui lijool limina ke li fii ki ti lir nnyusakpem ni kan, ni ga ŋa kina.

Matiu 5:44

Min le tuk nimi: ni li gee nimi aadim man, [ki bui binib bi seei nimi na ke, ‘Uwumbɔr ŋa tinyoor ŋa ni pu;’ ki ŋa binib bi nan nimi na tiŋann,] ki mee Uwumbɔr ki tii binib bi ŋani nimi falaa ki muk nimi na.

Matiu 6:12

Cha timi aataani ki pinn timi, ke ti mu aah di cha pinn binib bi koo timi aataani ni pu na.

Tibɔnyaan ti Luk ŋmee ti na 23:34

Baah bi kpaa Yesu ndɔpuinkoo pu na, le u bui ke, “Nte Uwumbɔr, di cha pinn bi. Baa nyi baah ŋani pu na.” Le butɔb aajab ngbaan yoor waawanpeenkaan bi ti yakr tɔb, le ki too inaan ke bi lik bimɔk aah ga kan ni na.

Tibɔnyaan ti Luk ŋmee ti na 24:50

Le Yesu di bi buen Betani aatiŋ chee. Baah ti fuu nima na, le u yoor uŋaal paacham, ki ŋa Uwumbɔr aanyoor ŋa bi pu.

Jɔnn 4:21

Le Yesu bui u, “Upii, pakn maah ga len pu na, n‑yoonn choo, binib aan nan ki doon Tite Uwumbɔr lijool limina paab, ki mu aan ki doon u Jerusalem aatiŋ ni.

Lituln 10:2

Konelius nan ye uninyaan la. U ni waachiln ni aanib mɔmɔk pak Uwumbɔr. U nan ŋani Juu yaab aagiim tiŋann sakpen, ki mee Uwumbɔr idaa mɔmɔk la.

Lituln 10:31

ki bui ke, ‘Konelius, Uwumbɔr ŋun saameel, ki teer saah ter bigiim pu na.

Lituln 10:4

Waah kan Uwumbɔr aatuun ngbaan na, le u san ijawaan, ki baa u, “Maaninkpel, aa ban ba?” Le Uwumbɔr aatuun ngbaan bui u, “Uwumbɔr ŋun saameen, ki nyi saah ter bigiim pu na, ki teer aa bɔr.

Lituln 21:5

Iwiin ilole ngbaan aah jer na, le ni ŋeer ti gir koo buŋɔb na ni. Taah gir cha ti ti koo buŋɔb ni na, le bi mɔmɔk, ni bipuutiib, ni baabim cheen timi, ki nyan ni kitiŋ ngbaan ni. Le ti mɔmɔk gbaan nnyusakpem na aagbaan, ki mee Uwumbɔr,

Lituln 7:60

le ki gbaan utaaŋaayil pu, le ki teen mpɔɔn pu, “Tidindaan, taa teen bi baah ŋa bakaa u na.” Waah len kina na, le u kpo.

1 Korenti 1:2

tii Uwumbɔr aanib bi bi Korint aatiŋ ni na. Uwumbɔr Aafuur Nyaan ŋa nimi bininyaam Yesu Kristo pu, ki yin nimi ke ni li ye waaninyaam, ni binib bimɔk yin Tidindaan Yesu Kristo aayimbil ntim mɔmɔk ni na. U ye Bidindaan, ni ti mu Aadindaan.

1 Korenti 7:7

Maageehn le ye ke ni mɔmɔk li bi ke maah bi pu na. Uwumbɔr mu tii unii mɔmɔk uma ubaa aapiin. Ti mɔmɔk aapiin aa kpaa. U tii ti mɔmɔk mbaabaa la.

2 Korenti 2:14

Tɔ, cha ti doon Uwumbɔr mbamɔm. N‑yoonn mɔmɔk u cha ti nyaŋni kinimbɔŋ, Kristo aapɔɔn pu, ki cha ti buen ni kookoo, ki tuk binib waabɔr ke bi bee u. Waabɔr mɔ ke tulalee aah nu mɔ pu na.

Filipi 1:12

Nnaabitiib, m ban ke ni bee ke maah bi kiyondiik ni na, nima le cha binib pam ŋun Yesu aabɔnyaan tee.

1 Tesalonika 1:8

ba pu? ni nan chuun mooni Tidindaan aabɔr, ki tuk Masedonia ni Akaya aatim aanib. Naa ye nima yaab baanja, ntim mɔmɔk aanib ŋun ke ni gaa Uwumbɔr ki kii la. Nima pu na, taa ki ban ke ti tuk bi nimi aabɔr. Bi puun nyi.

1 Timoti 5:14

M ban ke bikpopiib bi kaa por na mɔn tichal, ki maa mbim, ki li lik baachiln ni aabɔr, ki taa tii timi aadim nsan ke bi galn timi.

Taitus 3:8

Tibɔr ngbaan gbii la. M ban ke aa li tuk binib tibɔr ngbaan n‑yoonn mɔmɔk, aan binib bi gaa Uwumbɔr ki kii na aatafal li bi litunyaan ponn ni. Nimina le ŋan ki kpa tinyoor ki tii binib.

Hiibru Yaab 10:22

Nima pu na, cha tisui li bi mbamɔm, aan ti duun Uwumbɔr chee, ki gaa u ki kii mbamɔm ki taa joo beeni; ba pu? Yesu Kristo aasin finn tisui ni aatunwanbir, timi aalandak taa ki li muk timi titunwanbir pu. Le bi finn timi aawon nnyun mu bi chain na ni.

Jemisi 4:8

Ni foor malni Uwumbɔr man, le u mu ga foor mal nimi. Nimi titunwanbirdam, di nimi aatunwanbir lii man. Nimi bi ban ni dii dulnyaa aasan, ni Uwumbɔr aasan mu na, toor nisui man.

1 Piita 3:7

Bijab, ni mu li nyi naah joo nipuutiib pu na. Bipiib aa kpa mpɔɔn ke bijab aah kpa pu na, nima na, ni li pak bi; ba pu? nimi ni bima le ga kpaan kan Uwumbɔr aapiin i ye limɔfal li kaa kpa ndoon na. Ni li joo bi mbamɔm, nimi aameel taa ŋa yɔli.